أبتعد لا لا تفكر بالرجوع ... أبتعد وأنسى اللذي صار وحصل

أنطفت أمال حبك والشموع ... يابعد عمري ترا ضاع الامل

الندم مايفيد مع هل الدموع ... دام طيفك من عيوني أرتحل

ماأبي شرواك ولا نيبه طموع ... دام ورد الحب ياخلي ذبل

قلبي اللي أرتعب منك جزوع ... كم يهاب الغدر يا كم أنخذل

كم سهرت الليل والعالم هيوع ... كم شكيت الاه قلبي منقتل

غرني حسنك ومجمول الطبوع ... الله يرحم وقت عشناه بغزل

كنت مثل الشمس في وقت الطلوع ... من يحل الليل دمعي ينهمل

من بعد ماكان حبك بالظلوع ... عافك الخاطر وماعاد أحتمل

ياحسافه وش بقى غير الدموع ... ياخساره مات حب ومكتمل