21-12-2008, 03:53 AM
|
 |
عضو مميز
|
|
تاريخ التسجيل: Dec 2008
الدولة: عالــمــ نجد ـــي
المشاركات: 1,273
معدل تقييم المستوى: 361613
|
|
|
ترى من جد أكرهها ياعالم ناشبة فيني
ترى من جد أكرهها ياعالم ناشبة فيني
تغير دايم الأرقام عشان أرد أكلمها
حرام أقول يا فلانة روحي لا تحبيني
وحرام أبقى معاها كذب على أني أطاوعها
حرام أكسر محبتها و أبين قولة أنسيني
وحرام أكذب على نفسي على أني أنا معها
أنا أذكر قلت أبي أرحل قالت لا تخليني
وصار الدمع على الخدين يغير من ملامحها
وقالت لا رحلت أنت جعل موتي يناديني
مع أني قاسي معها كأني كنت أدلعها
طفلة لينت قلبي و دلتني عناويني
وذبت أنا معها صدق وصعب أني أفارقها
خذت روحي بلطافتها وميانتها تسليني
وصرت أخشى دموع العين تنزل من مدامعها
وصار الكون في كفة وهي صارت تكفيني
ملاك.. لا حشا والله عجزت أني أشبهها
وكل ما أشوفها والله أقول أنتي توديني؟؟
أخاف أنها تصرفني مثل مانا أصرفها
يا عالم شكلها بتقول ترى هذا نشب فيني
و أصير أنا الغبي الي يفكر بس يكلمها
اتمنى تعجبكم.. اختكم ليالي
التعديل الأخير تم بواسطة ليالي نجد ; 21-12-2008 الساعة 04:10 AM
سبب آخر: حذف بيت غير لائق
|
العرض العادي
