السلام عليكم ..

عندي لكم مشيريع تصغيرا لاسم مشروع ربحه لابأس فيه ..

طبعا هالمشيريع مايصلح الا بالشتاء ..

المشروع هو بيع طرابيش وشراريب شتويه

الطريقة :

سلمك الله تروح للبطحاء وتشتري لك كم درزن شراريب وطرابيش

طبعا درزن الشراريب بـ 11 ريال
الدرزن فيه 12 حبة
اذا بعت 3 حبات شراريب بخمسة ريال
يطلع مكسبك بالدرزن الواحد 9 ريال
وصراحه مكسب كويس ..


ودرزن الطرابيش بـ 35 ريال
الدرزن فيه 12 حبة
اذا بعت الحبة الواحده بـ 5 ريال
يطلع مكسبك بالدرزن الواحد 25 ريال
والمكسب كويس ..


انا بصراحه اشتغلت بهالشغلة فترة بسيطة ..

من واقع تجربتي البسيطة ربحت في بيع الشراريب ومكسبهن حلو ..

ولكن للاسف خسرت في بيع الطرابيش خسارة فادحة ولكن التجارة ربح وخسارة ..

اكتشفت شيء بسيط :: ان الناس مايشترون الا الرخيص وخصوصا من الباعه المتجوله او الحره ..

نصيحة للي يبي يدخل في هالمشروع :: انه مايكثر في البدايه ويشوف اللي يمشي اكثر ويثبت عليه ..

والله الموفق والرازق ..

مع أأحترااااااااااااامى الشديد للك مشرررررررررررررررررروع فااااااااااااااااشل بكل المقاااايس لا تزعل منى لكن أاخوى هنا فى المنتدى نبحث عن مشاااريع اربحها خياليه ورأس مالها قليل مشروعك هذا غير مجدى نهائى وانا لقيت البنقاليه يبعونها عند المساجد طرابيش وشرابات من عصر جدى اتمنى تكون اكثر جديه بطرحك للمشاااريع تحياااااااااااااااتى

مااحترامي الشديد للي فوق 888888

هذا المشروع ناجح بكل المقايس بس يبله صبر وثاني شئ عدم التكبر على الشغله هذه

لان ماطلع البخاريه وخاصه في الحجاز وخلاهم يركبون الهمرات والكازاس الا هذه الشغله

وحنى نضحك عليهم وماندري هم يلي يضحكون علينا وماهم شايفينا شئ

انا من قبل اضحك على يلي يبعون خضار وفواكه واقول كم مكسبهم في اليوم

صدقوني ان اشتغلت هذه الشغله وكنت اطلع في اليوم ما يقارب 150 الى 300 ريال

بس انباعت الددسن وانا عجاز بالمعنى العربي والا شغله كانت مكسبها ذهب

قصة انسان :: شرفت الموضوع وانا احترم وجهة نظرك ولكن الطمع مهوب زين وخصوصا اذا صار الواحد توه بادىء بالتجاره ..

سيف الزعيم والسروري :: نورتوا الموضوع وشرفتونا ..

الله يرزقكم

شكراً فني مختبر على المشروع الطيب
فعلاً أنا شاهدت أحد الشباب يشتغل في الطرابيش والشراريب أمام مسجد في أحد الأسواق وماشاء الله زحمه عليه وكل يوم موجود بصلاة الظهر والعصر والمغرب العشاء ,,, ومن أول دخول الشتاء وهو موجود....
واللي يقول إن المشروع فاشل المعذرة..
ولو المشرووع مافيه فايدة ولا مكاسب كان ماقعد كل الفترة ..........

والعفو بالتوفيق

اخي فني مختبر كل شي بدا من الصفر وكل شي بدا بفكره ومشروعك مكسبه طيب وخصوصا بالشتاء واستمر فيه وطور منه ولو تجيب سخانة الشاهي وتبيع الكوب بريالين تعرف الناس تبي شي يدفي والله يوفقك من قلب

الله يرزقكم