قصيده قرأتها واعجبتني واحببت ان انقلها راجيا ان تحوز على رضاكم

الشمس تولد يالضيـا فـي محيـاك
وتموت لامن غاب عنهـا شعاعـك!
وشلون تبغانـي اوادعـك وانسـاك
وانت المجرة تختفـي فـي وداعـك
دمع الكواكب خـر نجمـات عينـاك
على الوداع المـر تبكـي ضياعـك
الله ياحلـم السمـاوات: مااحـلاك!
احلى من ( احلى) والحلا في طباعك
وجهك قمر..ولثامك الغيـم يغشـاك
يبيـن لا حـرك هـوانـا قنـاعـك
وظلام قاع البحـر مجنـون عينـاك
حوله غيومٍ بيـض تملـى وساعـك
نحت (احبك موت) في ثلج ذكـراك
وذاب وبقى (موتي) بنـار امتناعـك
والكلمة اللي هزت عروش الافـلاك
اقولها ويفلـت مـن ايـدي متاعـك
قلت: الوداع , وطاحت بخوف يمناك
حقايبـي, ولا دمـوع ارتيـاعـك؟
ياابعد من ( بلوتو) على درب مضناك
بعدك سحب قلبي على شوك قاعـك
تصادمـت كـل الكواكـب بفرقـاك
شفت انهيار الكون لحظـة وداعـك
وموج اللاسى يمسح اثر فرحة خطاك
اقفيـت ولا اقفـى الهنـا بندفاعـك؟

للشاعر / خالد الدوسري