مســـــــــــــــــــــــــــاء /صبــــــــــــــــــــــاح الخير للجميع
قرأت في أحد المنتديات هالقصيده اتمنى تنال رضاكم......

يجينا الفرج بكرا.. يا بنتي بس لا تبكين

انا مااستحمل دموعك .. وهمساتك تبكيني

نشف دمعي على خدي يا بنتي من ثلاث اسنين

وصارت كل آلامي تعيش وتلتحم فيني

يا بنتي احبسي دمعك دخيلك اكتميه الحين

حرام الدمعة في عينك تعانق ماضي سنيني

تعالي واحظني فرحي .. وقولي للفرح اهلين

وخلي حزنك بقلبي .. دخيلك يابعـد عيني

اشوف الدنيا بعيونك .. واشوف الفرحة بك يا زين

وانا مالي سواك إنتِ .. وإنتِ شمعة تضويني

علام الهم في قلبك .. يابنتي ليه ماتحكين

ابيك تكسري همك وانا امك قولي حاكيني

يايمـه [حالتي صعبة ]انا.. والفقر صرنا اخوين

اعيش بظلمة همومي والاقي الهم يكويني

معاقة يمه من صغري .. معاقة تشتكي حق مين

مدام ان البشر تنظر لحالي بعطف يعميني

اناظر هالبشر واسال ..انا وش موقعي الحيــن؟؟

وش اللي يميز الأعمى عن اللي شوفهم زيني

فقيرة حظ يا يمـه وحالي تعمي العينين

من اللي يعشق ويهوى معاقة حظها شيني

سألتيني وش اتمنى يايمه منيتي شيين

يكون الفرح اولهم بعدها تعيش رجليني

انا ودي ومنا عيني يكون لجسمي بس رجلين

تساعدني على برك .. وبرك غايتي وديني

يا ليت الناس ترحمني وترحم حالة المسكين

ولا تجلس تناظرلي بنظره تجرح سنيني

تلاقين الفرح مظلم ونور الحزن وسط العين

وألاقي الهم والحسرة وسمها الوقت بجبيني

معاقة يمه قوليلي علامك ساكتة تبكين

كلامي ازعجك ادري .. وادري الدمع يشكيني

دخيلك يمـه لي رجوة مدامك قادرة تكفين

ابي لي لعبة يا يمه تكون الصادقة بعيني !!

طلبتك يمه هاتيلي عروسة مالها رجلين

وابيها تكون في كرسي .. ( معاقة ) مثلي ترثيني؟؟
تحيياااتي

اختيار جميل

صح لسانك ولسان الشاعر

شاكر لكِ النقل الرائع


والله يكون في عون أخوانا المعاقيـن

إختيار موفق ,,
قصيدة تحكي واقع فئه غاليه على قلوبنا ,, نسأل الله الكريم أن يمن
عليهم بالصحه والعافيه ...

نورتو صفحتي المتواضعه

يسلموا
لا عدمناك خيتو