قرر الوزير الالتقاء ببعض اعضاء منتدى البطاله
وكعادت الاعضاء لم يقصروا في اكالة التهم واهانة الوزير بالكلمات الجارحه , ولكن كان الوزير كان ديموقراطيا ولم يغضب منهم تقديرا لشعورهم وكعادته حاول التنصل من المسؤوليه لكن الاعضاء حشرووه


الوزير : مرحبا ابنائي العاطلين كيفكم ؟؟
العنزي : ما احنا بخير طالما انت جالس على الكرسي
الوزير : ليه ياولدي؟؟ انا قصرت معكم
ابو نايف : اقول والله خربتها مو بس قصرت , احنا جالسين عاطلين من سنوات وانت ولا همك تدري اني عاطل من عام ترمس ولحد الان مالقيت وظيفة
الوزير : اكيد ماعندكم مؤهلات مناسبه لسوق العمل
حمد الشمري : الظاهر تحاول تغطي على عيوبك , ولمعلوماتك احنا معظمنا مؤهل وعن نفسي انا فني صيدله ولحد الان مالقيت الوظيفه
الوزير : معقوله !! باين عليك انسان عاطل فاهم ومثقف بس غيرك مايملك اللي تملكه ومعظم العاطلين اللي اعرفهم مايملكون المؤهلات
لمى : اسمح لي هذي نظره غبيه منك لان معظم العاطلين والعاطلات مؤهلين التأهيل وانا عن نفسي بطاليه للحين هذا غير اخواتي العاطلات الثلاث بالرغم من اني خريجة حاسب الي
الوزير : معقوله !! معلومات اول مرة اعرفها كنت اعتقد ان العاطلين مايملكون المؤهلات اللي تساعدهم في الدخول لسوق العمل
عبدالاله العضيله : لانك بصراحه انسان بعيد عن الواقع وعايش في الرياض وهي في قلب المملكة بس لو خرجت للجنوب او الغربيه او الشرقيه راح تشوف اكثر من كذا
الوزير : انا اعرف ان العاطلين كثير وفيه عاطل في الرياض وجده وعسير وكل المناطق بس فيه ناس مقرودين وتجده مطلوب من العطاله غصبا عننا ومافي يدنا شئ نساعده به
نور: اسمح لي اقول لك عذر البليد مسح السبورة والله انني اعتبر يوم تعيينك هو يوم حزن الوطن لان من يوم تعيينك وانت تقتل احلام العاطلين انا من سنوات وطايحه بالبيت ماغير اكل ومرعى وقلة صنعه
الوزير: يابنتي والله كلامك قاسي في حقي ولكني راح اعتبرك في لحظة غضب وراح اسامحك واعتبرك مثل بنتي طيبه وحبيبه:o
حنين: انت وزير ولحد الان كلامك غير منطقي وما انت قادر على الاجابه على تساؤلاتنا !!
الوزير : لأن بصراحة لحد الان اسئلتكم معي غير منطقيه
ابو مطر: اقول بلا فلسفة زايده انت ماعندك أي جواب لان اسئلتنا كانت في الصميم وجالس معنا مثل البسه والمشكله جالس ترسم لنا لوحه سيرياليه عن وزارتك الموقرة, الاخت اللي قبلي ماهي غبيه او ضاربه فيوزها حتى تقول اسئلتك غير منطقيه احنا نتمى منك تعطينا الفرصه في سوق العمل حتى نقدر نستخرج الكنز المفقود في داخلنا وبعدين احكم احنا مؤهلين او لا
الوزير: انا ما ادري ليه جالسين تحملوني مسؤولية بطالتكم صحيح انا وزير بس كل اللي بيدي سويته حاولت اني اطرح لكم وظائف وحاولت ادخلكم معاهد لاهم الشهادات المطلوبه في سوق العمل والملقبه بأم الوظائف ورغم هذا كله ما انتم مقتنعين باللي سويته اتمنى من كل واحد فيكم كل يوم ومع انشراح الفجر يروح لاي شركة من الشركات او مؤسسة او مستشفى واذا ماعاملوه وفق المطلوب مكتب وزارتي مفتوح له ولكل العاطلين
روان: والله تعبنا من كلامك يامعالي الوزير , كل كلامك في الهوا وتعبنا منه انا واخواني واخواتي العاطلين وصدقني مهما سوينا ماراح ترضى الشركات عننا ومهما صار مظلومه منهم ومن المشرفين اللي عندهم هذا غير انه اصبحت كل وظيفة بواسطة
الوزير:الانسان لازم ينظر الى الامل المشرق وليس العكس للمظلم خلي عندك امل بالله قوي ولا تيأسي وانشالله راح تتغير نظرتك
المهندي: يامعالي الوزير انا واخوي رميزان عاطلين من سنوات بالله عليك متى راح نتوظف ونتزوج واحنا سنين عمرنا تركض يعني تبغى مني اجلس طول عمري وانا متزوج البطانيه انت قطعت ارزاقنا بسبب اهمالك لنا ولو بيدي اخذتك من الكرسي اللي جالس عليه واخذت منك التاج والوزارة
الوزير: يا اخي انت رزقك مكتوب من رب العباد وليس مني او من أي شخص , صدقني مافيه أي شخص في الارض يقدر يقطع رزقك غصبا عني وعن غيري وانا شخص مثلي مثلكم , صدقني اذا حان وقت رزقك غصبا عن أي مخلوق راح تاخذه اتمنى رسالتي لكم وصلت..


وفي النهايه اتمنى اني طرحت ولو جزء بسيط من اسئلتكم على معالي الوزير , واتمنى ان الاعضاء بردوا خواطركم فيه ولو قليلا

مين معي أي وزير؟؟؟؟

يالوزير أذا تبي شىء أنا موجود هههههههههههههههه

كلم العاطلين وأبشر بالسعد أول شىء أسويه أقعدك هههه

لمى : اسمح لي هذي نظره غبيه منك لان معظم العاطلين والعاطلات مؤهلين التأهيل وانا عن نفسي بطاليه

صراحه لقاء مميز من عضو مميز كل اللي في خواطرنا قلته ياليتك من جد وزير كان تحس فينا

يعطيك العافية اخوي

وزير لبطالة وفقك الله وادام ابداعك وقلمك المميز دائمأ مجهود مستمر من شخص مبدع وفقك الله يابغلي وتقبل تقديري

وانت ليش ما تروح لاي جريدة أو اي مجلة

والله انك مبدع في الكتابة










وبعدين

في واحد اسمة راضي بحبك

سئل سؤال

يمكن سقط سهوً


ولا تنساني مرتن اخرى