السلام عليكم ..

في احد الاخوان معنا بالمنتدى منزل مجموعة شركات طالبه موظفين ومنزل ايميلاتهم طبعا ارسلت لهم سيرتي الذاتيه .. ودقت علي شركة الافضل لتأجير السيارات امس العصر .. قال لي الموظف غدا عندك مقابله (يعني اليوم) وصراحه رحت لهم اليوم كان استقبالهم لي كويس المهم جاني واحد يقولون هو المشرف وسوا لي المقابله طبعا بداية المقابلة قال لي هل عندك استعداد تستمر معنا لمدة سنة وطالع .. قلت له لا للاسف مااقدر لاني مقدم على وظايف حكوميه واخاف تطلع لي وحده بعد شهر او شهرين .. المهم قررت اني اتركهم ..
طبعا على حسب كلام المشرف اللي سوا لي المقابله يقول الدوام من 8 صباحا الى 5 عصرا .. والراتب 3200 ريال ..
طبعا الوظيفة في البداية تكون موظف استقبال وبعد كذا تكون معنا في الادارة ..( هذا على حسب كلام المشرف)


طبعا انا بما انني رفضت هالوظيفة قلت خلني ادل اخواني العاطلين عليها لعل وعسى ان يشتغل احدكم فيها .. والدال على الخير كفاعله ..

ومكان الشركة ::
وانت ماشي على طريق العروبه حتى نهايته يجيك حرف T اللي هو طريق الملك عبدالعزيز رح يمين وامش سيدا لين تجيك لوحه مكتوب طريق الامير عبدالعزيز بن مساعد (غرب) لف على طول يمين مع هالشارع واول ماتلف يمين تجيك دخله على اليمين ادخل معها اذا دخلت معها تجيك بوابة على اليمين ادخل معها ثم تشوف قدامك لوحة مكتوب فيها شركة الافضل رح لهم .. والله يكتب اللي فيه خير ..


دعواتكم لي اني القى الوظيفة المناسبة ..

الله يوفقك , ويبآرك فيك

الله يوفقك وعسى تلقى وظيفه تناسبك

جزاك الله كل خير

الله يوفقك ويكتبلك ماتتتمنى


وجميع المسلمين والمسلمات يارب


وبالتوفيق للشباب

جزاك الله ألف خير

ما فيه إيميل أو تليفون مثلا ً عن الشركة
و لا لازم تروح و تسوي المقابلة

اعطينا تلفون او فاكس او ايميل نرسل لهم السيرة الذاتية طيب
الله يكتبك الخير فيما تنتظري

الله يوفقك لما فيه الخير لك.

الله يجزيك خير ويكثر من امثالك