السلام عليكم ورحمة الله وبركاته ,مساكم الله بالخير بحاول اختصر كنت موظف في شركة وتحولت الى مؤسسة لمدة سنتين و10 شهور صار لي مشاكل بالعمل اضطريت اقدم استقاله , طبعا في اخر يوم في فترة الانذار تواصلت مع صاحب المؤسسة انه لو له رغبه اواصل معهم بحكم اني قديم ولي معهم خبره وقلت له شروطي وهي منطقية زيي زي اي موظف عنده تواصل معي بعد 5 ايام ورديت عليه متأخر بحكم انه تاخر المهم هو كان له رغبه اني ارجع لكن كان رافض كل طلباتي بما فيها يرجع دوامي القديم اول ماتوظفت وفي شباب موظفين معنا كان دوامهم فتره واحده وهو كان موافق عليه لكن عندي انا رفض "هو كان مفكر اني ميت على الوظيفه فرفض كل شروطي يحسب اني بتنازل لكن استخرت وتركتهم"


طبعا طلع اسمي من التأمينات بعد شهر من تاريخ اخر يوم في الانذار ولا ادري وش الحق الي لي والي عليه



طبعا المخالفات الي وقعت علي وكانت سبب اني استقيل هي كاتالي :
1- في شهر رمضان خصم مني 3 ايام سجلها غياب بالغلط لأنه غير دوامي من صباحي الى مسائي وماحسب الصباحي في البصمه وما دفعها لي كان يقول لي بعدين في كل مره ,وعندي شهود ع الكلام هذا.


2- غير شهر الراتب حيث ان الشهر عندنا كان ينتهي بيوم 23 يعني لو موظف جديد توه توظف بيوم 19 مثلا راتبه ينزل يوم 23 , عباره عن 4 ايام الي داومها , طبعا غيره من 23 الى 30 ورفض يدفع فرق الايام يقول انا متفق معكم نظاما اني ادفع لكم راتب كل شهر ما اتفقت معكم اني ادفع لكم كل 30 يوم .


3-كان يقول الي يتمتع بأجازه اسبوعيه يداوم 9 ساعات و40 دقيقه طبعا الأشكالية هنا هي ال40 دقيقه نظاما اداوم 9 ساعات شامل ساعة الراحه او الصلاه داومت شهر او شهرين 40 دقيقه زياده وبعدها يوم عرفت النظام عرفت انها استغلال منه ورفضت اداومه وماخصمها ابدا لأنه يعرف انه كان يكذب .


4-كان محدد وقت الدخول ب9 والخروج 12:15وقت اذان الظهر ,والفتره المسائية من 3:40 الى 10الليل وهو مخالف لأنه ماخذ ربع ساعه الظهر وفي المساء 20 دقيقه طبعا داومنا فتره بعدها رفضنا صرنا نبصم ونشمي طبعا كلمته بخصوص العصر قلت له الناس يطلعون من الصلاه 4 قال لا انا اطلع 3 ونص وارسلت له صوره مواقيت الصلاه بعدها سحب علي وصرنا نداوم بالنظام 9 ساعات فقط
5- كنت انجبر بعض الاحيان اداوم ساعتين زياده الى ساعه و40 كلمناه يعطينا تكليف رسمي بالعمل الاضافي قال ابشروا طيب واخر شي داومنا بدون تكليف ولا اعطانا شي , ومتذكر الايام الي داومتها .




مأدري صراحه اذا في شي نسيته او لا لكن كيف اثبت حقي وهل مكتب العمل بيوقف معي او معه طبعا هو للأمانه محنك ومتحدث جيد لكن نصاب واستغلالي , انا في النقطه رقم 1 عندي شهود وفي 2 اقدر اجيب كشف حساب من البنك يوم انه غير شهر الراتب من 23 الى 30 والساعات الزياده اتذكر تاريخها ومسجله عندي


طبعا حقوقي اغلبها اجازات يوم التأسيس قال داوموا وبعوضكم بيوم ونص ماعوضني , وعندي يوم عيد صادف اجازه رسميه و اليوم الوطني داومته بحكم انه صادف الجمعه عرضوا علي اداومه ويعوضوني بيوم كامل ماعوضوني طبعا كنت اجمع رصيد اجازاتي ع امل اني اطلع لي بشهر او اقل اخلص اموري واصلح سيارتي لين وصلت حدي واستقلت حقوق كالتالي ولا انا غلطان ؟:


1- رصيد الأجازه السنويه 21 يوم.
2- رصيد الايام الي داومتها وهي اجازه رسميه زي يوم التأسيس واليوم الوطني ويوم عيد صادف اجازه اسبوعيه .
3- اجازه عن اجزاء السنه بحكم اني داومت 10 شهور فأستحق عليها اجازه بجانب اجازة السنه كامله الي قبلها الي21 يوم .
4-مكافأه نهاية الخدمة ثلث راتب .
5- راتب اخر يوم داومته وافق اول الشهر .





طبعا انا ابغا اتخارج لكن هو راعي طويله ولف ودوران برغم انه غني عن الامور هذي , وخوفي انه يزور في الاوراق حقت الدوام او مكتب العمل يوقف معه بحكم ان بينتي ضعيفه وش تشوفون التصرف الأسلم

انا سجلت بالموقع عشان ارد عليك ، أولا يجب ان تثبت كل اللي قلته عن طريق :
1- متى تم تغير دوامك وهل تم اشعارك بذلك
2-بالنسبة لموعد الراتب اسحب برنت من البنك يأكد أن الراتب تستلمه في يوم 23 وتكراره في كل شهر
3-بالنسبة لأوقات العمل يجب ان تثبت انك تداوم أكثر من 48 ساعة في الاسبوع (عشان تأخذ الباقي اوفر تايم)
4-بالنسبة ليوم التأسيس واليوم الوطني هذا صادر في نظام لذلك كل اللي تحتاجه اثبات دوام

طبعا تأخذ كل هذه الاوراق مع عقد العمل وتروح لمكتب العمل وتشتكي رسمي وبيجيبون حقك بسهولة