اتفق عدد من الشباب في المنتدى على الذهاب الى رحله بريه للاستمتاع بالاجواء الربيعيه هذي الايام , وبحكم ان الشباب لايعرفون بعضهم حق المعرفه تحصل معهم بعض المواقف , خلونا نشوف شو صار مع الشباب في الرحله:

عاطل فاهم : يازين الجو في البر قسم انه يرد الروح, بس ناقص شاهي يعدل المزاج شوي
العنزي : افا والله عليك الحين اضبط لك براد شاهي بالنعناع ينسيك حليب امك بعد
سلطان العضيله : الله ياكبرها عند الله هذي الكلمه , حليب امه مره وحده
مؤمل خير : الكبسه على مين ترى انا ما اعرف اصلح شئ
عبدالاله العضيله : اقول الكبسه علي , بس قوم وغسل الاواني
عاطل الرياض : ياشباب بحكم اني مقبل على زواج اقترح ان الاواني تكون علي , ابغى اتعلم من الحين كيف اغسل اواني :o
مطلوب من العطاله: اما انا علي بس اجلس , اسمحوا لي يكفي اني جايبكم بالسياره حقت ابوي
رزقك مكتوب : على مين تلعبها يامطلوب اقول تشتغل مثلنا مثلك, واذا على السيارة حتى انا جايب الخيمه حقت ابوي اجل بجلس مثلك
العنزي : اجلس ياولد انت وياه بدينا من الحين التمنن حتى انا اسطوانة الغاز حقتنا
عاطل فاهم: اقول الظاهر بتخربونها من اول يوم , اقول قوم انت وياه وشوفوا اشغالكم وانا بجلس هنا بحكم ان الفرشه حقتنا
سلطان العضيله : اقول الخروف لحد الان ماحد ذبحه , من الشجاع اللي بيذبحه بسرعه
راضي بحبك : افا عليكم انا اذبحه لكم , بس سؤال اللي بيذبح خروف من وين يذبحه؟؟
رميزان : انت جالس تهايط وانا وانا وفي النهايه ماتعرف من وين يذبحون الخروف ! الله يخلف عليك بس
جنوح الضفدع: اقول بس هات الساطور والله لخليه قطعه قطعه هذا الخروف انا انسان متهور واحب أي شئ فيه سكاكين وسواطير
سعود الواصل : الله يستر منك والله شكلك ارهابي معنا , ياليتك ماجيت معنا بس
بحراوي : أي والله الظاهر انت راعي مشاكل علشان كذا تحب السكاكين والسواطير , الله يستر منك بس
جنوح الضفدع: لا تخافون ياشباب والله انا حبوب , وفي حياتي كلها ماسويت مشاكل مجرد اني طعنت خمس اشخاص ودخلوا بسببها العنايه المركزة بس
بحراوي : خمس اشخاص بس !! تصدق انه قليل, ياخوفي اني اكون الشخص السادس , تصدقون ياشباب نفسي ارجع البيت حاس ان الجو بارد ومايصلح للكشته
الكاسر : الجو بارد والا خايف ان احد يطعنك ؟؟ لاتخاف ترى الضفدع مايسويها في ربعه
خريج تقنيه عاطل : اقول اركد انت وياه بلا سكاكين بلا سواطير , خوفتوا الشباب اصحاب القلوب الضعيفه, نبغى قهوه بس مع التمر
مؤمل خير : قسم بالله انك جبتها ياخريج , هي اللي بتهدي اعصاب الشباب

مع تمنياتي للشباب بقضاء ايام جميله في البر

اولــــــــــــــــــــــــــــــــــي .....تهي تهي ..

لي رجعه....

تشاااااااااااااااااوغ...

الله الله على الابدااااااع المتواصل من كاتبنا المشهور

والله حلوه طلعت الشباب والبر

بس الضفدع كنت شاآآآآكه فيه من زمان <<< والحمدلله كشفته على حقيقته المجرم

<<<لاتزعل ترى مزوووح تجي وتروووح على قولة 000

قصه رائعه من كاتب مبدع
يعطيك العافيه والى الامام

يعطـــــــــيكـ العافية

بس ممكن أعرف ليش بحرااااوي خواف ؟؟؟؟

ههههههههههه
ودمت بود


بحراوي ...... دمت بود أينما كنت

يأخي طفشت وانا بس اقول انك مبدع ورهيب ورائع
صراحه تصلح مخرج مسلسل بدوي ههههههههههه وتكون البطله ضاربه فيوزها هههههههههههههههه
واسمها ضوضو العدوان ههههههههههههههههه
الله يعطيك العافيه يالغالي

قسم بالله اني عشت الكشته وكأني عندهم واسمعهم

يعطيك العافية خليتنا نعرف بلاويهم وهوشاتهم

الحين ليش كشتتكم مافيها بنات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عنصريه حتى بالمنتدى كلنا ندري انها مجرد كتابه ولا نحاسه ماتبونا
نستانس معكم خخخخخخخخخخ .

تشكرات .

وين الشايب