الحب طفل سكن شعري وهوجاسي
وفي ضلوعي العوج ربيته وكبرته
خذاني من الوطن والناس ونعاسي
وبلاقناعه تقبلته وبررته
سلمت امري اليه وطحت متواسي
الين ماصار شي ماتصورته
حبيبتي كيف أكذب حزني ويأسي
لوالعذر يعذرك قبلك تعذرت
الله يسامحك ماقدرتي أحساسي
وأنا علشانك الاحساس قدرته
نساني الهم غالي ربي وناسي
وذكرت ربي وقلبي فيك ذكرته
ودورتي اسهل طريق لضيقة انفاسي
ماكن درب الفرح لرضاءك دورته
ياسيدة خافقي ومحطمة باسي
كم مرة لمت خافقي وحذرته
صحيح أحبك وأخاف فراقك القاسي
وخطاك ياما تجاهلته ومررته
لكن اليوم لاذاكر ولاناسي
ودعتك الله وقلبي عنك صبرته
عساني الموت كان بينحني راسي
ويجعلي الضيم لو مبداي غيرته

للشاعر / محمد السهلي
واتمنى اختياري ينال إعجابكم

دمتم بود ،، حنين الرووح