30-12-2008, 07:44 PM
|
عضو سوبر
|
|
تاريخ التسجيل: Nov 2008
المشاركات: 384
معدل تقييم المستوى: 33
|
|
فتح باب القبول بمستشفى الأمراض النفسيه(يبون مرضى)
مساء الخير على الجميع
شرآيكم بالإعلان ههههههههههههههههههههههههه فله صح .
والله تعبت وأنا أدور وظيفه وخلاص شكله آخر شي ترسي على مستشفى
الأمراض النفسيه كله من ورا المجتمع الظالم والفساد الإدراي والوزاري
وكل شي وتصدقون أنا سامعه أن مستشفى الأمراض النفسيه بالواسطه
وزين أنها للحين واقفه على الواسطه بكره راح يطلبون شهادة جامعيه
وخبره ودورات تدريبيه وقولوا روان ما قالت نصيحه أحجزوا مقاعدكم من
الحين حتى اللي مافيه شي يروح سبحان الله يمكن يصير شي فجأه خخخخخ .
والله ثم والله أني فيني من الطفش والهم والغم والملل شي ما يعلم فيه الا الله
الناس رايحه جايه من دواماتها وأنا قاعده مثل الهم على القلب  أبي
أطلع أبي أثبت نفسي أبي أحقق طموحي أبي وأبي وأبي سنتين وأنا أكل وأشرب
وأسهر وأنام أنعمت عيوني من مقابل الكمبيوتر ماهي عيشه ماهي حياة
الواحد إذا جا ينتحر قالوا الإنتحار حرام وإذا عاش عيشته بعد حرام مكبوت
ومايقدر يسوي شي صرت بين المطرقه والسندان  جاني إحباط وأكتئاب
صرت أكره الناس ماعندي هدف بالحياة ماعاد يعني لي شي السنه الماضيه
والسنه الجديده وش الفرق يعني اللهم أننا كبرنا سنه  حسبي الله على
وزير التربيه ووزير الخدمه المدنيه ووزير الماليه اللي كل سنه يعلن عن
ميزانيه وش كبرها ويحرق قلوبنا محنا شايفين منها شي الله يحرق قلبه
اللهم دمرهم مثل ما دمروا اليهود غزه هم ووزاراتهم اللهم أنتقم منهم شر
أنتقام اللهم أرنا فيهم عجائب قدرتك <<<خربطت ماعاد تدري وش تقول 
والسموحه منكم على الإطاله .
تقبلوا تحياتي .
|
العرض المتطور
