السلام عليكم

كيفكم

هذي قصيدة للمستعجلات على الزواج

و بدون زعل

لا تحسبين العرس توفي وكتكات ....
ولا تحسبينه تويكس والا بونتي
ولا تحسبين العرس كيكة وطرطات ....
وصلة قطعتيها ووصلة بلعتي
ولاتحسبين العرس تصفيق واصوات ....
وانت على صوت الغطاريف همتي
ولاتحسبين العرس كوشة ولمبات....
وانت كما الطاووس فيها جلستي
ولاتحسبين العرس احلام في الشات ....
ياما بنيتيها وياما هدمتي
ولا تحسبين العرس روحة وجيات ....
هيا اقضبي بيتك عسى مانهبلتي
ليلة سعيدة وانت احلى الجميلات ....
تشخص عيون الناس اذا حضرتي
(واللاينر)حطيه بلا زيادات ....
لا يخرب المكياج اذا دمعتي
(والمسكرة)تحتاج لطف ومدارات ....
حتى يبان الزين اذا رمشتي
(والاسبريه )رشيه حتى البصيلات ....
يمسك شعرك زين لو كان زدتي
وترى(المحدد)فن يحتاج رسمات ....
يبان رسمه زين اذا ابتسمتي
العرس يابنية ماهو شعارات ....
تفنى مراسيمه وتبقين انتي
ويبقى شريك العمر راعي الطويلات ....
هذا هو العرس حقيقه عرفتي؟
اول نصيحة لك حفظ الصلوات ....
صلي العشا والفجر في كل وقتِ
وفي ليلة العرس الموفق بالذات ....
ادعي الكريم إذا سجدتي
والتعري لاترضين عند الكوفيرات ....
ولبسك يملى العين اذا لبستي
واللي على زوجك تحرضك مرات ....
ارجوك شوتيها شوتت بلنتي
والصبر في العشرة حتى على فتات ....
ياماحلا فعلتك يومك صبرتي
واذا حفظت السر مع المدارات ....
زوجك ترى في عيونه كبرتي
والسوق يعني هاه وقت الضرورات ....
والاترى زوجك يدور لمفتي
زيدي الغطاية وكثري في العبايات ....
والله يرضى عنك اذا سترتي
اوصيك بالكبسة وكثر اليدامات ....
حتى لوانك من سببها متنتي
وخلي الرجيم اللي فشلتي فيه مرات ....
سويه مرة واحدة لا ولدتي

قصيده معبره مزجت بين الفكاهه والنصح

يعطيك العافيه

كلام جميل

ونصائح أجمل

جوووووزيت خيرا

يعطيك العافية اخوي علااوي والله المنتدى كله فقدك

وقصيدتك مليانة نصائح ذهبية للمستعجلات على الزواج فقط

لان فيه مستعجلات على الوظايف اكثر من الزواج

ويارب ارزقنا كلنا بالوظايف


مشكوووووووووووور

لا تحسبين العرس توفي وكتكات ....
ولا تحسبينه تويكس والا بونتي
ولا تحسبين العرس كيكة وطرطات ....

ليش بدون زعل
عادي
احسن على شان ماتجينا صدمة بعد الزواج
يعطيك العافية