السلام عليكم ورحمة الله وبركاته
مبارك عليكم دخول الايام الفضيله وجعلها ايام سعاده وخير وبركة
سمعت خبر طاقات وانه لازم نسجل فيه وهل هو الي يسمونه منصة التوظيف ولا فيه منصه غير طاقات هذا سؤال الأول؟
السؤال الثاني هل هو اجباري او لا؟
السؤال الثالث هل في خطوات تسجيل مطلوب انه نضيف راتب الضمان او لا
او نضيف بيانات انه مستفيدين من الضمان ولا نختار عاطلين بدون دخل؟
مين سجل يفيدنا بمعلومه مفيده الان الشباب و الشابات الصغار مالقو لهم وظائف بيلقون لنا ولا بس زياده شروط تعجيزيه
َهل في وقت محدد لتسجيل ولا عادي ناجل تسجيل لبعد العيد؟

وعليكم السلام
الله يتقبل منا ومنك صالح الأعمال يارب
شوفي يا أم الفقيد أنا كذا مره يتصلون علي ويبغوني أتوظف في منطقه بعيده عن منطقتي والراتب 4 ألاف وقلت لهم ما تناسبني وجابوا لي وظيفه في السوق في ذا السموش مجنونه أنا أقبل بهالوظايف ورفضت و معاد أتصلوا علي هذا الكلام من زمان ولا سجلت ولا راح أسجل الا اذا صدق أعلنوا من حسابهم الرسمي أن أجباري نسجل بسجل لكن مستحيل راح أسجل الحين

وظائف مافيه الا القليل

بعد العيد سجلي الموضوع فيه وسع والاسقاط لايتم بين ليله وضحاها فموضوع الوظيفه فيه شروط ومداولات واخذ ورد واتصالات وحتى لو جد تقرير طبي لاحد والديك سيتم اعفائك

شيلوا الهم من رؤسكم وابتسموا قليلا
وحسب لائحة نظام الضمان الاجتماعي تستثنى الحالات التالية:
1. المستفيد الغير قابل للتأهيل
2. الطالب المتفرغ للدراسة الذي يتراوح عمره بين 18 و25 سنة
3. من يقدم رعاية لأحد أفراد الأسرة ممن هم بحاجة إلى رعايته مثل الأطفال دون سن الدراسة، وكبار السن، والمرضى وذوي الإعاقة بناء على ظروف المستفيد الاجتماعية

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

طيب واللي ضمن التاهيل الشامل هل يلزمهم التسجيل واعمارهم فوق الاربعين وماهي طريقة التسجيل