السلام عليكم ورحمة الله وبركاته,

الحمد لله جاني قبول رقيب فني شبكات في القوات المسلحه وأختبرت و عديت المقابلة الشخصية وتم أعطائي موعد 18 الحج للكشف الطبي.

عندي سؤالين اذا ما عليكم امر ﻷهل التجربة و الخبرة:

1- انا رجلي اليسار كامله فيها حرق غير مؤثر علي بشئ و عندي تقريبا 80% من ظهري نفس الشئ

هل ممكن أعدي او فيه تدقيق في هاذي الاشياء؟

2- هل يوجد فحص واحد للجسم ولا اكثر من فحص؟

مع أن معدلي ممتاز مع مرتبة الشرف + عندي شاهدة إنجليزي.

أعطونا الصحيح بدون مجامله وخوف على المشاعر

وعليكم السلام ورحمة الله وبركاته.

مبروك القبول وعقبال اجتياز الفحص الطبي والقبول النهائي..

بالنسبه للفحص الطبي شامل جميع اعضاء الجسم ،

المفاصل والاقدام والاسنان والنظر والآذان

اما بالنسبه للحرق ما يدققون لان الفحص الاهم على مفاصل الاقدام

بحيث أنها ما تكون مقوّسه ، وايضاً الدكتور بيقول لك اجلس و اوقف

عشان يشوف اذا فيه شي مشكله بالمفاصل فقط ..

وبالنهايه على حسب القطاع ،

لانك بتدخل ومعك مجموعه لدكتور العظام..

بالتوفيق ويجي من يفيدك اكثر 💙

يعطيك العافيه على الرد, ابشرك عديت الفحص وفي إنتظار رسالة القبول بإذن الله,الوضع كان سهالات جدا

بالتوفيق وعقبال القبول النهائي

اخوي انا نفسك جاني قبول في الجوية رقيب تخصصي شبكات بكالوريوس وش اختبار حقه ..؟ انقليزي ولا وش

الاختبار بسيط مره واموره سهالات ان شاء الله, كله بالعربي واشياء اساسيه في تخصصك, حتى راح تحصل معك ناس دبلوم وكيل رقيب, يعني الاختبار بالنسبة لك وانت بكالوريوس سهل.

انت تقديم شهر 10 وتوه جاك قبول مبدئي؟