المشاركة الأصلية كتبت بواسطة ألف -

اخوي ممكن تقرا كلامي كلمة كلمة ؟
انا رديت على الاخ محمد يقول يمكم دخلتي حسابك وبالغلط سويتي ارتباط !
قلت له اصلاً انا حسابي ماقد دخلته إلا قبل سنة لما سويت موافقة ارتباط للوالدة
الوالدة ينزل لها الضمان من 13 سنــة
ولها تقريبًا 8 شهور بالمطور وينزل لنا
هي رب الاسرة وعندها شقه ملك
وانا بنتها تابعه لها،
هي كبيرة سن ومريضه وماعندها من يعولها ابدًا لا اب ولا اخ ولا ام
ويجيها راتب تاميني 661 ريال فقط ؟
وانا بعد يجيني 661 ريال، يعني مجموع دخلنا 1322 ريال !
السبب تجاوز الحد المانع ؟
وين التجاوز ؟ بس بفهم
هل نستحق الضمان او لا ؟
إذا والدتي تصرف من مأكل ومشرب وأدوية وعندها كهرباء ومويا وهي احدى مستفيدات الاسكان وانقطع عنها غير مؤهله
من يستحق الضمان اجل مييييييين ؟!!!!
يا عالم نظام الموارد تعبان جدًا جدًا جدًا
ومايردون إلا باسلوب تخديري إلى متى الاستهتار ذا
الناس عايشة على الراتب ومحتاجين
والدنيا غالية ليش كذا ترانا مواطنين

المشاركة الأصلية كتبت بواسطة Waleed503

إذا هذا دخلكم فقط . أكيد مستحقين خذي مشهد بمعاشكم وسوي اعتراض . ولكن حاليا لاتسوي اي شي حتى 1 ميلادي ممكن تتعدل الامور اخطاء الضمان وراده وصارت مع غيرك وتم تعديل الوضع قبل الصرف.

المشاركة الأصلية كتبت بواسطة ألف -

ايوه هذا دخلنا فقط فقط فقط وهذا وضعنا لم يتغير ابدًا،
كيف اخذ مشهد بمعاشنا ؟
حنا ورثه ورث تامين عن اخوي المتوفي الله يغفر له ويرحمه
ممكن اروح للتامين واخذ من عندهم مايثبت مافي اي اشكالية، سلامات وين عايشين فيه سرقة وظلم من المسؤول عن كل هذا ؟
يبون يسقطون والسلام ومايبون احد يتكلم ! إذا رحت لهم الفرع صرفوني يقولون مو من عندنا اجل عند مين ؟
وإذا كلمتهم بالخاص الاسم والهوية وبعدها سحب مايردون علينا !
الحكومة الله يخليهم حاطين شروط وهذي الشروط تنطبق علينا
طبعًا ماراح اسوي ولا شيء بالموقع وبروح لهم الاحد
مو على كيفهم ياخذون راتب شهر ظلم

المشاركة الأصلية كتبت بواسطة Waleed503

اكتبي من قوقل شهادة وريث وعبي الخانات وتطلع معك .

المشاركة الأصلية كتبت بواسطة ألف -

حلو طلع لي الحمدلله، برفقه بيوم 1 من الشهر في حال مانزل الراتب ؟
إن شاءالله يعدلونه من عندهم، الموضوع صار نفسي
نصيحتك هل اروح للفرع مع اني راجعتهم وخدمتهم سيئة مايخدمونك بشيء
انا برفقه كذا ولا كذا بس هل بيعوضونا عن الشهر هذا ؟

المشاركة الأصلية كتبت بواسطة Waleed503

الفرع ماعندهم سالفه. ولا بيفيدوك بشي كون الاهليه لها لجان خاصه.
وللتوضيح في حال صار 1 ميلادي ولا نزل ولاتعدل الوضع .
تقديم الاعتراض ياخذ في حدود. شهرين ورساله تم قبول الاعتراض لاتعني مؤهل تعني انه سيتم دراسة طلبك من جديد .
وقبل تقديم الاعتراض انصحك احذفي الدخل هم يبحثون عنه ويبان عندهم .
موفقين.

المشاركة الأصلية كتبت بواسطة ألف -

ليش يطول كل هالمدة الناس من وين بتعيش
لاحول ولا قوة إلا بالله..اللهم اجرنا في مصيبتنا واخلف لنا خيرًا منها
لعله خيرررره يارب انه خيره
اليوم عاشوراء والدعاوي على من تسبب في هالشيء دبل الدبل
يعني احذف دخلي ودخل الوالدة بيوم 1 وثم أعترض وارفق المشهد؟

المشاركة الأصلية كتبت بواسطة Waleed503

يزينها الله. اي احذفي . ربي يسهل اموركم

المشاركة الأصلية كتبت بواسطة ألف -

اليوم دخلت على الساعة 1
كانت الحالة (لم يتم دراسة الاهليه)
وتفأجات قبل شوي بتاريخ 28/7 انها غير مؤهله !
أنا فقط تابعة لها والسبب مذكور تجاوز الحد المانع ؟؟!!!
حنا ماعندنا دخل غير 1322 ريال كل وحدة ينزل لها 661 ريال فقط
ورث تاميني
وش اسوي اقدم اعتراض ولا ممكن تتغير بكره؟
احس فيه لخبطة
علمًا ان الوالدة مطلقه من سنوات وتستلم الضمان
وعمرها كبير ومريضة، ومافي اي تغيير بوضعها