بذكر مشكله صارت لي قبل سنه تقريبا ، كنت اشتغل في الخبر في شارع الظهران بالضبط وكان يوم سبت وتوي وصلت الخبر جاي من الاحساء وقبل لا اروح الدوام كانت عندي كيس فيها اغراض وقلت بوصلها الشقه قبل ، المهم ما اطول عليكم مشيت في شارع الثقبه لان ماكانت عندي سياره >>> شافني سعودي راكب بتاكسي وسالني تبيع الجوالات اللي بالكس ؟؟؟ قلت له ماعندي جوالات >> ( السعودي طلع مباحث راكب بتاكسي ) فهمت القصه انا ان الشارع هذا فيه سرقة جوالات من محل ، المهم بعدها بثواني جاني دورية الامن وسالني العسكري اثباتك انا كنت توي جالس الصباح وراسي منفوخ ومالي خلق قلت خير قالي اييييييييييييش وعطيته اثباتي وقالي من وين وجاوبته وقالي ليش تمشي على رجولك هنا قلت له ماعندي سياره وفتش الكيس ما شاف فيه الا كتب ومسجل وقالي انت سارقها قلت اذا فيها شي يدعي للشبهه خذها وخذ اثباتي وخلني اروح الدوام وتقدر تستدعيني اذا في ايش شي يدل اني سارقها ..... انا قلت كذا الا العسكري طلعت عيونه قالي اركب قلت ماني براكب انا ما سويت شي قالي تركب وغصب عليك .... قلت ماني راكب قالي انا اعلمك وكلم عسكري معه بالجوال وجاني وقالي اخوي دقايق بس بياخذ اقوالك وبترجع انا كذا ركبت لانه جاني بضحكه وكلمه حلوه ومادريت انه ناوي لي على توقيف .... اول ما دخلت مركز الامن خذوا اغراضي وفتحوا باب التوقيف ولوحه هههههههه عاد اول مادخلت شفت التوقيف الله وكيلكم زنزانات متر في متر والبول تكرموا يقوطر عليهم من فوق روسهم ويعطوهم الاكل في كرتون وكانهم بهايم حسبنا الله ونعم الوكيل قلت والله ماحنا في بلد مسلم ظليت عشر دقايق وناديت العسكري قلت ليش وقفتوني ؟؟ قالي شم الريحه داخل بس وبنطلعك وطلعني وجاني المحقق وسالته قال وقفناك عشان اذا قالك العسكري تركب تركب . بالله عليكم تردوا ليش الاستحقار والاهانه للشعب