بذكر مشكله صارت لي قبل سنه تقريبا ، كنت اشتغل في الخبر في شارع الظهران بالضبط وكان يوم سبت وتوي وصلت الخبر جاي من الاحساء وقبل لا اروح الدوام كانت عندي كيس فيها اغراض وقلت بوصلها الشقه قبل ، المهم ما اطول عليكم مشيت في شارع الثقبه لان ماكانت عندي سياره >>> شافني سعودي راكب بتاكسي وسالني تبيع الجوالات اللي بالكس ؟؟؟ قلت له ماعندي جوالات >> ( السعودي طلع مباحث راكب بتاكسي ) فهمت القصه انا ان الشارع هذا فيه سرقة جوالات من محل ، المهم بعدها بثواني جاني دورية الامن وسالني العسكري اثباتك انا كنت توي جالس الصباح وراسي منفوخ ومالي خلق قلت خير قالي اييييييييييييش وعطيته اثباتي وقالي من وين وجاوبته وقالي ليش تمشي على رجولك هنا قلت له ماعندي سياره وفتش الكيس ما شاف فيه الا كتب ومسجل وقالي انت سارقها قلت اذا فيها شي يدعي للشبهه خذها وخذ اثباتي وخلني اروح الدوام وتقدر تستدعيني اذا في ايش شي يدل اني سارقها ..... انا قلت كذا الا العسكري طلعت عيونه قالي اركب قلت ماني براكب انا ما سويت شي قالي تركب وغصب عليك .... قلت ماني راكب قالي انا اعلمك وكلم عسكري معه بالجوال وجاني وقالي اخوي دقايق بس بياخذ اقوالك وبترجع انا كذا ركبت لانه جاني بضحكه وكلمه حلوه ومادريت انه ناوي لي على توقيف .... اول ما دخلت مركز الامن خذوا اغراضي وفتحوا باب التوقيف ولوحه هههههههه عاد اول مادخلت شفت التوقيف الله وكيلكم زنزانات متر في متر والبول تكرموا يقوطر عليهم من فوق روسهم ويعطوهم الاكل في كرتون وكانهم بهايم حسبنا الله ونعم الوكيل قلت والله ماحنا في بلد مسلم ظليت عشر دقايق وناديت العسكري قلت ليش وقفتوني ؟؟ قالي شم الريحه داخل بس وبنطلعك وطلعني وجاني المحقق وسالته قال وقفناك عشان اذا قالك العسكري تركب تركب . بالله عليكم تردوا ليش الاستحقار والاهانه للشعب

أصلاً الجندي يشوف نفسه عقيد على المواطنين

وهو أصلاً شغلته موب منافخ على الناس وهياط شغله يحل مشاكل ويوجه الناس التايهه بس الله يستر علينا عندنا تخلف

ولد عمي ضابط بالحرس الوطني يقول رايح للدوام نقلوه من مقر عمله لمكان ثاني وفيه تفتيش عند البوابه يقول الجندي غصبن عنه يدق تحيه لضابط بس يدقها احترام للرتبه موب للشخص نفسه هذا بالاصل يقول وصلت مقر عملي الجديد يقول سلمت على الجندي اللي عند الباب ومارد السلام ولا دق تحيه ولا شي مع العلم أنه رسمي وقتها << يعني بالزي العسكري

المهم يقول قلت للجندي ياجندي وين التحيه ر دعليه أقول جب اثباتك العسكري أول

يقول أأنا جديد على الكتيبه ذي وقلت بستلمها وبوريه شغله طلع له الاثبات ودخل ولدعمي وماقال أي شي له

نفس اليوم بعد صلاه الظهر جاء يسلم الجندي عنده وتوه مستلم شغله الجديد يقول وأجازيه يوم كامل دوام وبدون استئذان ولا غيره يالله الحمام ويرجع

وعقبها تأدب وبدى يدق تحيه ويقول أمرك سيدي

صدق لازم تذل الواحد عشان يحترمك

ولا اذا احترمت تضيع

آسف على الاطاله

الجندي طال عمرك يطلع حرة الضباط الي يكرفه في المواطنيين

يعني لاتستبعد الحقاره هاذي طبعاُ مو كلهم فيه ناس زينه وناس شينه

بس معروف قطاع الامن العام ( النذاله المنتهيه بالتوقيف)

والله كويسين الامن العام عندهم اخلاق عاليه
لاحول ولاقوة الا بالله اجل لواحن عايشين في امريكا وش بيصير
هههههههه

شوف الامن العام وانت صصادق بداء يضضبط . اول العسكرر الي فيهاا متحجرين الفكرر .

والحين الشباب كثررو وربي فاهمين ومتفاهمين . بس انت طبيت في متحجرر الفكر مبداء كرامتي فوق مواطني .

يارجال ماجاك شي انا مره كنت جالس في حديقه وانا وخيي شوي وقفت الدوريه عندنا ويشيك سياره ججيناه قلنا وش سالفه قال الحقنا مركز قلت له وش مسوين قال مافيه الحقنا قلنا امرنا لله ونروح ياطويل العمر ونجلس من ساعه 9 الين ساعه ثنيتن اخر شي طلع نفس سيارتنا خاطفه ولد ومشتبهين فينااا وحجزو سياره لين رجع الولد لهله الفجر الامن العاام عندناا اعوذ بالله فيه ناس متخلف لدرجه ماتصورها

والله يالذيب ماوريته العين الحمرا انت ولا يشوف اثباتك ويضف وجه غيره يبي شي يستعديني الصبح ولو سواها بي لاتفل بوجه من اطلع ولانزل البدلة اعرف شغلي معه

اخوي انك جبتها على الجرح عندنا في المدينة اكثر من كذا العساكر الي في الشوارع من ضباط وافراد كائنهم رجال عصابات و الله العظيم والله

رويلي والله تقولها و لا تعرف بس بعد دقايق الى لملك ست ستات يعني دوريات وخموك ماتدري الى انت في الدورية