اللهم استرنا فوق الارض وتحت الارض ويوم العرض




حسبي الله عليييهم
وقسم كثرة الأجاانب جابت لنا البلا
بنات حكاية مشغل لبنى صحيحة ..وربي يشهد ماعليه اي افتراء
او غيره ..
انا
من كم اسبوع شهدت سالفه صديقة صديقتي اللي تورطت معهم في
المشغل
ومن جد انتبهوا بنات ترى صاحب المشغل طلع من كل الاتهامات
مثل
الشعرة من العجينة حتى تخليوا علية ادله ,,ومع ذلك طلع منها
فبليز انشروها لكل وحده معكم خصوصا انه المشغل مره كبير
ومعروف ولسه
ماتقفل,,
ياارب استر علينا وعلى كل نساء المؤمنين

هذا ماحدث بالضبط في مشغل لبنى النسائي في الرياض في حي
الريان
بالقرب
من مستشفى اليمامة
سأتكلم بالعامية حتى يفهم عليه الجميع و والله الذي لا اله
لا هو ان
ما اقوله ليس افتراء على المشغل او كذب او مضيعة وقت فوالله
ان هذه
الورقة التي وصلتك أخي واختي الكريمة استغرقت وقت كثير
لكتابتها وجمع
احداث اكثر حول هذا الموضوع لتأكيد
الأمر والموضوع هو كالتالي:

' اختي
الكريمة مااعتقد انه فيه امرأة الى الان ماتعرف هذا المشغل
الكل يعرف
هذا المشغل الكبير اللي يضم مايقارب 70 عاملة من جنسيات
متعددة '
السورية والمصرية
والسعودية والفلبينية والحبشيات والاردنيات
والمغربيات ........الخ من الجنسيات اللي دخلت هالبلد وسوت
فيه اللي
مايتسوى......طبعا مو كلهم بس...!!'
انا بنت مدرسة في مدرسة اهلية وفي مرة من المرات كنت جالسة
جنب وحدة
من اعز صديقاتي انسانة محترمة امينة على السر وخشية تخاف
الله في جميع
امورها وهذا اللي خلاني اتشرف بمصادقتها واسال الله ان تدوم
هذه
الصداقة الطيبة المهم صديقتي هذه كانت جالسة وضااااااايق
صدرها قلت
لها وش فيك ياسارة قالت متضايقة شويه قلت لها عسى ماخلاف
قالت والله
سمعت سالفة ضيقت صدري قلت ممكن اعرف السالفة ؟؟ واذا فيه
احراج
لا
تقولين لي... قالت لا بالعكس لازم تعرفين
السالفة '' قالت يوم الخميس
زارتني وحدة من جاراتي وكانت مصرة على انها تزورني المهم
انها جات
جارتي وضاااايق صدرها وقلت في قلبي لتكون متزاعلة مع زوجها
!! المهم
سألتها قلت وش فيك يافلانة متضايقة وفي فمك حكي قالت جارتي
اسمعي هذه
سالفة صارت تقريبا قبل اسبوع لناس من جماعتنا قريبين لنا
والله انها
ضيقت خاطري وحسيت بالقهر وهي ناس من جماعتنا كان عندهم ملكة
لوحدة من
بناتهم المهم في يوم الملكة في العصر تقريبا راحت البنت
اللي ملكتها
في نفس اليوم مع امها ووحدة من خواتها لمشغل لبنى النسائي''
أقصد مشغل
الدعارة وبيع البنات وبرخييييص بعد'' المهم جات البنت عند
الكوفيرا
وقالت لها انا اللي حجزت عندك وملكتي اليوم وابيك تصلحين لي
الماكياج
قالت الكوفيرا
تفضلي وراحت الام عند كوفيرا والاخت الثانية عند كوفيرا
ثانية كل وحدة عند
كوفيرتها الخاصة اللي حجزت عندها من قبل ويوم جات
تجلس العروسة حتى تسويها الكوفيرا الماكياج قالت البنت لو
سمحتي معليش
بروح اتوضا وارجع عشان تسوين الماكياج مرة وحدة قالت
الكوفيرا ''
ناطرتك'' المهم دخلت البنت دورة المياه وتوضأت ويوم طلعت من
الحمام
قالت لوحدة حبشية من عاملات المشغل ' لو سمحتي فيه منديل ''
قالت
الحبشية ' شوفيه جو هالغرفة دخلت البنت وبكل
براءة الغرفة والحقيها يالحبشية وبخت عليها بخاخ منوم وقفلت
الغرفة
عالبنت ...المهم الكوفيرا اللي بتسوي البنت قاعدة تنتظر
وتنتظر يوم
ملت راحت سألت أم البنت قالت لو سمحتي وين بنتك ؟ بنتك طلعت
من عندي
قالت
بروح اتوضأ والى هلا ماإجات الام انهبلت وين بنتي وتدور بالمشغل
وتسأل الحبشيات والعاملات وين بنتي ؟؟ بنتي دخلت المشغل ولا
أدري
وينها قالت وحدة من الحبوش'' ماندري دوري لها هذا المشغل
قدامك ''
وتدور الام والاخت
عن بنتهم ولا لقوها ويدقون على جوالها ولا ترد يوم
دقوا على الاب وعلموه السالفة قام الاب دق عالشرطة والشرطة
جابت هيئة
وداهموا المشغل وجابوا حريم من الهيئة دخلوا وفتشوا المشغل
يوم جو
يفتحون وحدة من الغرف لقوها مقفلة طلبوا من العاملات
يفتحونها رفضت
وحدة منهم قالت لا هذه غرفتي الخاصة ولا احد بيدخلها المهم
حاولوا
انها تفتحها رفضت يوم كسروا الباب بعد فترة من المحاولات
لقوا الغرفة
فاااضية وفيها شباك ماعليه شبك ولقوا صور مجلات خليعة وصور
ماتنشااااف
'' والهيئة بعدها مادري وش سوت!! المهم تقول
جارة زميلتي البنت دقت على اهلها بعد ايام وقالت تعالوا
خذوني انا
قدام معهد نيوهورايزن وبالفعل لقوها مرمية حول المعهد في
حال يرثى
لهاااا'' طبعا جارة زميلتي تقول 'انا صار لي موقف مع المشغل
نفسه بس
مافهمته الا بعد ماصار اللي صار مع بنت جماعتنا وهو'' اني
رحت للمشغل
مرة
مع بنتي الصغيرة 9.سنوات المهم طلبت كوفيرا تستشور شعربنتي
المهم
والكوفيرا تستشور بنتي عينها يمين وشمال ولاهي حول الشغل
قلت لها لو
سمحت خلي عينك عالشغل المهم والكوفيرا مازالت تتلفت يمين
وشمال
والاسشوار كان زي الزفت المهم قامت الكوفيرا مشطت بنتي
بسرعة وغطتها
بالشيلة وقالت '' مدام خذي بنتك واطلعي هلا'' واني
اقول لها ليش ؟؟
وليش سشوارك كذا مو زين ؟؟ قالت مدام احسن لك خذي بنتك
واطلعي'' تقولي
كذا وعينها يمين وشمال المهم طلعت ذاك اليوم ولاني دارية
ليش سوت كذا
ولا عرفت والله الا بعد ماصار اللي صار لبنت
جماعتنا...''...هذا دليل
على ان جميع العاملات عارفين وش قاعد يصير بس مايقدرون
يتكلمون خايفين
يخسرون وظايفهم وهذا دليل ان هناك شباب واولاد
عائلات الله حسبنا عليهم قاعدين يلعبون بشرف هالبنات
البريئات وللعلم
ترا خلف المشغل منطقة خااااالية شبه صحراء '' مقطعة'' الله
العالم وش
قاعد يصير فيها ووالله اني ماكتبت هذه المقالة الا حتى كل
اللي كانوا
يرتادون هالمشغل يقطعون روحتهم له وترا المشغل اسعاره رخيصة
ومعقوله
وهذه من ضمن سياستهم حتى
يخلون الطيب والبطال يجييهم وهم عاد ينقون
الفريسة...
رسالتي الى كل من يقرا هذه الورقة ان يوصلها لامه
لاخته..لزوجته...او لبنته..ورسالتي ايضا ان لا تتوقف هذه
الورقة
عندك فقط ايها القارئ بل انشرها لكل من تعرف حفاظا على
بناتكم....''
نصيحة ''
ونصيحة اخرى للاخوات الكريمات انتبهوا من المشاغل الكبيرة
انتبهوا
انتبهوا والله انها اكبر من يتاجر ببنات المسلمين وخاصة
السعوديات
فهناك من يحقد علينا حقد دفين والله حسبي عليهم>''
فاعلةخيـــــر''

''' لا تنسونا من
الدعـــــــــــاء''

اسأل الله ان يحفظ بنات المسلمين وان يرد كيد الاعداء
والمجرمين.....................آآآآآآآآآآآمين
انشريها حفاظا على شرف أخواتك وأعراضهن

الله يعطيك العافية ويجزاك كل الخير على حرصك على بنات المسلمين

اسأل الله ان يحفظ بنات المسلمين وان يرد كيد الاعداء
والمجرمين

اللهم آآآآآآآآآآآمين

الله يستر علينا احس السالفة مفبركة صديقتي جارتها وحدة من جماعتها انا مااكذبك اختي بس فيه سوالف تتنقل وكل وحدة تحلف انها تعرف صاحبتها اظن ماقعد احد في الرياض ماسمع بقصة البنت اللي من يومها صغيرة ومعها لعبة دب ماتخليها وتزوجت وهي معها ولما كانت تجي من الدوام تلقى الغدا جاهز ومرة جت بدري ولقت الجني يطبخ لها اللي هو في اللعبة وذبحها والله انا اعرف ثلاث كل وحدة تحلف انها جارتها وكل وحدة في حي فسوالف تتناقل ولا هي صدق الافضل نتاكد حتى مايصير شي بذمتنا وشكرا اختي على غيرتك على بنات المسلمين

الموضوع منقووووووووووول
والمشاغل ماحد يضمنهم -------احيانا الانسان يتغاضى عن شغلات ويقول يمكن عفوية
والله العالم ايش بيصير فيها

الله يحمي جميع المسلمين من كل شر

مشكوره على النقل

تحياتي لك,,

ماتوقع السالفة صح

يعني صاحب المشغل فاتح المشغل عشان دعاره

وجايب 70 عاملة عشان يتصيدو البنات

مررررررررررررة ماتوقع

اصلا رخصة المحل ماتفتح لو مدري ويش يكون باكثر من 10 عاملات

الله يديكي العافيه ويستر عليناآآ

من جد حوسه هذي المشاغل الله يكون بالعون

مشكوره اختي
تحياتي

لا حول ولا قوة الا بالله

والله كل المشاغل ماحد يضمنهم يعني الوحده لما تروح لازم تأخذ نص قبيلتها معها طبعأ حريم مو تجمع فهالبزارين وتروح معهم

حنا كنا نروح مشغل بالشمال واكتشفنا ان لطابق اللي فوق كلهم رجال لا والطلب عليهم اكثر على اساس ان الرجال يصلحون احسن طبعاً ذولا مو منا عيال.......عاااادي عندهم واغلبهم يتزوج هاللبنانيه ويلا ديري المشغل وسوي اللي تسوين