لاحول ولا قوة الا بالله

اخوي الكلام اللين يجيب الحق البين كلم الوالد بهدؤ وطولة بال وقلة ابد اللي تبي يصير وشاوره قله وش رايك اقدم على الوظيفة هذي او اتركها يعني من هالكلام

ولا تفكر انه ينقص من قيمتك كره لك بالعكس بعض الاباء

اسلوبه كذا في التعامل وقلبه ابيض

وشف لك احد يتوسط بينكم يحل الوضع ويهديه

واهتم بواجبك الديني ثم طاعة الوالد وربي انها تنفرج


والله يرزقك بالوظيفة عاجلا غير اجل

ابوك يسوي كذا اكيد عشان مصلحتك بس يمكن هذا اسلوبه بالتعبير

انت شوف بالمنتدى في وظايف كثيره للشباب او دورلك على اي وظيفه لو بسيطه لحد ماتلاقي اللي تناسبك


الله يوفقك وتلاقي وظيفه باسرع وقت وتكتب لنا باركولي لقيت وظيفه

الله يهون عليك
ان اشوف انك تكلم عمانك او خوالك يتوسطون بينك وبينه و ان شاء الله تحصل حل والله يوفقك بوظيفه او رح مطاعم هرفي كنتاكي مكدونالدز ايذ انت برياض طالبين موظفين و جرير طالبين موظفين انا كل ذولي قابلينن بس انتضر اوراقي تخلص من مكتب العمل ايذ مو عاجباتك ذي الوظايف خذهن كا حل مواقت بينك وبين ابوك

الله يفرجها عليك يارب
زي ماقالك أخوي حمد قدم على هذي الوظايف كحل مؤقت
إلى مايتعدل الحال بينك وبين أبوك
وحاول قد ماتقدر إنك ترضيه
وتجيه بالكلمة الطيبة والأسلوب الطيب
اللي يخليه شوي يخفف من معاملته الحادة لك
قوله حاضر .. أو قوله قدمت الآن وتنتظر الرد
وروح وقدم .. علشان مايصير كلامك مو صحيح
وبكذا تكون سويت اللي عليك
والله يوفقك ويفتحها عليك يارب

ياخوي طول بالك
لاتنسى ان ابوك انسان كبير في السن وغير متعلم
يعني تفكيره واسلوب تعامله يختلف عن تفكير الاباء الحاليين هو يعتقد ان جلستك في البيت من اكبر العيوب لانه يقارنك بزمنهم اللي كانوا فيه يشتغلون وهم اعمارهم صغيره
بس بذكأئك تقدر تكسبه في صفك
واذا عندك اقارب كلمهم مثل اعمامك و عماتك او خالك او اي شخص تحس ان ابوك يقدره حتى يقدرون يتفاهمون معه ويفهمونه الوضع الحالي للبطاله وان مابيدك حيله وبعدين حسس والدك بأهمية وجودك في البيت وانك قادر تحل المشاكل وتقضي كافة الاغراض اللي يحتاجونها في البيت وبعدها بتشوف الفرق

طيب عندك سيارة

ابوك كم عمره الله يعطيه طولة العمر؟ وهل يعاني لا سمح الله من اي امراض ؟

يعني اشرحلنا عشان ندبرك

عالعموم انشاالله نساعدك , اباءنا زي كذا صراحة وانا كنت انطرد وارجع
كل مايشوفني نايم يتركني انام والصباح ارجع انطرد

حسس ابوك انك تدور على وظيفة يعني مو كل اليوم مقابله ولا مقابل التلفزيون
وفي نفس الوقت لاتمسخها وترجع الساعة 2 الليل

يعني حسسه انك تدور وظيفة واثبت له انك جالس تدور مو تضحك على نفسك يعني اي شركة دي اللي الين 1 الليل

وكثر ادعية واقرا قران وحافظ على صلواتك وقلل ادعية على اللي ظلموك
وتاكد انه الواحد اذا ظلمك ربي ماراح يباركله

اسأل الله ان يكفيك بحلاله عن حرامه وبفضله عمن سواه

لاتزعل من الوضع ابوك الله يعطيه العافيه يبغاك تعتمد على نفسك ولازم تتحرك وتثبت له انك رجال ويقدر يعتمد عليك

صلى الفجر في المسجد واخرج الصبح دور لك على عمل لا تقول الشركات و----------
لا روح السوق وشوف الوضع
ونهاية اليوم كلم ابوك باللي شفته وشاوره واعتبره كأنه صديقك وتأخذ رأيه
وممكن تشتغل بسيارتك ترى الشغل مو عيب
لا تنسى تحافظ على صلاتك وتبر والديك وترى ماتضيق الا تنفررررررررررررررررج

ماعليه يااخوي هونها وتهون وبتحصل وظيفة
ومن ناحية ابووك تعاله بالكلام الطيب ولين راسه وبيحن عليك
وربي يصبرك ويعينك وبتلقى ان شاء الله الوظيفة اللي تناسبك

أخي كمال الله المستعان
فهم أبوك إن الأرزاق بيد الله واحد لاغيره
الله يكون بعونك