السلام عليكم ورحمة الله وبركاته

تقدمت لبنك البلاد عن طريق موقع الانترنت على اساس تعيين في الخرج لم يكن هناك فرع الان فتحوا فرع هل تتوقعوا ان الطلب ينظر له بعد هذه الفترة الطويلة علما ان الادارة العامة لا تقبل التقديم الا بالموقع فقط ارجوكم من عنده اي فكرة عن بنك البلاد يعلمني بها للاهمية والله يوفق الجميع اختكم

طالبة كبيرة

هلا اختي بس وش تخصصك وكم معدلك
حتي اعرف اجاوبك

اختي طالبة كبيرة الله يوفقك في مايحب الله لكن بنك البلاد انا قول لا تقدم عليه لانه بيغي واسطة اذا عندك اذهبي الا الادراة مع الواسطة اما عن طريق الموقع الالكتروني لا يمكن ان ياخذ اي طلب توظيف سوا عن طريق الايميل او ن طريق خدمة الواظائف التى بالموقع
وشكرا
الدمعة الحزينة -- عاطل

تخصصي ادارة عامة تطوير اداري معدل 3.56 من 5 ودبلوم شبكات سنتين ودورات حاسب وانجليزي

أختي طالبة كبيرة زي ماقالت أختي الدمعة الحزينة لازم واسطة لانه مو بس أنتي اللي قدمتي للبنك عن طريق الموقع فيه ناس كثير وعادي لوهم من تبوك وراح البنك وقبلهم ماراح يقولن لا الناس كلها تبي تتوظف .
أختي أنا أول ماسمعت عن البنك قالت مايبلها ياولد روح بكره وقدم عليهم وما كذبت خبر رحت لهم ولما جيتهم قالوا لي وش عندك قلت أبي التوظيف قالوا لي مافيه بس أنت سجل عن طريق موقع البنك في الانترنت .
جاااااااااني أحباط بس قلت مافيه مشكلة ورحت وسجلت في الانترنت .
المشكلة مش هنا المشكلة إنه في أحد الايام صادفة شخص متعطلة سيارته ومعاااااه أهله وقفت وساعدتهم طبعا أخذ رقم جوالي وصارت لي معه علاقة حتى تحولت إلى صداقة ألحين . المهم عرف إني عاطل وهو عاطل زيي بس قال لي إن فيه واحد بيتوسط له في بنك البلاد عاد أنا ماكذبت خبر رحت وقطيت وجهي وقلت ياخوي شفلي ماعاك قالي أفا أنا وانت سواء في البنك ولا مافيه قلت ياخوي والله إنك لقطة من السماء . طبعا راح قال للي بيتوسط له فيه واحد من أصدقائي كذا وكذا يعني المؤهلات والخبرات قال مافيه مشكلة أنا راح أكلم الشخص اللي في البنك وراح أرد عليكم والله ماقصر كلمه وقال له خلهم يجون للبنك ويقولون للرسبشن نبي فلان وتحويلته كذا والله كشخنا ورحنا جينا عند الرسبشن إذا فيه هندي أول ما شافنا قال صديق مافيه يطلع فوق إذا تبي وظيفة سجل على النت طبعا حنا ما عبرناه قلنا نبي فلان في الادرارة الفلانية وتحويلته كذا طبعا كلمه قال له السكرتير عطني أسمائهم قالنا له أسمائنا وقال دقايق واكلمك . جلسنا وبعد كم دقيقة قال خلوهم يتفضلون في الدور اللي هو طبعا طلعنا إلا والله السكرتير يرحب ويهلي ودخلنا على الشخص الواسطة وخرج وسلم علينا وقال أدخلو المكتب وكلم السكرتير وقاله جب شاي للشباب والله ترحيبة واستقباله يكفي عن الوظيفة المهم أخذ أوراقنا وبيانتنا وقال مايهمك راح أسعى فيها خرجنا من عنده طبعا مبسوطين .
بعد مده أتصلوا علينا وقالوا معاكم مقابلة وحنا وسوينا المقابلة طبعا كلشي تماااااام
والحين بس ننتظر منهم التعين علشان قالوا أنتو كلشي تماااااااام بس لسا نرتب أوضاع الفروع وراح نتصل عليكم من شأن العقود وأماكن التوظيف .
هذه كل قصتي مع بنك البلاد .
يعني معاك واسطة ولا فلا .
بس خليك إلين أتوظف علشان اتوسط لك ولجميع اللي في المنتدى
هههههههههههههههههههههههه الله يوفق الجميع
لا تنسين حرف الوااااااااااااااااااااااااااااااااووووووووووووووو وووووووو
تحياتي

الله يجزاك خير يالمبرمج عموما انا دائما اقول ان واسطتي الرحمن لاني تعبت وذاكرة واجتهدت ونيتي انشاء الله من الوظيفة خير لذلك انا عشمي كبير في الكريم واذا انت بتتوسط لي فيمكن انت تكون سبب الله اعلم اخوي لك جزيل الشكر

أنا يامبرمج 5 أشخاص كل واحد يعرف ناس بالتوظيف ولا صار شي

الله يعينك اختي والله مؤهلاتك روعه


وانشالله تلاقي وظيفه بأقرب وقت

أختي طالبة كبيرة أهلا بيك مره أخرى الله سبحانه وتعالى هو الواسطه للجميع ولكن قال اسعى ياعبدي وانا أسعى معاااااااااك كم فيه من الناس اللي توظفوا في وظايف غيرهم مو من شي من الواسطة اللي معااااااااااااهم .
وأبشري ولا يهمك اللي بأقدر أسويه راح أسويه لله سبحانه إن شاء الله

أخوي dawed ألف شكر على مداخلتك بس أصابعك وهي أصابعك في يدك مو سواء صح ولا لا
تحياتي مره أخرى