الشاعر يحيى بن شيبان..


البارحة يا شعيل رحبت بسهيل=ترحيبتن جاته من اقصى ضميري

شكيت له وضعي ومن دون تفصيل=من جمرة الصيف الشديد السعيري

وسجـــــــــدت لله وروّح الليل تهليل=وأسبّح الله لين يذن الأخيري

ياسهيل لاتبطي على الناس ياسهيل=قبلك نعاني من شديد الهجيري

فرقاك والله تكسر الحال والحيل=والصيف سيفن شفت حده شطيري

يا سهيل نسعــــد بك مع بادي الليل=ولا الغلا كنك تعادل نظيري

ياليت من شاف البهم والمطافيل=في خايعن ممطور حول الصفيري

يســوى السفن لا حِملـّت بالبراميل=اللي لها مردود مالي كثيري

وتسوى المدن المزينة والبرازيل=وتسوى جبل طارق وفرقن كبيري

يا ماحلا الفنجال مع وزنة الهيل=مع واحدن قدره بصدري كبيري

ذكرت قرمن يكرم الضيف بالحيل=هذاك بادي والنعم به قصيري

بين الخلايق ما كسب غير تبجيل=والسيرة العطرة ودربن سفيري

يارب عجل له من الخير تعجيل=والنور في قبره عسى يستنيري

وابو فهد نورن الى اظلم الليل=اللي على يده يفــــك الاسيري

اللي يعدلها عن العوج والميل=ويمــــد بالجزلة ولا يستعيري

ولا إن ابو مفلح مثل شمعة الجيل=اللي له القدر الجليل الكبيري

اللي يسجل بالمواقيف تسجيل=هو المحزم الا كنه سيفن شطيري

مسامعي صكيتها عن هل القيل=اللي روابعهم ســــواة الغريري

افضل الصحرا على البيت تفضيل=حيث الخلا مافيه جمعن غفيري

إتفر هواجيسي من البال وتزيل=لا صار نسناس الهوى يستديري

يقول بن شيبان لا صار تشكيل=واحترت في دربك وضاع المصيري

اقرا الكتاب وهات زين التراتيل=يزيل همـــــك والفكــــــر يستنيري