اخواني الاحبة اعضاء وزوار منتدى بطاله .........
السلام عليكم ورحمة الله وبركاته


اكيد مع هاالا اجوء اللي مو بارده يحتاج الى رحلات والى طبخات { تمخمخ } في الراس :

ويغير من الروتين الدائم في طبخات البر اللي هي الكبسة او المضغوط .....

المرة هذي حبيت اشارككم في طبخة جميلة اتمنى انها ترتقي الى ذوقكم.....

في البداية يتم تقطيع اللحم قطع صغير على مقاس الكف:

ثم يوضع اللحم في صحن كبير عشان التمليح ويفضل انه يكون الملح زايد شوي(اللي معه ضغط حاله خاصه):

[IMG]http://saggar111.******.com/IMG_0295.jpg[/IMG]

طبعا من الظروري انه يطبخ على جمر زين وكثير

[IMG]http://saggar111.******.com/IMG_0298.jpg[/IMG]

ثم يوضع على الجمر المرخ يعني يفرش فرش { المرخ نبات ليس له اوراق غالبا يوجد في الشعبان قرب المدن}

ويضع عليه اللحم طبعا يراعى مقاس القدر في كمية الجمر والمرخ كما سيأتي:

[IMG]http://saggar111.******.com/IMG_0301.jpg[/IMG]


[IMG]http://saggar111.******.com/IMG_0303.jpg[/IMG]

بعد ما يوضع اللحم على طبقة المرخ يغطى بطبقة اخرى من المرخ و لامانع من وضع فوقها قطع اللحم

اذا كان محيط الجمر صغير:

[IMG]http://saggar111.******.com/IMG_0304.jpg[/IMG]
[IMG]http://saggar111.******.com/IMG_0305.jpg[/IMG]

بعدما يرص اللحم جيدا تجيب الله لا يهينك قدر كبير على حسب قطر الجمر ثم تكبس القدر على اللحم والمرخ

والافضل انك تستعرض بطولك وتوقف عليه على شان ينكتم اكثر ولا يطلع دخان المرخ




[IMG]http://saggar111.******.com/IMG_0309.jpg[/IMG]

بعدين تكون انت مجهز خياش فاضية مبللة مويه بس مو تبليل بالحيل وترصها حول القدر




[IMG]http://saggar111.******.com/IMG_0313.jpg[/IMG]
[IMG]http://saggar111.******.com/IMG_0315.jpg[/IMG]

وبعدين تكون قد جهزت من قبل الله يعزكم تراب مع مويه مثل الخلطه وترصه زين على الخياش والاماكن اللي يطلع

منها دخان , ويبيلك تحط فوق القدر بلكه او حصاه وتحط حولها جمر افضل

[IMG]http://saggar111.******.com/IMG_0317.jpg[/IMG]

[IMG]http://saggar111.******.com/IMG_0321.jpg[/IMG]

بعد كذا ريح ودق سواليف مع ربعك واظرب من الشاهي لمدة ساعة ونصف الى ساعتين الا ربع

يكون باذن الله اللحم جاهز لكن انتبه لازم تنظف التراب اللي حطيته والخياش تنشال

او تخليها مطرفة بعيد عن اللحم

[IMG]http://saggar111.******.com/IMG_0331.jpg[/IMG]

ثم اعزل اللحم في صحن او تبي تحطه على الرز مباشرة اذا كان جاهز على فكرة الرز ماله طريقه معينة ويفضل

انه رز ابيض بس مهوب الابيض حق الجاوه اللي مافيه الا رز وملح لا لكن تفننو في طبخه

[IMG]http://saggar111.******.com/IMG_0334.jpg[/IMG]

[IMG]http://saggar111.******.com/IMG_0335.jpg[/IMG]

[IMG]http://saggar111.******.com/IMG_0337.jpg[/IMG]

الآن حياكم الله على عشاكم

[IMG]http://saggar111.******.com/IMG_0338.jpg[/IMG]

وان شاء الله انها تعجبكم .... واتمنى انها جازت لكم .. وجزاكم الله خير على تحملكم لي

فنانين ماشالله شباب البطالة..
وربي حركتاااااااااااااااااااات

الله شكله مره مشهي مع اني شبعانه هههههه
بخلي اخواني يشوفو الموضوع علشان لو طلعنا
يسوون لنا مثله
مشكور على الصور وعلى توضيح الطريقه

يعطيك العافيه على الطبق الذيذ

الله يهنــيهم يـأرب وجعله مداخل العااافيه


يلا ياعاطل فاهم انا وانت وزير البطاله وعاطل الرياض وجميع شباب المنتدى
نبي نخيم ونسوووووي هالطبخـه ونبي بعد نشوووي< يحب الشوي يم يم
يعطيك العافيه

والله مع احترامي لهم مايعرفون يضبطونه على اصوله
احنا عندنا في الاستراحه مثل البرميل مدفون في اسفل الارض وله غطاء
ونسوي تقريبا كل الاشياء اللي سووها بس بدل مانستخدم القدر نغطيه بالغطاء حق البرميل حتى لا يظهر بخاره ويفقد نكهته
حياكم اللي يبغى مثله يزورنا الاسبوع الجاي في الاستراحه والله انها ادمان هذي الاكله

اقتباس:

المشاركة الأصلية كتبت بواسطة مطلوب من العطاله الله يهنــيهم يـأرب وجعله مداخل العااافيه يلا ياعاطل فاهم انا وانت وزير البطاله وعاطل الرياض وجميع شباب المنتدى نبي نخيم ونسوووووي هالطبخـه ونبي بعد نشوووي< يحب الشوي يم يم يعطيك العافيه

قدام بس الخروف عليك

وين المطعم والله جوعتني 00ياشباب وين اقرب مطعم

ما شاء الله

شكلة روعة

بالعافية

يعطيك العافيه