[مساعدة في مشروع خـآاص]

متعثرة · #1 (**permalink**) 12-01-2009, 08:05 AM

[align=center]السلام عليكم ورحمة الله وبركاته

أخواني و أخواتي الكرام
أنا نويت أسوي لي مشروع خآاص
راس المال بيكون من 50 - 200 ألف
بس محتاجه لـ فكـرة مشروع تكون مميزة
يعني شي جديد مافيه منه أو ممكن فكرة قديمة نطورها
محتاجه أحد يفكر معـآاي; و الموقع بيكون في الجبيل البلد

المحل بيكون نسائي يعني ممنوع دخول الرجال
كان عندي فكرة الرسم على التي شيرتات
حاولت أطور من هالفكرة ماقدرت

يعني حسيتها تصلح أشارك فيها بالمعارض بس
لكن كمحل كامل ماحسيتها تضبط صح معـآاي

فكـروآ معاي جزاكم الله خير
عسى الله يفتحها علينا و عليكم أجمعين
[/align]

مليت من التسجيل · #2 (**permalink**) 12-01-2009, 08:57 AM

محل هدايا وتغليف هدايا وشغلات الى العرائس مثل باقات ورد مسكات العروس تجهيز وتزين طاولات صاله الزواج او نادي رياضي

متعثرة · #3 (**permalink**) 12-01-2009, 10:32 AM

مشكورة اختي على الآفكار
بس انا ودي اتناقش معكم بكل فكرة
يمكن تتضح لي ايجابيات او سلبيات ما كانت على البال

موقع المحل بيكون داخل مجمع تجاري
فـ أكيد ما ينفع يكون نادي رياضي
و شغلآت العرائس محتاجه جهد و متابعه كل يوم 24 ساعه
يعني فيها طلعه لصالات الافراح و تنسيق و مجهود كبير
و ماهو اي احد يقدر عليه; و أنا ماقدر عليه بصراحه

محل الهدايا ...... ممكن يكون محل هدايا
بس أيش اللي بيميزه عن باقي المحلآت
هذي النقطه الي أبي أركز عليها أكثر

محاسب تكاليف · #4 (**permalink**) 12-01-2009, 10:45 AM

السلام عليكم ورحمة الله وبركاته
اذا انتي ناويه انه يكون نسائي 100% مافيه الايكون مشغل والله يرزقك بالحلال
بس 200 الف كثيره استثمره في مشروع اكبر

محمد الطميحي · #5 (**permalink**) 12-01-2009, 12:13 PM

تزيين العرائس وهو مواسم
ويدخل مع ذلك
التزيين للمناسبات
وفقك الله لما فيه الخير

متعثرة · #6 (**permalink**) 12-01-2009, 01:53 PM

يعطيكم الف عافيه
بس و الله يا اخوان انا فكرت كثير
الأفكار في المجال النسائي قليلة
و مجال العمل فيها محصور و محتكر

و بلد صغيره مثل الجبيل فيه عشرات المشاغل
و كل مشغل له سمعته اللي بناها خلال السنين
يعني صعبه انا اجي افتح مشغل المنافسه قوية

عشان كذا ممكن ان المشروع يكون غير نسائي يعني عام

فكرت اسوي محل متخصص بالطباعه
شموع-ملاحف-مخدات-زجاج-ورد طبيعي-ملآبس ..... ألخ
بس خفت يكون الطبع موضة تجي فترة و تروح

فأنتوا ايش رايكم؟

ريمااااس · #7 (**permalink**) 12-01-2009, 02:21 PM

وعليكم السلام ورحمة الله وبركاته

يا هلا فيك أختي .. تفكيرك حلو و منظم و ودي أفكر معك

هالمرحلة (مرحلة اختيار نوع المشروع) أهم مرحلة و لازم تاخذين راحتك فيها .. يعنى

1- فكري في نفسك و تذكري انجازاتك وأكتبي في ورقة كل الاشياء اللى تقدرين تسوينها ( حتى سلق البيض ) .
2- فكري في اخواتك و صديقاتك وعلاقاتك والخدمات والمواهب و الاشياء اللي ممكن يفيدوك فيها.
3- فكري في المجتمع المحيط بك ..الاحتياجات و الخدمات و مدى توفرها .

قارني بين نتائج الفقرات الثلاث و حاولي تتوصلين إلى فكرة أي فكرة ( بكذا تعرفين مجالك)
في خطوة ثانية طوري الفكرة و اضيفي و عدلي عليها و استشيري و استخيري و بالتوفيق

متعثرة · #8 (**permalink**) 12-01-2009, 02:55 PM

تسلميـــــــــــــن على التوجيه
بـ فكر فيها و بآخذ راحتي
و إن شاء الله برجع أقول لكم اللي طلع معاي

طائر الاشجان · #9 (**permalink**) 12-01-2009, 05:57 PM

ضاربي في سوق الاسهم السعودي ....
او اثتثمري في السوق ...
وباذن الله الخمسين الف بتكون مئه وثلاثين بعد شهر او شهرين ..

افضل من اي شي اخر .

وبالتوفيق .

متعثرة · #10 (**permalink**) 12-01-2009, 09:22 PM

مشكور اخوي على الفكرة
بس انا ودي بمشروع

اسهم و استثمار
مالي فيهم
و متخوفه منهم

بس بغيت أسألكم

إذا فكرت أسوي كشك ذرة
هل يسمحون لي أو لآ للنساء كالعادة