السلام عليكم ورحمة الله وبركاته
حقيقة من استشار ربه ما خاب ... ثم يأتي استشارة البشر والاستفادة من خبراتهم ... وأخذ العبرة من ظروفهم لأن بعض الناس يكون بنعمة لا يعرف قيمتها إلى إذا تركها ....

وحقيقة أنا أثق بعقول رواد هذا المنتدى العامر .. هم اصحاب تجارب وأصحاب خبرات وأصحاب ظروف أيضا

أنا موظف حكومي ..(معلم ) و خدمتي 8سنوات بالضبط ..

اكملت الماجستير بملغ تجاوز 100,000 ريال(من خلال اجازة دراسية بدون راتب ) فأثقلني الطموح كما أثقلتني الديون من أجل العلم والدراسة فقط وهو حق من حقوقي ..

ولكن للأسف وزارتي التى أتبع لها أوقفت الدراسة بدون راتب ... وهنا توقف حالي وأريد اكمال الدكتوراة في بريطانا أو أي بلد آخر

آخر شيء فكرت به الاستقالة ..

وبنفس الوقت وظيفتي مريحة وراتبها مجزئ ويسد رمقي ورمق أسرتي ...

ناس قالوا لي عصفور باليد .. ولا عشرة على الشجرة ..

ناس قالوا لي ستجد وظيفة مستقبلا خصوصا أن شهادتك قوية إذا كانت من بريطانيا أو أمريكا (يعني قدم استقالتك وروح أدرس )

ناس قالوا لي خلك على جنيك لا يجيك الى أجن منه ..

ناس قالوا يارجال سوي لك بيت واهجد وخل عن الخبال خصوصا الحديد صار رخيص

يعني بصراحة صرت محتار ودي احتفظ بوظيفتي لا تمرمطني الدنيا وأذوق الويلات والعذاب والجوع وعيالي يتمرمطون معي ... بونفس الوقت ودي اكمل داستي واحقق ذاتي وأحس بوجودي أما نفسي قبل الآخرين

أكيد راح يجي بعضكم ويقول أنت ليش تبي تدرس ... أنا بكمل على شان مسألة نفسية في المقام الأول ولا وظيفتي راضي ومقتنع فيها وأحبها .. ولو جاء شيء في المستقبل نعمة وفضل من الله وإذا ما جاء شيء الحمد لله على كل حال

أنا انتظر ردودكم وآراءكم النيرة على أحر من الجمر ...

السلام عليكم ورحمة الله وبركاته
اولا اتمنى لك التوفيق
ثانيا انا ما ابغا احطمك ولكن هذه نظريتي انا يمكن تكون صح ويمكن لا
ثالثا صح ان الواحد يكمل دراسته ويحسن من مستواه ولكن اذا كان على حساب انه بيستقيل من وظيفته انا انصحك خل التكمله بعدين ويمكن الوضع يتغير بعدين ما تدري وش بيصير خلك على وظيفتك وتراها ممتازه والله يوفقك وصل صلاة الاستخاره واستخيرالله

لا تفرط بوضييفتك الكثير كملو دراستهم وبنهايه مالقوا وظايف
اجلس بديرتك وعمرلك بيت< < < عشان ماتسكن عندنا

احمد ربك يالغالي


الدنيا رايحة رايحة والمهم الراحة النفسية والأمان الوظيفي

اخوي اول شئ ادعي لك بالتوفيق..

قرأت موضوعك اكثر من مره.. اخوي الطموح فينا كلنا لكن سبحان الله ساعات الظروف ماتطاوعنا.. على اللي نبيه..

الحين انت بيدك شئ عليه ضمان وهي وظيفة حكومي.. وهذا شئ جدا ممتاز.. وانت معلم.. يعني عندك اجازات بالسنة توصل الى 3 شهور.. غير لو انك موظف بمكان ثاني وجازتك شهر بالسنة..

حاول تنسق في فترة الثلاث شهور وتشتغل فيها..

أنت رجل مافيه معوقات كثير قدامك... عكس المرأة.. يعني الان استغل وظيفتك في شغلتين.. الاولى.. دراستك.. الثانية.. أمن بيت لعيالك..

غير كذا: حاول تدور عن مصدر دخل ثاني.. تقدر من خلاله تبني عمارة..على الاقل..

لاتستعجل ابدا في اي شئ.. خصوصا لو الامر عليك أنت كان قلت لك بكل بساطة .. اترك وظيفتك بس انت أب وفي ذمتك اطفال وزوجه..أنت مسؤول عنهم..


اعطي نفسك فرصة لـ5 سنوات.. امن فيها لعيالك بيت.. واهتم في دراستك.. وامن عمارة تستفيد من اجارها..

عجبني دكتور كان عندنا بالمستوصف.. ظل سينين طويلة داخل السعودية.. امن فيها بيت وسكن لعياله.. وسفر عياله للخارج للدراسة.. وبعد ما حس انه سوى كل شئ لاولاده ولا صار عليهم خوف قدم استقالته وراح لكندا يحضر الدكتوراه..


نقطة اخيره بنبهك لها انت الان في امان وظيفي.. وماتخاف حقوقك تنوخذ واو تنطرد بالعمل بدون اسباب حقيقة.. ولكن هذا الشئ كثير جدا يفتقدونه.. انتبه لهذي النقطة..

اسال الله لك التوفيق وان يحقق لك طموحك ان شاء الله ,,,,, نصيحة اخ لك اذا كنت مرتاح في وظيفتك ومامن مستقبللك انت وعيالك لاتفكر في الاستقاله ماتدري الدنيا ايش مخبيه ,,,,,, واتمنى لك التوفيق

ماشاءالله عليك

اول شي احيي فيك روحه النااااااااادره في مجتمعنا الي همه وظيفه والسلام

يعني انت ماشاءالله عليك الله لايضرك



كم عمرك ؟؟
ووش تخصصك ف الدراسه ؟؟
<<< لاتقول ملقوفه بس عشان تصير المشوره صحيحه




تحيتي

بالتوفيق الله يييسر امرك
ويلهك القرار السليم
أخذ براي أم العيال

انا أشكركم جميعا

وبصراحة كل كلامكم حكم

وينم عن عقلية واعية ومدركة كما توقعت ..... مازلت مستمتع بما كتبتم وما ستكتبون

راح أرجع واقرأ كلامكم عدة مرات

جد كلامكم ريحني وواساني في وقت أنا محتاج لهذا الكلام