<<< درقن درقن درقن
جايه مدرعمه ومعهــا عفشها من شنطه و مسطره ومساحه
وهندسه ومرسام والقدر << هذا جاي بالغلط من السرعه

السلام عليكم جمـــيعا اللي صاحي واللي قايم واللي منبطح

وتحيه خاصه لكل عاطل وعاطله وتيحا الملفات الخضراء تحيا تحيا

شووفوا ياتسبدتي ويش ابي منكم ..ابي منكم بحث متخصص منكم وفيكم
ابي عن البطاله بس ون منت بليز ..انا اقولكم وشلون ابيه << تشرط

شوفوا ابي لايقل عن صفحه ونص حلو الكلام انا راح اجيب تعريف البطاله من عندي
بس راح اعط لكم انواع البطاله الموجوده عندي وابيكم تختارون واحد منها
ينطبق على حال سوق العمل السعودي ..وتتكلم عنها باختصار شديد وبعد
كذا ابي توضيح عن الاثار النسبيه للبطاله على المجتمع السعودي من وجهه نظرك
اللي بتكون قدام الدكتوره وجه نظري انـــا

لاكن تكفون ابعدوا عن (لكن * وحيث * بماان* ولعل واخواتها ) طلبتكم طلبه لاتقرشعني الدكتوره انا وبحث برى المحاضره ويخرب برستيجي وكشختي

يعني راعوا الفروقات الله يجزاكم خير ..

ايه صح بعد اللي معصب انه ماتوظف له سنه مدري خمسه سنوات لايحط حرته ببحثي
ويلعن ويسب ترى والله مااني ماسكه التوظيف عن احد

يعني هاوش ولكن بطريقه لطيفه ..ابي الدكتوره يوم تشوف البحث
تقوم تسلم على خشمي << لحجه البقر

والتسليم يوم الاربعاء يعني مع الغبشه اداوم للجامعه وارزه في خشتها ..

يالله همتكم عــــاد والكاس ان شاء الله سعودي ويااخضر معاك الله


وهذه انواع البطاله

البطاله الاحتكاكيه (الوظيفيه)
البطاله الهيكليه
البطاله الدوريه
البطاله الموسميه
البطاله المقنعه

راح اعيد السوال اللي مطلوب البحث عنه (تكلمي عن مضمون البطاله وانواعها مبينه
اي منها ينطبق على حال سوق العمل السعودي ووضحي الاثار النسبيه للبطاله على المجتمع من وجهه نظرك )

وخيتكم الفقيره الى الله <تبي تحزنهم
مستقبلي عاطله