يااخوان يقولوا فيه مكاتب بالرياض تنقل العسكري بفلوس لاي منطقة ولاي قطاع الي يعرف شي عن هالمكاتب يعلمني الله يجزاه خير والله مليت من الشمال ابي انقل ياناس لمكه المكرمه والواسطه مافيه

اتق الله ياسلطان ماهي مكاتب رشوة هاذي هم صح في مكاتب بس شغلهم مخالف وبالدس وحرااااااااااااااام ..

وقسسم برب الكعبة اني جايتني ثلاث وظائف في الحرس الوطني ومتصل علي اللي ماسك التوظيف يقولي خمس طعشر الف ويالله تعال اخذ اوراق الفحص قلت ما عندي خمس طعشر الف منين اجيب لك قال دبر نفسك قلت خلني اكمل الاوراق وابشر بالخمس طعشر قال لااااااااااااههههههه مافيه قبل الدفع وقسم لو معي خمس طعش ما عطيته لانه حرام وانت ما ترضى يصير راتبك حرام بسبب رشوة اكثر من الاستغفار ويفرجها ربك ان شاالله

أخي سلطان العيسى
السلام عليكم ورحمة الله وبركاتة
أولاَ أذكرك في هذه الايات الكريمة


بسم الله الرحمن الرحيم
" قل لن يصيبنا الا ما كتب الله لنا هو مولنا وعلى الله فليتوكل المؤمنون "


بسم الله الرحمن الرحيم

" وان يمسسك الله بضرفلا كاشف له الا هو وان يردك بخير فلا راد لفضله يصيب به
من يشاء من عباده وهو الغفور الرحيم " ـ


بسم لله الرحمن الرحيم

" وما من دابة فى الارض الا على الله رزقها ويعلم مستقرها ومستودعها كل فى كتب
مبين " ـ


بسم الله الرحمن الرحيم

"انى توكلت على الله ربى وربكم ما من دابة الا هو اخذ بناصيتها ان ربى على صراط
مستقيم " ـ


بسم الله الرحمن الرحيم

" وكأين من دابة لا تحمل رزقها الله يرزقها واياكم وهو السميع العليم "


بسم الله الرحمن الرحيم

" ما يفتح الله للناس من رحمة فلا ممسك لها وما يمسك فلا مرسل له من بعده وهو
العزيز الحكيم " ـ


بسم الله الرحمن الرحيم

" ولئن سألتهم من خلق السموات والارض ليقولن الله قل افرأيتم ما تدعون من دون
الله ان ارادانى الله بضرهل هن كشفت ضره او ارادنى برحمة هل هن ممسكت رحمته قل
حسبى الله عليه يتوكل المتوكلون "ـ


أما بنسبة مكاتب بالرياض تنقل العسكري بفلوس
فهذه رشوه

وأدلة تحريم الرشوة من السنة ما أخرجه الترمذي وأحمد وابن حبان عن أبي هريرة - رضي الله عنه -، وما أخرجه أبو داود عن عبد الله بن عمر ‏- رضي الله عنهما- قال: (لعن رسول الله - صلى الله عليه وسلم - الراشي والمرتشي في الحكم). ورواية عائشة - رضي الله عنها - والراشي الذي يمشي بينهما>> >> >> يعني العضو اللي يدلك على المكاتب هذه

أبعد عن الرشوه فأني أخاف عليك من لعنة الله جل جلاله


وشكراَ

الله يجزاكم خير بس ماكان عندي خبر انها رشوه افكر الفلوس الي ياخذونها مجرد اتعاب فقط لاغير ووالله اني صرت موسوس بالنقل اكثر من اي شي لاني مليت ثمان سنوات وانا بالشمال خلاص تعبت نفسيا والله

يارجل هي وقفت على سلطان بتطبقون الاسلام عليه بس
يارجل حتى في الاحوال المدنيه اذا جيت بتطلع بدل فاقد لازم تتوسط وتقطع وجهك عند الناس والرشاوي عاملها عمايلها
الله يوفقك ياسلطان وتنقل

أهلين

طيب ليه مآتطلب تبادل أو زي ماتسمونه دقيش

> إن شاء الله مايكون غلط

واجعل أملك بالله كبير , وربي يسهلهآ عليك

مع احترامي لكل الردود لو حصلت احد ينقلك بفلوس بشرط انه مافيه ضرر لغيرك انا سألت عنها شيخ وقال حلال
يعني الرشاوي في كل مكان حبكت عليك
لو كان ما راح تضر غيرك أسأل الشيخ واكثر الشيوخ اجازوا الرشوة في حال الضرورة لو كان بدون ضرر على غيرك وهذا الي صار معي بس انا بصراحة ما ناني مرتاح للموضوع ولا دفعت والي يكتب ربي راضي فيه لان موضوعي كان ترقيه وانا مستحق من زمان ومتأكد 100% اني مستحق ولا كن ما دفعت واحاول الحين انقل لاي قطاع ثاني تجنباً للرشوة لاني اشوف اني ماني مضطر مثلك وهذي وجهة نظري والي صار معي بالضبط

حرام يا أخوي هذي رشوة لاتستهين فيها
اتق الله يجعل لك المخرج من عنده وليس من عند عباده

يا شباب لا تشجعونه على الاثم

اصبر ياأخوي واكثر من الاستغفار

اكثر من الاستغفار يارجل والخير جاي وانت بخير صح بعيد عن اهلك بس اكثر من الاستغفار وان شالله تبي تنقل من عند الله لاهو بواسطه ولا بمكاتب اخلص النيه لله وابشر بالخير الله يوفقك ويستر عليك