السلام عليكم
أحب اتعذر كثير للتأخير بس عندي ظروف ربي يفرجها
قبل مااكمل الحلقة الاخيره من القصه ودي اشكر كل الي علق وشارك وقال كلمة خير
وودي بعد اقول كلمتين للعضوه / عاطلة ولكن
حقيقه أستغرب من هالرد بالذات وش هالعقلية الله اعلم ؟؟
بالله عليك حد جايب سيرة المراقص والحركات ؟؟ يوم تقولين خلنا نخش جو ؟؟
والا اتزوج هندية والا روسية ؟؟ شايفتني مضيع والا ناقص عقل
والله الذي انزل الكتاب ماطبيت مرقص ولا خرابيطك هذه ياعاطلة من دخلت دبي لين خرجت منها ولله الحمد وماني مجبور احلف
ومب معنى كلمة فله يعني مراقص على قولك
بعدين البنت لازم يكون عندها حياء وتستحي حتى من ذكر هالمواضيع
الله يهديك ويستر علينا وعليك يارب
لاحول ولاقوة الا بالله .. هذا كان تعليق على رد الاخت
المهم هذه الحلقة الاخيره من هجرتي الى دبي والي امتدت الى اربع سنين
زي ماقلت لكم المره الماضيه اشتغلت والحمد لله واموري زانت رجعت السعوديه وتزوجت وخذت عيالي وسكنا دبي الله رزقني بولد والحمد لله تبون الصدق والله خفت اعيش هناك
ابي اربي ولدي تربيه اسلامية صحيحه وهذا الشي صعب جدا هناك
رجعت للسعوديه بعد ماااستقلت من العمل ورفضوا في البداية لانه كانوا معتمدين بعد الله علي وعلى 3 في القسم غيري وبعدين شرحت لهم الضروف ووافقوا
رجعت للسعوديه ادرو شغل الله يخلف ماعندك احد
ورجعت للسعوديه واموري طيبه الا الاشياء التاليه مطلوبة كثير :
شهادة تعريف بالراتب + مقر عملك + حكومي والا خاص + تبي قرض والا تبي منحه والا تبي تسوي اي شي لازم وظيفه
ولكن كما قيل رازق الوالد والولد .. هو الذي لم يلد ولم يولد
واذكر نفسي واخواني بقول الرسول صلى الله عليه وسلم ( لن تموت نفس حتى تستكمل رزقها واجلها )
وانا ماكتبت سالفتي بالمنتدى الا اني ابي الكل يستفيد واتمنى اكون افدت الشباب الي يفكرون في الهجره
ولاي استفسار انا مستعد وجاهز
15-01-2009, 10:32 PM
العرض العادي
