المقابله الشخصيه بمكافحه المخدرات مع ولد الجنيه

ولد الجنيه · #1 (**permalink**) 15-01-2009, 10:31 AM

السلام عليكم ورحمه الله وبركاته

قسم بالله يا اخواني انه ذبحني البرد ، وماني قادر اكتب شي لكن عشانكم راح اتحمل البرد وراح

اكتب كل شي سويته من يوم سافرت الين ما رجعت اول شي يا اخواني حجزت من المدينه

المنوره الى الرياض يوم الثلاثاء الساعه التاسعه بالليل المهم وصلت هناك على 11 اخذت

تأككسي وقلتله مكافحه المخدرات المبنى الرئيسي فا الرجال شويه مضيع بس الحمد لله

حصلنا المبنى الرئيسي لهم بس انتم اذا بتروحون مباشره قولوا للتأكسي الخليوي للشقق

المفروشه الداخليه << معنى الداخليه على وزاره الداخليه لانه في اكثر من مبنى للخليوي

المهم يا اخواني انا اسـتأجرت بفندق الخليوي وبعدين نزلت للموظف وسألته وين المكافحه فا

شرحلي وفعلا روحت للمبنى مشي على رجولي لانه مره قريب طبعا جهزت اوراقي ولبست

ثوبي وشماغي ورحت لهم استقبلوني والحمد لله بس بقولكم شي ترى الرياض برد

مووووووووووووووووووووت نصيحه اذا احد بيروح يجيب معه فروه لا يموت من البرد

المهم دخلنا صاله حلوه ومرتبه فيه شخص يجي ويسألك يقولك رقم طلبك وكم نسبتك اذا كنت

فوق الثمانين يقولك روح يمين واذا كنت اقل من الثمانين يقولك روح يسار فا اذا رحت يسار

تروح عند الدبه العقيد محمد عبدالرحمن السديس الله يصلحه المهم يقولك شهادتك وايش

عندك شهادات كمبيوتر عاد تعطيه شهاده الكمبيوتر حقتك عشان تروح مع الشباب اللي

نسبهم فوق الثمانين فا انا نسبتي 79.16 وعندي حاسب فا حطوني مع الثمانين والحمد لله

وبعدين ينادون بالارقام وتنزل شماغك وتنزل الجزمه وانتم بكرامه المهم تروحون عنده يمكن

عند النقيب بس ناسي اسمه بس حليوه النقيب ما عليه ويشوف طولك كم اهم شي الطول

عندهم وتراهم يقبلون اللي طوله 168 وبس بعدين اعطونا ملف فيه اوراق نعبيها وكذلك

ورقه كشف طبي اعطونا موعد احنا نجيهم عشان يودونا المستشفى وبس

رجعت الفندق سحبتها نومه الى ثلاثه الظهر شويه والا الجوال يدق رقم غريب رديت قال

اطلع من الغرفه خلاص وقتك انتهى تبي تجدد ادفع 300 ريال قلت لا يابوي خلاص بطلع

المهم ورحت المطار مباشره ادور حجز انتظار ما حصلت كله فل والطياره اللي انا حاجز

عليها الساعه سته الصباح المهم يا اخواني 12 ساعه وانا بالمطاااااااااااار اقسم بالله

العظيم الموظفين كلهم ساروا يعرفوني من كثر ما افرفر في كل مكان انسدح شويه

خخخخخخخخخخخخخخخخخ بس لاحد يضحك علي وبس هذا اللي عندي وتراني توني واصل

بيتنا الساعه تسعه حكم وصلت مطار المدينه والحمد لله قبلوني واعطوني موعد للكشف

الطبي وشكرا

[align=center]بس داج لااج شافني ولا سلم علي

اذا عندك سؤال اسأل وانا حاضر [/align]

اسد الاسلام · #2 (**permalink**) 15-01-2009, 11:00 AM

السلام عليكم ورحمت اللة وبركاتة
إشاءاللة مقبولاًنهائى قل امين
عجبتني قصتك الشيقة من المغامرات البرد شقة الخليوي وانتظارك بلمطار هذة المدة
أسأل اللة أن تعبك مايروح هدروحبيت أسألك بعض الأسألة
1:صور المكشوفة الراس لازم تحلق موس.
2:الموليد 1403يقبلونة.
3:كم طالبين في الدورة ومتى تبتدي الدورة.
4:جيتهم بلثوب ولا رياضة.
5:الشهايد كلها الاصلية.
وسلامتك ولا تواخذنا علي كثرة الاسألة......................وشكراً

آآآكل هوآآآ · #3 (**permalink**) 15-01-2009, 04:21 PM

اخوي ولد الجنه
عقبال القبول النهائي ان شاء الله لنا كلنا
بس عندي كم سؤال
الاوراق المطلوبه وشهي الصور ولا الاصل
والاوراق الي اعطوكيها وشهي والكشف حق المستشفىلازم بالرياض
وما احد نشدهم بعد التخرج من الدورة وين يحطونا يعني مداهمات ولا غيرها
وانت يوم استاجرت بكم اليوميه عند الخليوي ومافيه ارخص منه اذا غالي

آآآكل هوآآآ · #4 (**permalink**) 15-01-2009, 04:23 PM

وصح نسيت متى وقت الحضوووووووور عندهم لازم الساعه 9 يعني اذا جيت 10 يطردوني

عاشق العميد · #5 (**permalink**) 15-01-2009, 04:34 PM

الله يوفق أخوى وتكون من المقبولين

أما انا نفس أسئلة اخوى آآآكل هوآآآ

على الشقه بكم ومافيه ارخص منها

وعلى الحظور

نستناء ردك ؟

جاسوس · #6 (**permalink**) 15-01-2009, 06:45 PM

ياليت احد من اللي فاهم في الرياض يقلنا ارخص اماكن للشقق تكون قريبة

جاسوس · #7 (**permalink**) 15-01-2009, 06:48 PM

لاني سكنت هناك في شقة 300 اليوم قهر

جاسوس · #8 (**permalink**) 15-01-2009, 06:49 PM

صدقت اخي ولد الجنية انا كنت معاك في نفس اليوم نفس اللي قلته بالظبط

والبرد شي مو طبيعي فروة لازم

ولد الجنيه · #9 (**permalink**) 15-01-2009, 07:36 PM

ابشروا ابشروا ابشروا باللي تبونه من ردود على الاسئله

بس مو الحين خلوها كذا على نصف اللليل يكون افضل لاني اروق اخر الليل على قهوه تركيه واشوف الاسئله حقتكم في امان الله