15-01-2009, 10:29 PM
|
 |
|
|
تاريخ التسجيل: Aug 2007
المشاركات: 4,081
معدل تقييم المستوى: 5177358
|
|
|
قصتي مع المدفوووون
(( قصتي مع المدفون))
اولآ مســـــــــــــاء الخــــــــــــــــير .
طبعآ قريتو موضوعي يوم طلبت منكم الفزعه على طريقة المدفون وطبعآ بعض الاعضاء ماقصرو معي وعطوني الوصفه وتبعتها وطلع المدفون على كيف كيفكم..
قصتي مع المدفون قصه واقعيه ماهي مثل قصص وزيرنا وزير البطالة الكاتب المعروف في المنتدى******** اقول خلصنه ههههههه
طلعنا للبر وشباب متكلين علي على الغداء تقل طالعين علشان ياكلون... وليقول يالعنزي تراني مأفطرت لاوصيك على المدفون وانا اقول ابشر المدفون سهل اسهل منه مافيه .. وانا طبعآ مبرشم طريقة المدفون الي خذيتها من اختي طايحه باالبيت الله يقومها من طيحتها بسلامه..هههههه...المهم مبرشم الطريقه كأني مبرشم اختبار رياضيات.. واقول لواحد من الشباب يافلان انت يادب قم قطع البصل والخضره ويلتفت علي ويقول الي متكفل باطبخ يقوم الحالة واقوله طيب بس الخضره وانا اقطع البصل طبعآ البصل مأحد يلمسه انتم عارفين ليه طبعآ صلة قرابه بيني وبينه ...لاحد يضحك...وأقوم اقطع الخضره والبصل ودموع اربع اربع واجيب قصديره واحط الخضره والبصل والحم والبهارات وتبله تتبيله على كيفكم ولف القصديره لفه لفتين ثلاث لفات كأني مكفنه خخخخخ ... طبعآ الجمر تمام حطب سمر على كيفكم وأنا اقول الله يستر وأرجع لصديقي الدب واقوله انت يادب ويلتفت علي كأنه بعير هايج ويقول لاتقول يادب .. وانا اقفز وره >>>والله من الذله ههههه.. وأقوله اسف اسف يانحيف يارشيق ياوائل كفوري وينبسط وأقوله بأدب يانحيف قم ضبط الجمر ويقوم قومه بنص ساعه والله ان السوداني انشط منه ..ويضبط الجمر وأجيب القصديره وارميه على الجمر واحط جمر فوقه لين غطيته ...بدت الاسئله من الشباب.
كيف تعلمت صنع المدفون؟
كم من الوقت يضل على الجمر؟
وأنا ارد عليهم وقولهم شكلي طالع مع رخوم قلت انتم ذوقوه أول بعدين اسئلو.ابي افتك من الاسئله.المشكله نسيت كم الوقت اخليه على الجمر >>يادي المصيبه..الاشباب ذبحهم الجوع واسمع اصوات بطونهم تقاسيم كل واحد بطنه يطلع نغمه ويناضروني بحقد وانا اقولهم فهمتها ... وأقوم عند الجمر لين شفت القصديره انتقخة وقدمضى من الوقت ساعه ونصف ...وأقولهم ياشباب ابشركم المدفون خلص ويقمون الشباب ذبحهم النشاط الي يجيب الصحن ويقولي تفضل ياعمي العنزي ودب خويي يقوم يفرش السفره ويجون عند راسي ويقولون افتح القصديره خلنه نشوف الحم وانا اقولهم طسو هناك خلوني اذوق اول شئ..انا خايف انه ماضبط وافتح القصدير الا ريحة الحم الي ترد الروح ..وأذوق اول مره الا الطعم خيال وأتربع والا نسيت الشباب مادريت الا فنجال صاروخ من جنبي من خويي الدب البعير الهايج ..خلصنه يالعنزي...المهم واحط لهم الغداء وطاحو في الصحن ابي ادورلي مكان مالقيت ..الشباب جحدوني المهم لقيت مكان واحس اني جالس مع مجاعه .المهم كالو وشبعو الشباب ويقلون يعطيك العافيه ياشيف العنزي على هاطبخه المعتبره.وأنا اقول الحمدلله انها عدت على خيررر.
وهاذي قصتي مع المدفون.
|
هههههههه
العرض العادي
