العنزي : ياشباب وش رايكم نطلع الاسبوع الجاي للبر
عاطل الرياض : اقول بس اجلس , نسيتوا طلعتنا اللي قبل شهر وكيف طفشتونا من كثرة التمنن
عاطل فاهم: أي والله واحد يقول السياره حقت ابوي والثاني الفرشه حقتنا والثالث يقول خيمتنا , خلنا جالسين في الاستراحه بس وناكل تبن
رزقك مكتوب : عاطل فاهم عطني جوالك ابغى منه بعض المقاطع والنغمات
عاطل فاهم: خذه بس لا تبحث فيه كثير , لأن فيه اسرار خاصه ولا تروح للرسائل خصوصا:o
العنزي : ياعاطل الرياض جوالك يرن
عاطل الرياض : من المتصل ؟؟
العنزي : ابو هيثم
عاطل الرياض : احم احم هاته :o
العنزي : وين رايح ؟!! رد عليه هنا
عاطل الرياض : لا هذا الرجال مكلفني بشغله ضروريه ما اقدر ارد عليه عندكم :o
عاطل فاهم : علينا هذا وانت عريس جديد
عاطل الرياض : ارد عليه هنا وش المشكله يعني ,الووو, هلا ابو هيثم اكلمك بعدين
عاطل فاهم : ماشالله ابو هيثم مكلفك بشغله ضروريه ؟! ومن اهميتها تقول له ارد عليك بعدين , انا اشهد انها ضروريه
عاطل الرياض : اقول بلا فضايح انت وهو , لا تخلوني اطلع اسراركم امام اعضاء المنتدى الحين
عاطل فاهم : خوفتنا ياشيخ , قول كل فضايحنا ماعندنا شئ نخبيه
عاطل الرياض : اذا ماعندك اسرار ليه تقول لرزقك مكتوب لا تدخل الرسائل ؟! تبغاني اقول للاعضاء وش فيها الرسائل
عاطل فاهم: احم احم , خلاص ياعاطل الرياض الله يهديك وانت صدقت ترى هذا كله مزح
عاطل الرياض : ايه خلك كذا ,ومره ثانيه لا تتكلم كثير حتى مانطلع اسرارك
مؤمل خير: وش فيك انت وهو تتكلمون بالالغاز ؟!
عاطل فاهم : هذا كلام كبار مايصير تسمعه او تفهمه
العنزي : تبغى اقول لك وش يقولون
مؤمل خير : ايه قول
عاطل الرياض : يالعنزي اسكت والا ترى الليله ماراح تعدي على خير
العنزي : لا ياشيخ خوفتني
رزقك مكتوب : اقول وين العشاء الليله , ازعجتونا بجولاتكم اللي مافيها الا الفضايح انت وياه
مطلوب من العطاله : اهب عليك , انت ماتشبع كل همك الاكل وبس
رزقك مكتوب : ايه وهو فيه شئ اهم من الاكل؟!
مطلوب من العطاله : ياشباب وش رايكم في مباراة الهلال والنصر البارحه
حمد ابراهيم : والله مباراه ممله , مافيه أي شئ يشد الانتباه؟
مطلوب من العطاله : اسمح لي انك ماتعرف شئ في كرة القدم , المباراه كانت كذا لأن فيها انضباط تكتيكي ماتمتع الا الناس اللي يفهمون في الكورره
حمد ابراهيم: لا ياشيخ ماشالله عليك انت نابغه في كرة القدم ومايفهم فيها الا انت , اقول والله ماعندك ماعند جدتي لو جبت لك فريق حواري مادربته
مطلوب من العطاله : اقول ثمن كلامك ياولد الناس , والا بتشوف شئ ماشفته
عبدالاله العضيله: وش فيكم الليله ياشباب اعصابكم تالفه كذا ماتتحملون أي كلمه؟!!
مطلوب من العطاله : ياخوي منكم جبتوا لنا بزارين ماعندهم روح رياضيه
حمد ابراهيم : اقول والله لو ماتسكت انك لتشوف شئ مابعد شفته
مطلوب من العطاله : فيك خير اطلع خارج الاستراحه مو هنا حتى الشباب يفكوننا
عبدالاله العضيله : اعوذ بالله من الشيطان ! ماتحملتوا بعض واحنا مالنا الا يومين فيها , اقول هاتوا البلايستيشن خلونا نغير جو شوي , بس من اللي يبغى يتحدى؟؟
سلطان العضيله : وانت تعرف تلعب حتى تتحدى ؟!! والله زين منك انك تعرف تشغله ماهو بتلعب
عبدالاله العضيله : لا مايعرف للبلايستيشن الا انت , نسيت اخر مره تحديتك فيها كم فزت عليك
سلطان العضيله : ههههههههههههه انت فزت علي !! متى؟؟ ياشيخ اذا فزت علي اعتزل البلايستيشن ماباقي الا اللي مثلك يفوزون علي
عبدالاله العضيله : ههههههههههه يارجال لو اجيب اخوي الصغير يفوز عليك
سلطان العضيله : ههههههههه اذا اخوك يفوز عليك دايما لا تحسب الناس مثلك مايعرفون يلعبون
عبدالاله العضيله : اقول انا العب احسن منك وخلك محترم في كلامك
سلطان العضيله : وش فيك زعلت كلامي الظاهر ضربك في الصميم , وهذا يثبت انك ماتعرف تلعب
العنزي : ياهوو ازعجتونا , قسم بالله ان استراحتكم تجيب الملل مافيها الا الازعاج والكلام الفاضي
مؤمل خير : اذا ماهي عاجبتك شوف لك استراحه ثانيه وريحنا وارتاح
العنزي : ليكون استراحتك واحنا ماندري
مؤمل خير : لا ماهي استراحتي , بس انت جالس تتذمر كثير
العنزي : اقول على شحم , واتصل في راضي بحبك خله يجيب معاه عشا
مؤمل خير : راضي بحبك الليله ماراح يجي يقول معزوم عند احد اقاربه
العنزي :طيب انا راح اتصل على شبيه نفسه , الوو
شبيه نفسه : هلا
العنزي : الليله بتجي الاستراحه
شبيه نفسه : ايه جاي بعد ساعه تقريبا
العنزي : جيب معك عشا
شبيه نفسه : لا نسيت اقول لك اني مشغول الليله وماراح اقدر اجيكم
العنزي : من شوي تقول راح اجيكم بعد ساعه
شبيه نفسه : ياخوي نسيت وش فيها
العنزي : قول ما ابغى ادفع فلوس , ياخساره الكم هلله اللي خسرتها في اتصالك
شبيه نفسه : والله ما احد ضربك على يدك وقال لك اتصل , مع السلامه
العنزي: اقول تدرون وش هو الحل
الشباب : وش هو
العنزي : كل واحد يروح لبيت ابوه احسن له انا ماشي مع السلامه
عاطل الرياض : وانا بعد ماشي وراي مكالمه مهمه مع ابو هيثم:o



اتمنى اني القيت الضوء ولو لشئ بسيط مما يحدث في 80% من الاستراحات الشبابيه
وما خفي كان اعظم

[motr]
هههههههههههههههههههههههههههههههههههههههههههههههههه ههههه
هههههههههههههههههههههههههههههههههههه
ههههههههههههههههههههههه
ولله ماني قادره اسكت
عيوني دمعت



الله يسعدك اسعتني:o
[/motr]

اكيد ماخفي كان اعظم وحنا مو ضد الاستراحات وان الشباب يرفهون عن انفسهم لكن بحدود العقل والمنطق وماتكون مجال لاشياء غلط سواء فكرية او اخلاقية

وبالعكس انا اعتبرها مكان مريح لهم عن التجمع في المنزل يعني مو مثل اول

لكن فيه مجموعة كبيرة منهم ينسى بيته واولاده ويقضي وقته على اشياء غير مفيدة ودائما يتحجج لزوجتة واطفاله انه مشغول ومو فاضي وبالاخير تلقاه يركن السيارة قدام استراحتة مع زملائه

ياليت يكون فيه موازنة بين البيت والاستراحة

حتى يحس كل واحد باستراحة

لان اشوف كثير من الزوجات يعانين من الشي هذا

ههههههههههههههههههههههههههههههههههههه
كذا طلعاتكم للأستراحات كلها هواش مال أمها داعي
أذا كذا أجلسو بالبيت أحسن خخخخخخخخخخخخخ
وبعدين حط المره الجايه قسم نسائي ليه العنصريه ههههههههههههه يحشرون أنفسهم بكل شي

تشكرااااااااااااات مبدع كالعاده

رزقك مكتوب : اقول وين العشاء الليله , ازعجتونا بجولاتكم اللي مافيها الا الفضايح انت وياه

حلووووووه هالكلمه

العنزي : كل واحد يروح لبيت ابوه احسن له انا ماشي مع السلامه

ترى فعلا" مافيه أحلى من الجلسه مع الاهل وش لك بالاسرار مع الاصدقاء وش لك بالفضايح وش لك بالصاحب الساحب
خلك عند أهلك أحسن

كالعاده مبدع ومتميز والله يسلم قلمك على الحوار الواقعي

الله يعطيك العافيه يامبدع

اشوى انك ماكلفتني بالقصه اسوي مدفون هههههههههه

العنزي : كل واحد يروح لبيت ابوه احسن له انا ماشي مع السلامه

احسن شئ سويته

هههههههههههههههههههههههههههههااااااااااااااااااااا اااي


ابدعتـــــ واللهـ لكـ مستقبل في كتابة الرواياتــــ والقصص من جد حبكتهاا صح



اللهـ يسعدكـ من جد ضحكتني ..



ياللهـ ننتظر جديدكـ الزاحفــــ .. هع هع



فراشهـ فوشيـهـ ..

ـــــــهههههههــــــ
الله الله كل هذا
يااااااسااااااتر
** كله كوم وشبيه نفسه وسالفة العشاء كوم** >>> ــــخخخـــ
**وعسى عاطل الرياض خلص الشغلة اللي مع أ.....ـــــبــــ....ـــــو هيثم** >> ــــكعـــكـــ
................................................
تسلم وزير البطالة الله يسعدك
أسعدتنا

وين ردي ؟؟؟

طلعاتكم ممله كلها خناقات

المره الجايه اكتب عن طلعت البنات

يعطيك العافيه ياوزير وبانتظار جديدك دايما