[align=center]
[align=center]
السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين


ارجو من العائدين من الكشف الطبي يعلقون ردودهم هنا؟

يعني مثلاً(( عطوكم هرويل او كوكاهين)) ههههههههههههه امزح معاكم
[/align]

قلولنى وش حصل معكم بالتفصيل الممل تكفون اللة يسرلكم القبول النهائي واللة يرحم والديكم الاتبخلون علينى بأ شي حتى لوكان بسيط أوتافة 000وأحتسب الأجر من عند اللة عزوجل

مقعوله!!!!!!!!!!!!!!!!!!!!!!!!!!!!! ما بعد جوا

تكفون علمونا متى مشى الباص ومتى طلعتوا وش سويتوا والببس معروف رياضه لكن البس وانتم بكرامه كنادر ولا نعال وشكرا لكم بنتظاركم على احر من الجمر

شكلهم عطوهم حشيش ونامو هههههههههههه

انا توني جاي اول شي جيت الفجر والساعه سبع جا الي ماله شنب ولا لحيه وقال الي ماهو لابس لبس اخظر فنيلة بيضة وسروال اخظر مايركب الباص يروح يغير ملابسه ولازم تلبس كنادر ( بوت ) واهم شي تحلق رقم ثلاثة وقال يالله نزلو الطرابيش ( القبع ) على راسكم والي مهو محلق يقول له رح حلق والحقنا للمستشفى والي اكلها انا قال لي انا ماقلت لك ذيك المرة حلق قلت حلقت قال رقم ثلاثة قال رح حلق والله واروح كعابي افتر ادور لي حلاق فاتح مالقيت وارجع للباص قلت له ابيها منك هالمرة مشني قال مالي دخل واتجه للباص وهو راح ركب بسيارتة ولقيت واحد ذيب وكلمة ذيب قليلة فيه شكله صفر سبعه بس ذيب قال ماعليك منه اركب والله واركب الباص الا ويدق على السواق قال ابو شعر نزله وانزل وادخل للمديرية ادور لي رجال مالقيته مداوم وادور واحد غيره مالقيته بعد والقا واحد حربي جاني قال لية ماركبت معهم قلت له السالفة قال تعال وينادي واحد مطيري قال خذ ولد عمك وسنعه قال لي امش اركب معاي واروح انا ويا الذيب ندور حلاق ولقينه حلاق ويوم جينا نبي نوقف عند الحلاق الا يوم جانا واحد من ورانا معا سيارة سكودا ويصدمنا من ورا وانا راسي صفق في الطبلون وننزل له قال ماتشوفون قلت له انت الي ماتشوف لفيتها عليه والا الغلطانين حنا عشان لافين علية قلت له قلت عليك السعه تتجاوزنا من يمين قال ابدق على المرور قلت له انت سيارتك ماصار فيها شي كلها سطاب بعشرين ريال ههههههههه قال امش معاي نساومها قلت لا انا ماني فاضي لك اروح اساوم والعسكري الي معاي المطيري الذيب ساكت الزبدة لفيتها عليه خليت يصدق ان هو الغلطان والفورد حقت العسكري المطيري الخلفيه انعدمت << وجهي شر عليه والزبدة قلت له ماقصرت وبيض الله وجهك ياولد العلم وسيارتة منعدمه بسبتي واحلق واركب لي تاكسي واتجه للمستشفى وانتظرنا نص ساعه او اكثر لين مادخلنا بس اشعه وبعدها يقولون تعالو بكرا عشان الطول << هذا الي انا خايف منه والوزن وقالو بكرا لاحد يجي للمخدات تعالو للمستشفى انتم وتلقونه فيه واليوم الثالث بعد نروح للمستشفى عشان الدم والبول الله يكرمكم وبعدها يقولون ننزل الارقام في موقعنا بعد مايخلصون المقابلات عشان المقابلة الشخصية وبعدها الي يمشي في المقابلة والكشف الطبي يدخل الدورة وتوتة توتة خلصت الحتوتة نلقاكم في تقاديم اخرى باذن الله
اي استفسار او ملاحظة يرجى ارسال رساله فارغه على الرقم 000 مراسلكم من مكافحة السرابيت والدشير ( فـهـد الـوسمي )

يافهد اللة يحرم والديك يدققون في الوزن والطول مرة ثانية واللة بس الطول وسهل اللة للك القبول النهائي

ياولد انا خايف ِمن هالشي ادور اجابة مثلك اظاهر انهم يدققوون بس حاول تلبس ثلاث شرابات او ترفع نفسك انا خايف مثلك ان بكرا يقولون لي امسك الباب بس ياولد هونهاا وتهون الدنيا ماوفقت عليهم هم الخسرانين خسرانين جنود بواسل مثلي انا وياك بعدين يندمون يدقون علينا يترجونا نرجع لهم

طيب اخوي فهد انا شعري قصير بس مهوب صلعه بس يعنى يمكنه ثلاثه احلق ولا اخليه ومتى طلعتوا بالظبط علشان بروح الأدله الجنائيه تتوقع يمديني ترانا من براء الرياض