19-01-2009, 02:07 AM
|
 |
|
|
تاريخ التسجيل: Aug 2008
المشاركات: 13,880
معدل تقييم المستوى: 21474897
|
|
الإنـــســـ ك ـــاب
بري حالي لانتهى العصر واعلن الانسحاب
وخلت الشمس الصدارة ومالت للغروب
واذن المغرب وساد السما مثل الضباب
وانتهى والليل لبس لاماكن لبس ثوب
وردة همومي على قلبي الصخر الخراب
وردة حيام الضوامي على عدت جذوب
كلها هانت ولاهنت ياهم الغياب
من محبة صاحبك صرت ياهم محبوب
أخذ ليلك بأوله اكل واشرب في رحاب
قلب من شدة طهارته تجفاه الذنوب
ايه والدنيا مساكن ورحلة اغتراب
والغلا في الوقت هذا مميز بالعيوب
اشمل بجسمي واعدي على روس الهضاب
وكل ماضيعت وجهي دريت انه جنوب
وش اسوي فيك ياعم تلعات الرقاب
وانت واقع والتمعان في عيونك هروب
انت مجرم حب لا ويش جاب لويش جاب
انت عذبٍ عذّب رجيلي بشوك الدروب
صرت أهاب من التزاحم وأنا ماكنت أهاب
وأمشي بكيفك لو اني على المشي مغصوب
صرت اجمع من جروحك وكلماتك عتاب
وقبل أقول وش فيك تجرحني استغفر وأتوب
صرت احسب لناس ماكنت احسب لها حساب
وصرت اكذب لجل ترضى وانا ماني كذوب
شوف مهما صار بي انحنائي انتصاب
ألعب بعمري وبعثره بيدك ياللعوب
ادري أن الجاذبية تسبب الإنسكاب
وأدري أني منسكب وادري إن يديك كوب !!
سلت فرضك وارتوت بي وفاضت بي عذاب
لين حبتني قلوب وتعادت لي قلوب ..
فاعرف ان زولي غدير وحكاياهم سراب
والمقادير الأيادي وشين الحظ طوب
يعني اليا من رموني حقيرين الجناب
صار زولي عشرة أزوال وعيوني قروب
اتعدد لجل اداريك عن طيش الشباب
واتوحد لين يطغى على وجهي شحوب
ماني استاهل كذا منك ياوبل السحاب
لاتبللني وانا ودي انك ماشروب
ايتني وادخل بقلبي ياقلبي باب باب
واخطر عروقي برجليك يااسمر دوب دوب
جل من عروقي بقـنينة تراب
نوب تضحك من عذابي وتبكي منه نوب
لو لي دعوة وحيدة وهي بتستجاب
قلت ياربي ليا مر خالفه الهبوب
زوى قلبي كل ما ازويت خصرك بانسياب
وقف العالم يرد البحر من كل صوب
ياخلاصة شهد وعذوق مالذ وطاب
يامغلبني وانا مابعد صرت مغلوب
يامسفرني لوجهك ذهاب بلا إياب
يامعزز بالغلا يامقدر يا محسوب
ايتني واذهب بي بعيد يامال الذهاب
وضمني بيديك بجمد على صدرك وأروب
أنت لوضميت تمثال من ضمتك ذاااااب
كيف لو ضميت صدرٍ على ذكرك يذووووب
للمبدع ،،سعد علوش
اتمنى ان تروق لكم 
حنين الرووح
|
العرض الشجري
