سعودي بلا هويه ...؟؟ وش معناها ؟؟؟؟

من دواعي سروري · #1 (**permalink**) 19-01-2009, 03:39 AM

[fieldset=مأساتي]

بسم الله الرحمن الرحيم

سعودي بلا هويه ..؟؟ ياما شفنى

هالمسطلح بس وش معناه

انا اقول لكم وش معناه

من خلال هالقصة

الحمدلله والصلاة والسلام على رسول الله وعلى آله وصحبه أجمعين

وبعد :
اخوتي واخواتي الاعزاء

هذه القصه من واقع اليوم المرير

تحمل في طياتها قمه الاسى والحرمان

ابطالها : قله الحض + محاكيكم
( من دواعي سروري )

ارجو قراءتها والتمعن فيها راجيا المولى ان نصل الى حل للمأساة اللتي اعيشها

القصه :

انا شاب ابلغ من العمر 20 سنه

سعودي الاصل من مواليد مدينه طريف

بدأت المشكله عندما كنت في التاسعه

من عمري اي قبل 11 سنه

تقدم والدي بطلب في الاحوال المدنيه

لتعديل الاسم الرباعي

لأسباب الله وحده اعلم ما هي

ثمرة هذا الطلب كانت ايقاف معاملات

رقم الحاسب الالي اللي

كلنا عارفينه طبعا اذا توقف السجل

حق الاب ما يقدر يطلع بطاقه احوال لعياله ولا يرفق

ولد بدفتر العائله هذا طبعا

للمواليد الجدد او يحط شي بأسمه او او او حاجات كثير

مرت الايام وكبرنا لحد ما وصل عمري

15 سنه اشوف اخوياي قصو بطاقاتهم

وكاشخين فيها

جيت ابوي قلت له يبه متى تقص لي بطاقه احوال ؟؟

ضحك

وطالع فيني قال ما قصينا

لغيرك عشان نقص لك

قلت له ليش

جلسني جنبه وحكى لي الموضوع

بعد هالكلام بـ3 سنوات انا صرت

بثاني ثنوي وسبحان الله صادفت مشاكل داخل البيت

واترمينا برا البيت انا وامي

واخواني الصغار

يعني الوالد الله يسامحه يمشي ويتزوج

بها اللحضه حنا ما ندري وين نروح

طلعنا للرياض عشان لنا قرايب

فيهااحنى من سكان الجوف اصلا

انا تركت الدراسه وبديت ابحث عن

عمل ومن ذاك الوقت لين اليوم هذي

ثالث سنه وانا ابحث وبدون جدوى

ومع الاسف كل ما اتقدم لشركه

ويشوف مع الملف كرت العائله يقول لي

والله ما اقدر اوضفك من الشروط

الرأيسيه عند مكتب العمل وجود

بطاقه احوال انا مو من النوع اللي

يمد يده للناس ويقول عطني انا ابي

اكل من عرق جبيني وبالحلال

وش رايكم يعني اروح اتاجر بالمخدرات

والا اسرق واعيش امي واخواني والا وش اسوي

اليوم انا واخواني وامي بها الدنيى

لاني قادر اتوضف ولا احد يسأل

ويقول وش ناقصكم حتى اجار البيت حل

وربي ما ادري منين راح اسدده

تعرفون ما احد ينفع احد هاليومين

انهد حيلي وانا اركض من شركه لشركه

تعبت وفلان يعطيني امل بوضيفه

ويسحب علي بغرض التسليه بس

انا ما نزلت هالقصه يا اخواني

عشان اقول لكم عطوني انا نزلتها

عشان تساعدوني اعتمد على نفسي

تكفون يا اخوان اللي يقدر يوصل

صوتي للمسؤل او يعرف احد يوضفني

ابي اطلع من الحاله اللي انا فيها

تخيلو هالشي يصير مع واحد من اخوانكم ...؟؟

الله لا يقولها

ارجوكم شوفو لي حل

على فكره فيه كثيييير عاطلين بها

الدنيى بس لكل عطل سبب واللي صار

لي واحد من الاسباب الرأيسيه

اما مشاكل عائليه او مسأله بطاقه

احوال وانا اجتمعت علي كلها

هذا معنى انك تكون بدون هويه

يعني كرت صغير صار يحدد مستقبلك مع الاسف

ارجوكم ابحثو معي عن حل

ارجو منكم الرد في اقرب وقت ممكن وشكرا لكم .
[/fieldset]

عليكم بالصلاة · #2 (**permalink**) 19-01-2009, 02:55 PM

الله يكون بعونك

والله مااملك غير الدعاء واتجنب المخدرات واللي يرحم والديك ماراح تجيب لك غير المصايب والسجون وتدمر شباب المسلمين ثم تكسب اثم ومال حرام

اخوي حاول مع الوالد او عمامك يشوفون حل لمشكلتك

وربي يسر امرك ويرزقك الرزق الحلال

لمى 27 · #3 (**permalink**) 19-01-2009, 03:07 PM

والله نفسسسسسسي اسااااااعدك

لكن مابيدي شي

اخوي ليش ماتكلم احد مسؤال بالدوله يعني تدخل عليه وتكلمه وربي فيهم خير كثير ياما ناس عندهم مشاكل صعبه مره ورحوا للامراء وساعدهم بحل لمشاكلهم

الله يفرج كربتك عاجلا غير اجل

الكاسر22 · #4 (**permalink**) 19-01-2009, 03:19 PM

اول شي انشالله انت اخو لنا بلا شك في ذلك وربي تالمت لقصتك وربي يعينك
بس حاول قد متقدر توصل للامير عبدالعزيز بن فهد الله يحفظه الله فهذا الانسان فيه خير كثيير ولايهونوا البقيه بس حاول توصل وربي يوفقك اخوي وياليت في يدي الشي اقدر اسويه الله يوفقك لما هو كل خير ...امـــــــــين

وتبقى الكلمة · #5 (**permalink**) 19-01-2009, 03:21 PM

حبيبي اسمع ليش ماترسل برقيه الى مكتب الامير نايف بن عبد العزيز عن طريق شركة الاتصالات السعوديه وصدقني بتجاوبون انا مجرب
خذ الرقم واسأل الله انه يرزقك ويرفع مابك من بلاء وتذكر الله يبتلي المؤمن على قدر ايمانه
اصبر واحتسب
هو رقم فاكس اكتب حالتك وارسهل وصدقني باذن الله بيردون عليك
014523110
دعواتك

الاياوقت · #6 (**permalink**) 19-01-2009, 04:20 PM

الله يفرجها عليك اخوي

انشاءالله اني دعيتلك في كل صلاه

من دواعي سروري · #7 (**permalink**) 20-01-2009, 09:57 AM

العاطلات الثلاث

لمى

الكاسر

وتبقى الكلمه

جزاكم الله كل خير

والله يوفقكم يا رب كل كلمه قلتوها شالت جزأ من همي

والله العضيم ماني عارف كيف اجازيكم

اختي لمى جزاك الله خير وان شا الله راح يكون بينا تواصل واطلعكم على المسجدات

alajam · #8 (**permalink**) 20-01-2009, 10:13 AM

السلام عليكم ورحمة الله وبركاتة
صبحك الله بالخير يا اخي
من دواعي سروري

ياريت بيدي شئ واساعدك لكن اسأل الله العظيم ان يفرج كربتك ويعجل بحل للمشكلة الا انت فيها الحين بالنسبة للمخدرات وهذه الاشياء اهرب وابعد عنها تراها سبب من اسباب انتكاسة الكثير من الشباب لكن انا احب اضيف على كلام الشباب والبنات الا قبلي واقوول لك توجه للامراء والمسئوليين واذا ما فاد معاك عليك بالتوجه لحقوق الانسان ولله الحمد الحين عندنا حقوق الانسان راح تنصفك غصب عن اطلق مسؤوول في البلد وربنا ماراح يضيعك ان شاء الله .

والله يوفق الجميع..........

"سلطان · #9 (**permalink**) 20-01-2009, 10:22 AM

الله يكون بعونك
هذا ايميل صلاح الغيدان مذيع برنامج 99
ان شاء الله بينفعك
stgaidan@sauditv.net.sa

من دواعي سروري · #10 (**permalink**) 21-01-2009, 10:29 PM

جزاكم الله كل خير

متابعين الموضوع وان شا الله خير

ارد اقول كل كلمه وكل حرف منكم ممكن يساعدني

تقبلو تحياتي ودمتم بخير

سعودي بلا هويه ...؟؟ وش معناها ؟؟؟؟

إستراحة الأعضـاء

بسم الله الرحمن الرحيم سعودي بلا هويه ..؟؟ ياما شفنى هالمسطلح بس وش معناه :eek: انا اقول لكم وش معناه من خلال هالقصة الحمدلله والصلاة والسلام على...

سعودي بلا هويه ...؟؟ وش معناها ؟؟؟؟

تسجيل الدخول

سعودي بلا هويه ...؟؟ وش معناها ؟؟؟؟

إستراحة الأعضـاء

بسم الله الرحمن الرحيم سعودي بلا هويه ..؟؟ ياما شفنى هالمسطلح بس وش معناه :eek: انا اقول لكم وش معناه من خلال هالقصة الحمدلله والصلاة والسلام على...

سعودي بلا هويه ...؟؟ وش معناها ؟؟؟؟