الله يوفقك حبيبتي وما في زي العمل الحر صدقيني لو عندي راس مال لن اتردد في العمل الحر ابدا ترى فيه في الرياض استديوهات نسائية بس ليست على مستوى سوي شيء مرتب تلقي الناس تقبل عليكي

انا اشوف لو انك تروحين لعبد اللطيف لخدمة المجتمع راح يفيدوك كثيييييييييير................عندهم زي هالدورات.............

النشمي

جزاك الله كل خير على النصيحه وخوفك من وقوعي بالمعصية
والحقيقة اني حريصة من ناحية الكسب بطريقه مشروعه وسالت عن حكم التصوير؟؟
وذكروا لي انه يجوز لان التصوير بالكاميرا ليس سوى صوره عاكسه والحرام هو رسم ذوات الارواح باليد.

قزاز
سعوديه فخر ال جود

نسيت اقولكم اني من سكان الرياض بس مو هذا المهم- الاهم اني اشكرررركم من الاعماق واحيي فيكم روح التعاون اللي تمتلكونها واقدر لكم مجهودكم وحرصكم واهتمامكم وهذا والله من طيب اصلكم.. وماقصرتوا وفيييييتوا وكفيتوا..ويكفيني ياسعوديه شعورك ورغبتك بالمساعده...ولاتخاف ياقزاز انت راعي المعروف ماراح انساك>>الله اكبر يابيكاسوا

طالبه كبيرة

انا زيك بنت بعز شبابي ولااملك راس مال اقيم مشروع وابوي يرفض يدعمني يخاف اخسر وتروح فلوسه لكني ماحاولت اوقف مكتوفة اليدين فكرت وفكرت وفكرت لحد ماجات الفكرة وراح اشتغل عليها وابني نفسي بنفسي ولاانتظر من احد اي دعم وانتي بعد شدي حيلك وطقطقي هنا وهناك ولاتياسين وتحطين عقبات مهما كانت الصعوبات وتاكدي ان النجاح لايمكن توصلينه الابعد كفاح. اتمنى لك التوفيق

احمد نجاد

فيه مركز خدمة المجتمع اللي ذكرت بالرياض؟؟؟؟


اشكررررررررركم جميعا على التفاعل وتشريفكم الموضوع

الصراحه فكرتك جدا رائعه بس يبيلها دراسه واجتهاد لان اذا بتبداءي بالاعراس لازم يكون عندك معرفه في التعامل بالفوتوشوب والحركات الغريبه الي يسونها بالصور

الفكرة : رائعة جداً ... ومبادرة رائعة في فتح مجال عملي
والله يوفقكِ .. بس اعطينا المنطقة إلي انتِ فيها وخير ان شاء الله نسألكِ
<< يفرفر على دورات .. وممكن يسألكِ معه

الوجيه
اشكرك على التشجيع من ناحية فوتوشوب وغيرة الصراحه انا ماافهم بالكمبيوتر والحركات هذي كثير لكن لما اخذ دورة اكييييد بتعلم كل شئ يخص التصوير.


باسم
اشكرك على تفاعلك واهتمامك وانا ساكنه بالرياض ياليت والله تتكرم علي بالافادة سريعا
والف شكرا



الحمامه البيضاء
اشكرك حبيبة قلبي بس المشكله صعب اتوظف عندهم وانا ماافقه شئ باصول المهنه يعني لو كانوا بيقدمون لي خدمه ويعلموني حلوووو بس يعلموني عشان بالاخير اتوظف عندهم صعب لاني افكر اعمل لحساب الخاص مو لاحد ولقيت باحد المواقع قسم خاص للتصوير الضوئي وفيه بعض الارقام وراح اتصل بخصوص الدورة واتمنى احصل لاني من جد بتحطم لو ماحصلت مثل هيك دورات.

اشكرررررررركم جميعا على المرور والتشجيع والرغبه في تقديم يد العون