الشيب شفته فى المرايه وصديت ...

abo naif · #1 (**permalink**) 20-01-2009, 08:26 PM

الشيب شفته في المرايه وصــديت ... ماكنت أصدق إن ذا الشيب فيه

الشـيـــب

الشيب شفته في المرايه وصــديت
ماكنت أصدق إن ذا الشيب فيه

أثر الزمان يطوي رحاله ووليـــت
وراحت سنين العمر وش هي البقيّة

من بعد شفت الشيب في الرأس حنيت
حنيت لسنين(ن) توالــــــت عليه

سنين ذقنا المــــر فيها تجنيت
ويااا كم تكبــــدنا صنوف البليّه

ذقت الحلا في بعض منها وتهنيــت
مرت عليّ مر الصبح والعشيــَه

وسنين يا كم تهت فيها وتماديت
ما بيــن سب وظلم ولا قفيّه

ويا كم تحملت المعاصي وجـــريّت
جريتها ومثيل جر المطيـــــّه

وسعيت في الدنيا وكم صبت واخطيت
واللي مضى ع النــاس يمضي عليه

ودارت بــــي الدنيا ولا يوم ونيت
وقضيّتهـــا مابين شمسٍ وفيّه

يــا مرحبا بالشيب من يوم حليّت
تظـهر على نفسي أمور غبيّه

يالشيب ما خوفت قلبي ولا أحديت
إلا مواريــــــــــد(ن) بتقبل جليّه

إنــــــت النذير إلي على الباب طليت
ووصلـــــــت حد الباب وش عاد ليّه

ما عاد لي إلا التوبة إن كاني أزكيت
وسألـــــت أنا المولى ورب البريّه

وقلت توبــــي يا نفس قبل ياليت
ماعـــــاد ينفع ياليت وقت المنيّه

صـومي وصلي ثم حجي إلى البيت
وروحي إلــى طيبه ومسجد نبيّه

وتزودي بالخير من بعد ما أشقيت
نفس(ن) تعاندني ونفــسٍ عطيّه

وإن عشت يا نفسي من الخير جنيت
جنيت لي مجنـــــى الثمار الهنيّه

يــــــارب تغفر زلتي يوم زليت
و إنــــــــــك تجنبني الزلل والخطيه

وعلـــى الرسول ازكى سلام وصليت
اعداد مـــــــا هلت نزول النجيـــــــه

عبد الله بن عمرو بن العاص رضي الله عنه ، قال : قال رسول الله صلى الله عليه وسلم : لا تنتفوا الشيب، فإنه نور المسلم، من شاب شيبة في الإسلام، كتب الله له بها حسنة، وكفر عنه بها خطيئة، ورفعه بها درجة
أخرجه أحمد في المسند

منقول

الشيب شفته فى المرايه وصديت ...

الشعر والنثر

الشيب شفته في المرايه وصــديت ... ماكنت أصدق إن ذا الشيب فيه الشـيـــب

الشيب شفته فى المرايه وصديت ...

تسجيل الدخول

الشيب شفته فى المرايه وصديت ...

الشعر والنثر

الشيب شفته في المرايه وصــديت ... ماكنت أصدق إن ذا الشيب فيه الشـيـــب

الشيب شفته فى المرايه وصديت ...