ماااراح اكتب مقدمات اصلا مافي مقدمة تعبر عن حالتي اساسا اللي نفسي مقدمتهم نفس النهايه ماتفرق كثير...
كان عندي طموح واحلام.. وكنت متفائلة.. توقعت الحياة بتنصفني اخيرا او عالاقل ماراح تظلمني
رغم كل الألم اللي في داخلي..كنت اقول بكره أحلى ..أكيد خيرة.. لا ربي بيعوضني
درست.. وتعبت.. وصرفت على دراستي الكثير ( كثير تعني اكثر من امكانياتي المادية)
وبالمقابل انهيت دراستي بفتره قياسية ..كنت اخذ عدد ساعات انتحاري بس عشان انهي مشوار التعاسة وابتدي حياة جديدة.. كنت ابي اغير كل شي حولي.. كل شي
تعرفون شعور الحرمان لما تحس انك مونفس اللي بسنك مااتفكر بتوافه الامور.. تشغلك اشياء اكبر منك بكثير واهم منهم بكثير
كذا كان احساسي...
كانت عيوني دايم على المستقبل يمكن تفاؤل مني او يمكن هروب من اي هاجس ممكن يطري علي بحكم اني مثل اي شخصية مسؤولة بطبعها وسواسيه او يمكن هروب من الواقع
تخرجنا..اخذنا الشهادة.. وبعدين............................................ .................
فراغ كبير و صدمة اكبر لا مو صدمة صدمات كل شي بنيته بأحلامك او حتى كل شي حققته بواقعك قاعد ينهد قدامك ..وانت كل مره تحاول تتحاشى السقوط .. كل مره تحاول تعيد تحقيق الحلم.. مره تعود أقوى.. ومرة ترجع ضعيف..ومرة ترجع بدون أي شعور ..ايه ترجع متبلد.. بس في ال3 مرات النتيجة وحدة فشل او بمصطلح أقل حده أقدر أقولكم بدون نتيجة أصلا
وهكذا تستمر الحياة ..
تتوقعوون بعد مرور سنتين على وضع مثل هالوضع أحد يلومني لو قلت جا وقت الانفجار؟؟
لحظة..لحظة
ماقلتلكم بعض المحطات من مشوار الفشل.. لحظة خل اعرفكم على أسباب نكستي في الحياة
فئة رقم 1
البعض كان يتعمد يعيشك بأحلام وأوهام ويطق الصدر يعني ابوظفك وبالاخير يطلع كومبارس ماله دور يذكر بس المسكين تكون عنده هواية تجميع الملفات العلاقي واعادة اسطوانة انا اقدر أتوسط بس فلان فاشل وفي الغالب هالنوعية تكون قريبة فئة العقارب
فئة رقم 2
هذي فئة السلطات..فئة المناصب..فئة الكلمة العليا..فئة فيتامين واو المشبع بالريالات
هذي الفئة في الغالب ماتهمها ولا جابت خبرك وماتخاف من احد يعني مثال حي من واقع تجربتي
عادي تطلب مسؤول التوظيف في مكان ما ويقولك النمرة غلط ( طريقة تصريف جديدة وصريحة وبجيحه ) لا وبعد يقولك روح اشتكي مااقولكم الرجال مسنود ومتكي ومتركي بعد
فئة رقم 3
هذي عاد فئة خطرة..في الغالب مالها منصب قوي بس لها تأثير قوي و موجودة ومتفشية بكثرة بعد هذي النوعية جدا خبيثة وجدا جدا قذرة
شغلتها استغلال البنات << لا تستغربون اتكلم عن السعودية موعن مصر لحظه لا توسوسون للحين البث من القناة الاولى مو الفضائية المصرية
تبون امثلة؟؟ ولا مايحتاج؟؟ لا ابعطيكم بس مو مثال واحد اكثر من مثال برضووو من واقع تجربتي
1- حشرة رقم واحد
يطلع رقم ومعلومات الضحية من السي في ويبتدي شغل المسجات والايميلات اللي في الغالب تتنوع بين اعلانات التوظيف ومسجات الغزل
هالحشرة اذا ماشافت تجاوب تبتدي الخطوة الثانيه اللي تتفاوت بين اضافات ماسن و اتصالات العبط على وزن هذا جوال فلان او عسى توظفتي يافلانه
طبعا هالفئة علاجها تختارين اسوأ مزاج ممكن يمر فيه اخوك وتعطينه الجوال
2- حشرة رقم 2
هذي حشرة في حالها ماتتحرش بس لما تجيه فرصه مايضيعها شغله سريع وباله ابدا مو طويل هالحشرة هذي تتكاثر وتتواجد في مكاتب التوظيف
دقيت على مكتب منهم قالي الموظف تعالي الساعه 3 <<لاحظوا 3 الظهر ودوامهم المسائي يبتدي اربع طيب كيف؟؟
طبعا كان يكرر كلمة اكيد بتجين ؟؟ وكنت اقوله اي اكيد واظن انه ضيع بريك الغدا عالفاضي ذاك اليوم
3- حشرة رقم 3
هذي الحشرة تعاني عقد نقص كثيرة في الغالب يكون مو سعودي او تكون عنده عقدة الحقد الطبقي على البدو او السنه او الخ من أصحاب الأصل والفصل
او ممكن يكون يعاني من عقد نفسية اتجاه الجنس الآخر فيستغل احتكاكه بالضحية ويمارس عليها انواع ثقالة الدم والسواليف اللي مالها سنع والتلميحات اللي تتحمل اكثر من تفسير والترزز بكل مكان وزمان ومن تتوظفين عنده يصير اسمك اكثر اسم ينطق ويلفظ ويطلب أثناء الدوام الرسمي وحتى أثناء البريك وحكمته بالحياة ياا تلين يا تطس
هالنوعية خسرتني فرصة حياتي اليتيمة وطلعت من دوام كان من المفترض يكون راتبي فيه 6000 ريال بعد اسبوع واحد فقط

تتوقعون الحين احد يلومني لما انفجر؟؟ ولا انجن؟؟
مريت باحباطات كثيره بس هالمره غير احس باختناق .. بلوعة.. بحقد على كل شي
ماكتبت موضوعي عشان احد يقولي اساعدك ومااساعدك هالكلام ماخوذ خيره بس اكرر واعيد وازيد كتبته للتنفيس عشان مااقوم واحط حرتي بواحد من اخواني دخلت هنا
تبون تساعدوني
ادعوووووووووووووووووووووووووووولي جدا جدا جدا محتاجة دعوات

اختي ماجبتي شي جديد بالحياة

وانا عن نفسي وصلت حد الانفجار وانفجرت وقضيت ولا تغير شي بالوضع
ياما فضفضت وياما قلت وياما حكيت وياما شكيت ولا تغير شي بالوضع

زعلت ورضيت واقتنعت بالمقسوم ولافكرت احلل الاسباب لان عندي ربي كفيل برزقي

لو حاولوا كل البشر يمنعونه راح اخذ غصب عن اللي مو راضي

واذا ما كتب لي شي اصبر واجري على الله

لكن انصحك اذا كنتي على وشك الانفجار روحي لمنطقة خالية من السكان زي الريع الخالي (وربي امزح)

والله يكون بعونك ويشرح صدرك ويسر امرك

الله يعينك والله يفرج همك

اللهم امين

ضاقت فلما استحكمت حلقاتها فرجت وكنت اظن انها لا تفرج

مافش احد من حزب الله المفلحين مرتاح
ياقلبو كولو بهمو

روقي يابت
وكلو بالتساهيل لعلو خير
والدونيا مدرسه واهو بنتعلم كول يوم حاجه
خبره
ربنا يصلح الحال
ويرزوق الجميع

دآئماَ قولي : [ ربي أرضني بمآ قسمت لي ]

الله يسخر لك من رحمته ويغنيك عمًآ سوآه
آمين

الله يفرجها عليك ياقلبي
ترا الحال من بعضه بس الله يعوضنا خير
اخر شي توصلت له انه العمل الحر اللي انا اديره وانا صاحبته هو الافضل لحفظ ماء الوجه ، بدل اهانات اصحاب العمل والحركات القرعة كاننا شحاتين مو جايين نشتغل
احسن شي الواحد يشتغل فترة مؤقتة بس يجمع فيها فلوس لبدأ تجارته بعدين يقولهم في امان الله

الي ماعنده ثقه بحكمة ربه .. لا يفكر في حياته او مماته انه حيفوز بشي
اكانت دنيا او آخرة

انتي مو صغيره عشان نقعد نطبطب عليكي .. انتي واعية لدرجة انك قدرتي تتحاشي هفوات وغلطات سقطت فيها الكثير من الفتيات الي همهم الدنيا الزائلة .. عشان كدا ماعندي شي اقلك هوا غير حاولي تصلحي علاقتك بالله وتنمي إيمانك لدرجة أعلى من انه اصغر عيال ابليس يقدر يسيطر عليكي وهوا يضحك !

اقولك انت في جدة ؟؟؟؟ لعلي اقدر اشوفلك شي