21-01-2009, 04:43 AM
|
 |
مشرفة سابقة
|
|
تاريخ التسجيل: Jul 2008
الدولة: في الليال الوضح!!وفي العتيم الصبح!!
المشاركات: 8,483
معدل تقييم المستوى: 5995818
|
|
@عسى اللي بلاني به مع الوقت بي يبلاه@
أنا كل ماكنـي تشاليـت مـن فرقـاه
طرالـي وزاد بميسمـه بالحشـا كيـه
وإذا قلت ابنسا يمكن ان خافقي ينسـاه
تزايد غـلاه بـدون ماجيـب طاريـه
وإذا قلت ابسلا عن عذابه فكيف اسلاه
وهو في الحشـا محبتـه نارهـا حيـه
وهو مادرا عن دمع عيني وكيف اجراه
غداله علـى خـدي علامـه وماريـه
أنا ماعرفت شلون طعم الهـواء لـولاه
ولو لاه ما ادري ويش معنى الرومنسيه
أنا ويش اسوي بالغلا دام عقلـي تـاه
معه يوم قفـا وابعـدت بـه خطاويـه
حبال الوصل بيده وعزم علـى جفـواه
علامه رحل وحبـال الاشـواق ملويـه
لو أنه بغا قلبـي فقلبـي علـى لامـاه
يسوق البشاير بـس يقـرب حراويـه
ولو انه بغا روحي فروحي بعـد تفـداه
يعـود تـرا حالـي تزايـد بـلاويـه
لو انه حسب كم مرتن قال صدري آآآآه
علي بالحرام ان يقلـب الجـور حنيـه
عسى اللي بلاني به مع الوقت بي يبلاه
على شان ينسى طاري البعـد موليـه
للشاعر/ حمد ال جميله
مما راق لي .. 
|
العرض العادي
