حلفت انزل هذا الاعلان

ام رحايل · #1 (**permalink**) 21-01-2009, 12:55 PM

السلام عليكم ورحمة الله وبركاته....

باختصار رن التيلفون وانا بعز نومي والا صوت اجنبه تقول انتي مقدمه على وظيفه في مدارس (.....) قلت ايه قالت لي ان في وظيفه سالت انتي من سكان الدوحه بالظهران قلت لا انا من سكان الخبر كان تقول لا ما انفع ....
المهم كنت بموووووووووووووووووت من الفرح اول ما دقت ...

تجيكم السالفه ...

12سنوات دراسيه في ثلاث مراحل وتبعتها بخمس سنوات اذا ما زادت بشهاده جامعيه
جلسه من الصبح ومذاكره طوال17 سنه ومشاركه في جميع الانشطه والمحاضرات
وسي في الواحد اذا قراه يشوف طموح بيشق الورقه يبي يطلع يبي ينطلق واخرتها وظيفه بمدرسه اغلب موظفاتها اجانب لانها مدرسة اهليه تعتمد اللغه الانجليزيه في تدريسها المهم شافوا ملفي خاس عندهم قالوا ايه سعوديه بترضى
تدرون ايش الوظيفه اوصل بزارين الظهر براتب 300 ريال بالشهر ليتهم على الاقل خلوها 500 عشاني سعوديه ...
انا بصراحه انبسطت وتحطمت انبسطت لانها بداية خير انشاء الله في احد دق علي من اللي قدمت عندهم وتحطمت ان السي في حقي عندهم تتوقعون قروه قبل ما يدقون علي؟؟؟
يعني اترك عيالي واقط شهادتي والا انقعها واروح اشتغل عندهم ؟؟؟ ايش الظلم هذا؟؟

ابو مبارك · #2 (**permalink**) 21-01-2009, 01:00 PM

العوض في عيالك إن شاء الله
تشوفينهم دكاترة
اما توصلين عيال خلق الله
هذي يكثرون منها
ابزي عيالك ابرك من 500 ريال تروح في مقاضي بقالة

The CrowN · #3 (**permalink**) 21-01-2009, 01:05 PM

الله يكون في عونك ويرزقك الوظيفة اللي تتمنينها
اما توصيل بزران بـ500 ريال احس انهم دقوا عليك يتمهزئون فقط !

احمد الرزقي · #4 (**permalink**) 21-01-2009, 01:05 PM

اقول اختي اذا جت على خمسمية ريال الله لايوفقهم اشتغلي فراشه افضلك
والله يقهرون وان شاء الله ربي يرزقك ويعوظك في عيالك

ام رحايل · #5 (**permalink**) 21-01-2009, 01:09 PM

مشكوره على مروركم بس ياليت 500 لالالالا 300 قالوا

عاطل فاضي مشاغل · #6 (**permalink**) 21-01-2009, 01:22 PM

خمسميه باليوم والا بالشهر

اخاف يكونو يبون يطفشونك الله يرزقكك ياخيتي

اخصائية 2007 · #7 (**permalink**) 21-01-2009, 02:46 PM

شوفي ياعمري دامك ماراح تتوظفين عندهم قولي لهم انتم قريتو مؤهلاتي عمى بعينكم ان شاء الله تأ:دو مرة ثانية من الرقم الصحيح , وبنفس الوقت اذاكان ساعات الدوام الرسمية ساعتين والمواصلات عليهم خذيها من اخت تبي لك خير وافقي بدون تردد

عليكم بالصلاة · #8 (**permalink**) 21-01-2009, 03:08 PM

يا اختي اذا كنتي محتاجة للوظيفة وحاجتك لها ماسة جدا

مافيها شي توصلين مشاوير اقل شي تغنين نفسك عن منة الناس

واصبري لحد مايفرجها ربي ) العوض ولا القطيعة(

والله يرزقك بالوظيفة المناسبة لمؤهلاتك

أم الوظائف · #9 (**permalink**) 21-01-2009, 03:16 PM

هلا فيك اختي.. ام رحايل...

لا اختي بعترض على نقطة انه المدارس اكثرهم اجنبيات.. لا بصراحة سعودييات.. الادارة اي فيها اجانب بس اكثير الموظفات لسعوديات وقله الاجنبيات..

واختي لا تزعلين.. هذا حال المدارس الاهلية.. وقدمي على مدارس دار البيان..
وراح يخضعونك لاختبار تحريري.. واذا اجتزتيه.. وبغيتي صفوف اولية.. يخضعونك لاختبار ثاني.. غير الدرس..

الزبده بعد هذا يصيرون يعلون قلبك عل.. كل سنة يجيك اتصال .. انا كذا كل سنة يتصلون على مره او مرتين.. بس انا ماااابي البيان ادارتها زفت.. وراتبهم 2000ريال...

واذا بغيتي وظيفة وبسسسسسسسسسسسرعة.. عليك بقيام الليل..قومي الليل وانتي على يقين من استجابة الله لدعائك.. ولاتستعجلين الاجابة.. والله يوفقك..

نسائم ليل · #10 (**permalink**) 21-01-2009, 04:54 PM

المصيبة ما يوضفنا إلا أجانب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

حلفت انزل هذا الاعلان

إستراحة الأعضـاء

السلام عليكم ورحمة الله وبركاته.... باختصار رن التيلفون وانا بعز نومي والا صوت اجنبه تقول انتي مقدمه على وظيفه في مدارس (.....) قلت ايه قالت لي ان في...

حلفت انزل هذا الاعلان

تسجيل الدخول

حلفت انزل هذا الاعلان

إستراحة الأعضـاء

السلام عليكم ورحمة الله وبركاته.... باختصار رن التيلفون وانا بعز نومي والا صوت اجنبه تقول انتي مقدمه على وظيفه في مدارس (.....) قلت ايه قالت لي ان في...

حلفت انزل هذا الاعلان