23-01-2009, 01:11 AM
|
 |
|
|
تاريخ التسجيل: Jul 2007
المشاركات: 6,655
معدل تقييم المستوى: 1046658
|
|
عششششششششق بدووووووي ..................
بسم الله الرحمن الرحيم
الله يسعد أيامكم بكل خير
يالله انك تحييهم جميع
بصراحه هذي القصيده من اروع واجمل القصائد اللي سمعتها وقرأتها ومن اعجابي بها حفظتها
اليكم مااعجبني واتمنى ان ينال اعجابكم
 ( عشق بدوي )
نويت مرباع الغضي سيـد الأحبـاب ********* قصدي يـزول الجـرح زاد إلتهابـه
جيت وبقايا نارهم حـول الأطنـاب *********وبيت الشعر مطوي وباقـي زهابـه
أقفت ركايبهـم ومنـي الهـدب ذاب ********* من دمع يسـأل وإنذهـل بالاجابـه
على غزير الدمع ضميـت الأهـداب ********* وصديت إلين الدمع يقفـي سحابـه
حاولت ما قصرت مير القمـر غـاب ********* والمشكله محـدن يعـوض غيابـه
أنا وكل الناس مـا بيننـا حسـاب ********* إلا الذي دقـق علـي فـي حسابـه
بعض الوجع يمكن تداويه الأعشـاب ********* وبعض الوجع يا ويل من هو سطا به
عشق بدوي لا حب ما هـو بكـذاب ********* يوفي ولـو جرحـه تجـدد صوابـه
الأمـر لله كـل شـيٍ لـه أسبـاب ********* وإلا الهوا وش لي على هـج بابـه
باكر إذا جينا لهـم مثـل الأغـراب ********* من عقب ما كنـا الأهـل والقرابـه
واليوم وصلت بيننا مثـل الأجنـاب ********* ذاك الغـلا ياضيعـتـه ياسفـابـه
وشلون قلبي ما يجي اليوم منصـاب ********* وعلى الرجم منقوش بعض الكتابـه
حتى أثر مشيه مع سهول وهضـاب ********* مـرٍ يبيـن ومـر مـا ينـدرا بـه
قلبي من الفرقـا صويـبٍ ومرتـاب ********* وكنه غدى نصفين من هول ما بـه
حزني عليه إنـه تسبـب ولا طـاب ********* نظرة طبيبـه عجلـت فـي ذهابـه
ريح الخزاما والنفل زيـن الأطيـاب ********* يشدنـي ريـح السمـر فـي ثيابـه
لأقبل نسيم الليل له خيـل وإركـاب ********* وله في طلوع الشمس عز ومهابـه
التعديل الأخير تم بواسطة الفله ; 23-01-2009 الساعة 01:17 AM
|
العرض الشجري
