تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
23-01-2009, 11:39 AM
|
||||
|
||||
|
الغيبوبة
بنادق مهجتي معبا فشقها والغلا نيشان ..... ابطلق روحي في قلب القصيد وأنبض أبياته أبذبح حزني من أقصى الشعور الأول الإخوان ....وأسيل عمره وتشرب عيون العصر دمعاته وحيد ولامعي الا اخوي بداخلي غفيان ..... ترفرف ضحكته وأطلق نعاسي وصبح ضحكاته في بالي يرقد وأدري حزين وشارد وبردان ..... وانا انثر برده من فوق الخيال وجمر سجاته ينام وتقعد بعين الأغاني جمرة التحنان ........ ينام وأعقد بعين البدايه كل نهاياته يدور القلب تتفتت ضلوعه يطحنه حرمان ..... يجوع القلب يحضني في جوعي وآكل فتاته وأطل من الألم وأحضن حياة الشارع الولهان ..... يلملم حسرتي ويكسر وجودي بشوق إضاءاته تعبت وتمليني طعون تصب من خنجر الخلان ..... تعبت استنزف عيوني دموع العين طعناته يااخي إقعد .. الدنيا رمت من تحتي النيران ..... وهذا العمر مايحمل بجوفي إلا انكساراته ياخيَي ليه تغيب وليه تتركني وانا شفقان .........لقرم يقلب جبال الهموم بعزه إثباته اعرفه لاوصل كنه صقر من صفوة الويلان ..... يكش جلد السما إن شافت مخاليبه وهداته رجال تربط حزام القبيله وتنفلت شجعان وأخويه يربط رجال القبيله .. حزام هقواته ....كريمـ ماهو من يبني فعايل صيته الديوان .... في صدره دلته .. وهيله ..وفناجيله وتمراته اذا كان الكرم حمس الـ.(هلا).في مهجه الضيفان .... اخويه من حمس قلبه لضيفه وصب فزعاته وكم (تكفا) إنرمت بين البشر ممزوعه الوجدان .... أخويه قبل لا ترمي عليه يقط نخواته حزين السيف بكفوف الأوادم طافي ذبلان ....بعد ماغاب دم الي سقا فعله وومضاته ياخيي إقعد وقعد خضوعي بداخل الشريان .... تنام ولا بقى هم قطف من دمي غفواته غريبه شلون يكسرك الغياب ويغلبك نسيان .....ودفتر نومتك ياخي طوى من عمري صفحاته يجيني مدري ولكن أعرفه لاوصل جيعان ..... قسم وان جاني لاانحرني لجوعه تحت خطواته وصل زوله هذاك اللي وصل مايشبهه إنسان .... هذاك اللي وصل شايل عذاب العمر وآهاته وجيت الحين يااخي بعد ماشالتك امتان .... بعد ماودهم غسل الجسد عن كل نزواته أبد هذا لا ينغسل الشهم مغسول بالفرسان .... اخويه من غسل روح الجسد في طهر نياته أيا دفان دخيل الله لا تدفن أيا دفان .... دخيلك خلني أدفن في بالي جمر بسماته وأهف بسماته من هذا المكان لآخر الأحزان .... وأنا أطحن موته في جوع الكلام واخبز شكاته انام شلون لاصار الأخو جايع وانا شبعان ... أخوي اللي كسر قلبه لجوعي وجاع لحظاته اخوي اللي يمزمزني معاليقه اذا عطشان .... أخوي اللي ثنى عمره من اجل أطلع مسافاته يدين القبر ضميني وسط حضن الأخو نعسان .... أبرقد دام لي قلب دفن وياه نبضاته أكيد انه وسط قبره يسمع طق الخطاوي الآن
.... ألا ياليت انا المدفون وانا اسمع طق خطواته .... ألا ياليت انا المدفون وانا اسمع طق خطواته .... ألا ياليت انا المدفون وانا اسمع طق خطواته القصيدة للشاعر سالم سيار ان شاااء الله تعجبكم .. 
|
|
23-01-2009, 07:07 PM
|
||||
|
||||
|
قصيده حدها راااااائعه
|
|
23-01-2009, 09:39 PM
|
||||
|
||||
|
|
|
23-01-2009, 11:33 PM
|
||||
|
||||
|
|
|
02-02-2009, 05:16 AM
|
|||
|
|||
|
الله يعطيك العافيه علا الذوووووووق الرائع
|
|
06-03-2009, 02:44 PM
|
||||
|
||||
|
اشكرك كل من شرفني في متصفحي واناره بنوره
|
| أضف رد |
|
(( لا تنسى ذكر الله )) |
|
|
|
|
العرض العادي
