23-01-2009, 12:20 PM
|
|
(عضو لم يقم بتفعيل عضويته)
|
|
تاريخ التسجيل: Jul 2007
الدولة: فـ الزآويــه ض1
المشاركات: 8,663
معدل تقييم المستوى: 0
|
|
ياأهـــل الهــــوى
السلآام عليكم ورحمة الله وبركآته
صبآحكم/مساكم ورد وكلن على حسب توقيتهـ 
اترككم مع القصيده وان شاء الله تنآل اعجابكم 
...
لاضيّق الوقت صدري بين ليـلٍ ويـوم
وزادت عليّ الهموم وبانـت أعراضهـا
وأمسىَ بقلبي لصلفات الطواري وسـوم
والعين سامر نظرهـا بـارقٍ هاضهـا
وتاقت حيام الهجوس لصاملات العلـوم
اللي ورىَ الصدر مشتاهـا ومقياضهـا
ورّدتها لين تروى والخفـوق مخـدوم
من جمّةٍ يصـدُر الـروّاي ماغاضهـا
يأهل الهوى مابقالي في هواكـم لـزوم
خربَت قلوب العباد وكثـرث أمراضهـا
عُقب الوفا والصراحه والطرب والسلوم
وشدّت طوال العلوم وحلّـت اعراضهـا
واليوم يأهل انفتـاح التقنيـه والرقـوم
ماباقـي الاّ رسـوم الحـب وأنقاضهـا
الحب مايتبع الموضه وطـرز الهـدوم
ويخلف مذاهب طيور العشق وألفاضهـا
والحب ماهوب رسمة قلب فيها سهـوم
مابيـن هاذيـك زعّلهـا وذي راضهـا
اليوم كل ٍ يصيـد وكـل طيـر ٍ يحـوم
وكم صيدة ٍ شـاع ماقعهـا ومنهاضهـا
لين اصبح الحب حربً مثل حرب النجوم
واللي ماتِرخِص شيمها تِهتَك أعراضها
والعز مأحد ٍ لبـس ثوبـه بليّـا كمـوم
جعل المنايـا تقـود الـلاش لحياضهـا
تصحى القلوب الجَبانه في الحلوم وتنوم
والليل يضحـك براضيهـا ومغتاضهـا
وتكتُب حكايات عشق ٍ من خيال الرخوم
وتجارب ٍ ماتبيّض وجه مـن خاضهـا
لكنّ لـولا التغيّـر والفتـن والسمـوم
ماكان جفّت ريـاض القـاع وفياضهـا
واللي تغيّر ماهو بس الهوى والسلوم!!
اليوم حتى الصداقه كثـرت أغراضهـا
...
للشاعر المبدددع سعد بن شفلوت..
وسلآمتكم..
|
العرض المتطور
