من نسيج خيــالي

قصيده من نسيج خيالي كتبتها واطرحها بين ايديكم راجيا ن تجد استحسانكم

يــــــــاما صبـــــرت

البارحه قضيت ليـلي تفاكيـر === والصدر ضايق بانحـدارة دموعـك

يوم انحدر دمعك بسبة معاذيـر === قدمتها من شـان امـرك وطوعـك

ضاقة بي الدنيا وحسيتها غيـر === تغيـرت في ناظـري من طبوعـك

دمعك ثمنين وترخصه للتعابيـر === عند الزعل بسرع تـذرف دموعـك

حيرتنـي ياصاحبي بالتدابيـر === احترت انا وذقـت مـرك ولوعـك

قدمت حبي مخلصا لك بتقديـر === وقدمت لي سم الهواء من قطوعـك

ياماصبرت وقلت ياقلب تصبير === اصبر على اللى زادهجرك وروعـك

ودي تغير بس مااشوف تغيـير === ياللاسف خانـك غـرورك ونوعـك

ما عاد ينفع فيك عذرا وتبريـر === لا صـار حبـي مانعـاته دروعـك

خلاص بابعد دام هذي مقاديـر === مـقدرا ياقـلـب موتـت زروعـك

هذا خيالي اكتبـه بالتقاريـر === يافـكر سجـل ماظهر مـن بدوعـك

وسلامتكم
بقلم / عــديم اليــأس