السلام عليكم ورحمة الله وبركاته

أنا نزَلت الموضوع قبل شوي في قسم طلب وظيفة ومدري وين أختفى ، قلت أعيد كتابتو بإستراحة العاطل نظراً للإقبال على هالقسم

عندي مجموعة من الأسئلة وإللي يقدر يفيدني بكون شاكرة لو

سمعت إنو ممكن أدرس الماجستير عن طريق الإنتساب بأحد الجامعات العربية ولا يحتاج أسافر لأن الإختبار بيكون بالسفارة إللي ببلدي .

اممم أبي معهد بالرياض يعطي دبلوم محاسبة للبنات .

وسمعت بعد إنو في دبلوم عالي يعطى بمعهد الإدارة لخريجي الجامعة يوازي الماجستير ، هل هو فعلاً موجود ، وهل هو للبنات والأولاد ولا مختص لأحدهم .

الحين أنا خريجة رسم وعندي دورات بالحاسب واللغة والقرآن والموارد البشرية وش تنصحوني فيه من دورات ولا دراسات عشان الوظيفة إللي مو راضية تجي .. أرحب بإقتراحاتكم ترى ضاقت بس الوسيعة
تراني بجلس أنتظر للصبح لا تخلوني تراني زهقت لي أربع سنوات بالبيت بس أتسدح

لا حبيبتي لاتضيق فيك الوسيعة ولا شي

بعدين ماضاقت الا تفرج

ان مع العسر يسرا

انا مثلك لي اربع سنوات مرتزة بالبيت وتيك ات ايزي : ) لاني سعيت وسويت كل شي لكن هذا الي مقدره لي ربي : )

وبالنسبة لاسئلتك بجاوب الي اعرف ولاتزعلين ياحبيبتي

عندك جامعة الملك سعود حاولي تقدمين فيها ماستر لكن التقديم رمضان او شوال القادم على خير ان شاء الله

وجامعة الاماام الان فيها تقديم طبعا انتظام

لكن مدري اذا فيه انتساب للماستر بسأل لك باذن الله وارد لك خبر

بالنسبة للي قلتيه وهو التعليم عن بعد انا قريت انهم وقفوه والبنات الي مقدمين توهقو!! وقالو انهم مايعترفون فيه .. والله اعلم


بالنسبة لمعاهد فيه عندك نيوهرايزن ماجربته وفي عندك الجزيرة

بحاول ابحث لك عن باقي الاسماء لكن بامكانك تدقين على السنترال ويعطيك اسماءهم وارقامهم بعد


ان شاء الله قدرت افيدك لو بشي بسيط

دعواتي لك بالتوفيق

تسلمين حبيبتي بس بالنسبة لجامعاتنا إنسي الموضوع قدمت مرتين ما قبلوني تقديري جيد ،، والنيوهرايزن عندهم حاسب مو محاسبة وإن شاء الله بشوف الجزيرة بكرة .

وأنا والله سويت إللي علي وإن شاء الله ربي ما يخيَب لي رجا .. على العموم شكرا ً يا قمر ما قصرتي وموفقة إن شاء الله .

ما زلت أنتظر ( :

هلا بك يانوسه ..
اللي أعرفه في أكاديمية الفيصل ((دبلوم محاسبة))

والله يوفقك ويوفق الكل ..

بالتووووووووووووفيق

العذر ما عندي خلفية

تحياتي