مقابلات المعهد المصرفي ..

زيـ @ ـزو · #11 (**permalink**) 27-01-2009, 09:05 PM

اقتباس:

المشاركة الأصلية كتبت بواسطة برق العواصف

المقبولين 126 طالبه وهذا على حسب الموقع .. انا موعد مقابلتي بكره ..واذا رجعت بقول لكم كل اللي سألوني اياه ..

من قآل لكم أنه خمسين طالبه .. الله يوفقنا جميعاا ..

حبيبتي الدفعه اللي قبل ..الترم اللي راح اخذو بس خمسين اتصلي واسالي وراح تقولك
بنات اللي بكره موعدها من الساعه وحده الى ثنتين خلونا نتقابل

cutegirl-h · #12 (**permalink**) 28-01-2009, 12:53 AM

السلام عليكم ورحمة الله وبركاتة

بنات تكفون الي تخلص مقابلتها تقول لنا وش الاسئله ومين متئكدة كم طالبة المطلوب نفس الترم الاول بس 50 ولا فيه زيادة؟؟

cutegirl-h · #13 (**permalink**) 28-01-2009, 11:06 AM

وين الي صلحوا المقابلة

برق العواصف · #14 (**permalink**) 28-01-2009, 11:56 AM

انا اقصد القبول المبدأي وشوفي الموقع 126 طآلبه ..واعيبآه بس رديت احسبك بنت واثاري يوزرك زيزو .. والله يعني اليوم واللي هاللحين تخلص مقابلتها تقول لنآ

برق العواصف · #15 (**permalink**) 28-01-2009, 05:13 PM

رجعت من المقابله وحبيت أعلمكم كيف كآنت المقابله

أولآ كآنو فيه اربع بنآت ..الاولى سألوها اسئله عآديه ..بس توهقت بسؤآل مآهو القطآع المآلي
والثآنيه سألوها عن التأمين ..
والثآلثه سألوها اسئله عآديه ومآجآبو طآري ابد للبنوك ..
وطبعا انا سألوني عن تخصصي وليه تبين تدآومين بالبنوك والدوره صارت عن التأمين موش اعمال مصرفيه ومآليه ..< سمعتهم يقولونه
وطبعآمن ضمن الاسئله كيف مستوآك بالانجليزي ..
واللي يقآبلون معك ثلآث نساء وموش سعوديآت ..وسألونآ وش هواياتنا وين ساكنين ..وكم تستغرق المسافه من البيت للموقع هذا ..
وش بعد وأي أحد عنده استفسآر يسألني .. يمكن اغفلت شي وتذكرونه أنتم

الله يوفقنآ جميعآآآ يآرب :o

shakshak · #16 (**permalink**) 28-01-2009, 07:15 PM

تسلمين يالغاليـة ::

إذا الدبلوم ( تأمين ) ليه حاطين 3 خيارات دبلوم مصرفي ، دبلوم التسويق ، دبلوم التأمين ..

هل فيه احد من البنات كانوا موظفات ؟ سألوهم عن طبيعة شغلهم ...

جو المقابلة فيه توتر ولا عادي ؟

الأسئلة العادية وش كانت ؟؟

يعني ابي اعرف كل شـئ قلبـوا ههههههه ... بإنتظار يالغلا

برق العواصف · #17 (**permalink**) 28-01-2009, 08:06 PM

انا هذا اللي استغربته ..وحتى البنات اللي كآنو موجودين انصدمو أنه تأمين ..لانه الترم اللي رآح كآن دبلوم اعمال ماليه ومصرفيه ..
ايه فيه موظفات بنوك .. ايه سألوهم عن طبيعه شغلهم ..
جو المقابله فيه وحده ممن اللي يقآبلون صرآحه تسأل أسئله مآعرف وش تبي ..ولا الباقيات مره حبوبآآآت جدآآجدآآ..
الاسئله العاديه ..( وش تخصصك ، ليه ماجربتي تشتغلين بتخصصك ، أنتي كنتي ادبي ولاعلمي ، كم يبعد بيتك عن المعهد ،كيف كآن مستوى الدراسه والمناهج بالجامعه ،كيف مستوى اللغه عندك ، ليه اخترتي هالمجال مجال البنوك ،وش هواياتك ،هل انتي مستعده للدراسه ، طبعا فيه بنت قالو لها شكلك مو جريئه < كيفي نفسك للأسئله اللي تفأجئك )
والله يوفقك خيتوو والجميع بأذن الله انتي خليك واثقه من نفسك بس

shakshak · #18 (**permalink**) 28-01-2009, 09:51 PM

تسلمين يالغاليـة الله يوفقك يارب و تنقبليـن (( كلنــا ))

زيـ @ ـزو · #19 (**permalink**) 28-01-2009, 10:34 PM

هااااااااي بنات وانا بعد رجعت من المقابله
المهم مثل مقالت الاخت تقريبا نفس الاسئله
وزياده شو هوياتك وش تعملين وقت فراغك
واذا جاتك فرصه عمل وانتي تدرسين شو تعملين وبرضه كيف توفقين بين تخصصك
والحاسب وكيف الانجليزي معاك واساله عن البنوك وطبيعة عملها وشو سمعتي عن المعهد وطبعا اختكم متزوجه يعني بدأو يسالون ماتفكرين بالحمل واشياء من هالنوع وقت الدوام مناسب لك كمتزوجه اللي عرفته شكلهم مايبون المتزوجات اهيء اهيء
المهم اللي لسا ماقابلو اتمنى لهم التوفيق
واللي مقابلتها الاسبوع الجاي تروح تصك على نفسها الغرفه وتجلس تراجع كل شيء
يخصها يعني هواياتك مويولك كل الاسئله تخصك حاولي تكوني جاهزه
ولاترتبكين ترى يطالعون في كل تصرفاتك وايدينك
والله يوفقنا اجمعين .. آآآآآآآآآآآآمين