ياخوي انت كم نسبتك؟؟؟ انا والله العضيم نسبتي 94وشوي والقدرات 80 وما انقبلت

والطول 177 والوزن 75 يعني مافيه مشكله بس وش نسوي

الكليات مايدخلها الا اصحاب الواسطات

ياشباب صدقوني فيه شباب كثير دخلوا بدون واااااااااااسطة وفيه بواسطة ولكن
اذا كان المعدل فوق 90 والقدرات يعني 88 اضافة الى المقابلات والطول صدقني راح يقبلوااي طالب والواسطة أكيد موجودة بقوووة في الكليات العسكرية والله المستعان

ولمعلومية الاخوان /
قسم بالله اني انا رحت لمدير الشرطة بالمدينة العام قبل شهر 4 واخترعت نظام ربط الاشارات بغرفة تحكم وربط سيارات الاسعاف مع غرفة التحكم هذه لتسهيل مرورها ، واخترعت طريقة تفتيش سرية ولكن للآسف كانت مستخدمة ولكن بشكل سري جدا ، على العموم اعجب مدير الشرطة بهذه الفكرتين واثنى علي ولكن تدرون وش قال ؟؟



انت في يوم من الايام تصير قائد مهم للدولة ولكن للآسف مقدر اوعدك بشء حتى شهادة شكر !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!

ألـله يوفقك اخوي

وباذن الله يناولك كل الي بالك وتصير قائد ماهي بعيده عليك

ولكن بخصوص الكليات العسكريه للقبول بثانويه

هي كليه الملك عبدالعزيز الحربيه

وهي تابعه للجيش وتتعين باحدى مراكزها سوى بخميس مشيط وتبوك والطايف والرياض واغلبها خميس مشيط وتبوك لان بالواسايط تقدر تقعد ع مكتب بمكان ماتحب وعاد الاداره الكبرى بالخرج قرب الرياض ولكل قياده له سياتها ولو دققت بمناطقها فهي كلها تقرب الحدود المهمه بين الدول الكبيره فمثلا تبوك اكبر قياده توصل اليين مدينه حقل وتطل ع حدود اسرائيل والخرج الى الخفجي الى حدود الكويت والعراق ومستقبلها حلو حلو لكن اذا اثبت وجودك وصرت كفو بمكانتك لكن اغلب الجيش يتهربون منه وناس اعرفهم شافو واسطات وهم بالكليه يدرسون واول ماتخرجو تحولو الى الحرس الملكي ظباط بس الواسطه تجي من الامير الفريق اول المتقاعد ونائب وزير الدفاع والطيران خالد بن سلطان ولا الامير عبدالرحمن بن سلطان ولا واحد رتبه كبيره لواء اقل شي ومافوق باختصار لو حاب تسئل عن اي شي انا تحت امرك لاني اتمنى دخولها مثلك ههههه بس موت ياحمار

وعندك كليه الملك عبدالله للدفاع الجوي

كليه عريقه من نوعها واكثثر مراكزها بطايف وبجده وله مستقبل حلو وومميزاته التطور بحد ذاته فهي ترسل دورات خارج وداخل المملكه وكلهم ظباطهم برستيج يعني انجلش وكذا ومهندسين من شتى انواع الهندسه يعني ناس راقيين وانا اشهد بكذا الا من رحم ربي وهي تختص بسلاح الجوي للصواريخ لحمايه السماء من الاعداء مثل الطيارات وزي كذا وجدا قطاع خطير ورواتبه طيبه

وعندك كليه الملك فهد البحريه بالدمام
كليه راعييييييية علم الصراحه لازم انجلش ورياضيات
لانك بتتعلم امور كثيره وحلوه وبتستفيد فيه بحياتك المهنيه
مثلا بيعلمونك الهندسه البحريه والملاحه البحريه والمكانيكا بتاخذ فكره كبيره
غير انك احتمال بتتعلم لغه فرنسيه مثل اوئل الظباط البحريه تلقى الواحد فيهم يتكلم فرنسي وبكستاني وانجليزي ههههه لانهم اترسلو دورات لهناك لان زمان بعد الروسييين كانو اقوياء بالبحريه وبعد ما اخترعو وحده الضفادع البشريه المقاتله الي تتقسم من 6 من الابطال الي تابعه للبحريه بعدها طلعت فرنسا وباكستان ولجل يتم تائهيل البحريه السعوديه تم ارسال نخبه كبيره من الظباط والافراد الي فرنسا وباكستان
وحلوه ومراكزها المركزا لرئيسي طبعا برياض وكل مركز عسكري الرئيسي برياض لجل هي العاصمه وبعد جده وجيزان والشرقيه وهذا الي اعرفه

وعندك كليه الملك فيصل الجويه الله يرحمه ويغفر له

الوالد رحمة الله عليه كان من الناس المحظوظه الي تخرجت من هالكليه العريقه العظيمه بما انه السعوديه تتميز باحسن واطور سلاح جوي على مستوى الخليج فان المملكه جدا جدا مهتمه لسلاح الجوي والقوات الجويه هالكليه جدا جميله ولازم لازم واسطه وموهلاتك كمان لازم تكون طيبه لان الطيران الحربي لازم تكون مناسب بطولك وزنك حتى مستوى راسك وفكك واسنانك لازم تكون متطابقه والاهم من ذا كلو عيونك 6على6 عيووووون صقر ويكفيك شوفة الناس لك طيار حربي واااااالله منيتي هههههههههههه والله يا اخوي يبغالك انجليزي لان الدراسه نظام خواجات والراتب جدا جميل ومكانتك حلوه ودورات خارجيه داااااااااايم ومركز الاقلاع الجوي دايم بيكون بالخميس مشيط هو كان بتبوك ولكل طيار طلعه بطياره الحربيه كل شهر مرتين لازم وتتقدر تتخرج لو ما ناسبك الطيران الحربي تصير مهندس طيار حربي وتصلح الطيارات الحربيه مره اوك الوظيفه ذي ومستقبلها جدا روعه وراستها تعتمد ع انجليزي فل مارك والمواد العلميه عموما يعني وجدا روعه وحلوه



وانا بفهمك ليه الناس تقولك لازم لك واسطه
لان مثل ماتقول انه لك واسطات وماتبي احد يدخلها
لان مثلك معه واسطه والارقام الطلبه محدوده جدا غير الي ابوها متخرج من نفس هالكليات ويبي يدخل ولده فيصير ظغط كبيررررررررررر وتصير منافسه وترشيح الافضل فهمت علي لدرجه بذات الكليه الحربيه والحرس الوطني صار يسمونه الي يدخلونها وراثه ههههههههههههه من قوة الواسطات اما الكليات الثانيه بجهد شخصي من نفس الطالب ومايمنع واسطه بوزن والطول ومثل هيك فلاتلومهم اعرف ناس ياما من مؤهلات علميه وصحتهم وطولهم وزنهم ونظرهم اوك مايختلف معاهم شي انطردو من الباب وهم مايدرو الي درجه امالهم طاحت وانهدمت وهم مايدرو عن شي
ولو انت تحب شغل المرور والشرطه ترا لكل الكليات العسكريه والقطاعات العسكريه الي تابعه للقوات المسلحه الي هي الجيش والبحريه والجويه والدفاع الجوي به وحده اسمه الشرطه العسكريه الخاصه هي الي تمشي امور القيادات وبه وحدات مثل امن وحمايه والمرور بسكن والقاعدات والشرطه الجويه بالمطارات والشرطه البحريه بسفن وبالقاعده وع فكره رواتبه حلوه وله بدلات خاصه مثل الشرطه والمرور بوزاره الداخليه

واتمنى اكون ماقصرت معك ولو حاب نتاقش اكثر واكثر اسئل وانا اجاوبك لاني من محبين العسكريه وان شاء الله انا وانت يكون لنا شأن كبير مستقبلا بالعسكريه

اخوك فائز الكلثمي

الله يوفقكم لما يحبه الله ويرضاه

الله يعطيكم العافية