السلام عليكم ورحمة الله وبركاته
صباح/مساء الخير للجميع
اليوم جايب لكم قصة وقصيدة فيها العديد من العبر والحكم اللي انشاء الله راح نستفيد منها جميعا وهي تحمل عنوان:
وصية الأب لابنه
هاذا واحد من الشعراء له عيال وينصحهم بقصيدة والعيال
يسمونهم أول غوش إذا صاروا أربعة أو خمسة وهم
صغيرين متوالين ورى بعض,ففيه قصيدة جيدة للشاعر
المعروف شاعر الكويت مرشد بن سعد البذال الرشيدي
يسند على ولد له اسمه عبد الله ويصغرهويسميه عبيد
وهو تراه كفيف ويبي يبين من القصيدة
والشاعر يقصد بالقصيدة هاذي أن ينصحه وينبهه على
عدة حاجات ويعلمه فيها طبعا يشرح أول شي قوله انتبه
وأنا أبوك واحذر من النميمة والغيبة فعلى الصغير ودك
تعلمه من الصغر يحذره من الغيبة والنميمة وانه ينقل
الكلام ولا تشجعه إلى جاء وقال يابوي فلان قال وفلان قال
ثاني شي القصيدة تعلمه احترام الناس واللي هم اكبر منه
وعلى أن يعطي الناس حقوقهم ولا يأكل حلال احد وباقي
القيم والمثل والسلوم اللي حث عليها ديننا الحنيف
فالأبيات هاذي يقول فيها:
يا لله يا رب الضعوف المساكين....ياللي لك المخلوق يحسن صلاته
تستر على غوش صغار مكفين...اكبرهم العارف دليله عصاته
لا يا عيالي كل أبوكم حبيبين..عندي وعند الناس كل وذاته
عندي غلاكم يدفن الزين والشين...وعند العرب كل تشاف خملاته
يا عبيد أنا خابرك ورع لهالحين...داو بغبات الجهل وظلماته
لاشك علمي لك محبة وتفطين...تسمع الوالد وثبت وصاته
يا عبيد أنا بوصيك مني بثنتين...ثنتين هن سو البشر وحسناته
أنذكرك لا تبحث سدود المغيبين...لاتجهر اللي غارق بغفلاته
ترى النميمة تمحق الرزق والدين..والمنزل العالي تهدم طبقاته
لا تحسب أن أهل الظليمة بخيتين...كل يوافق ما عمل في وفاته
وأنذرك عن حق الضعيف المسكين...اللي على حقه يهل عبراته
ترى الضعيف لا غدا الليل ليلين...يدعي وعند الله توافق دعاته
الظلم فان الظلم يفني السلاطين..يا ويل راع الظلم من مقبلاته
وأنذرك عن ربعة رخوم هياسين اللي سوالفهم بوديه وهاته
يا عبيد الأقشر لو صفى لك نهارين..نهار ثالث جاك يرفع قناته
والله يا عندي ربعة الناس الاقصين...ولا صديق يبلشك في حياته
ترى الرجال بهم فهود وحياوين...جاك الكلام اللي صحيح ثباتـــه
وإن كان ما تدري ترى الناس دارين...الرجل مدحه بالمجالس طراته
رجل تعلق به رجال مسمين...عـــــز الرفــيــق ولا بته ولحمــاتـــه
ورجل تشوفه جسم وعيون ويدين...ولولا الشعر ما تفرقه عن خواته
كم واحد في البيت يضرب بسيفين...وإن جاء حزم كلاب يكبع عباته
والحلم عند الغيض ينحني الشياطين..يكفبك شر إبليس هو ودحراته
وسلامتكم وتعيشون