ارجو المساعده

عقد من الما س · #1 (**permalink**) 28-01-2009, 03:04 AM

ابغى ارائكم في هذا الشي ابغى ادخل سوق الاسهم بس ماني عارفه كيف؟وهل ممكن ادخل بمال قليل يعني الف الفين؟ ابغى احد اخذ رايه ويشور علي خصوصا اني انا ابشتغل عن طريق النت ارجوكم ساعوني

الاياوقت · #2 (**permalink**) 28-01-2009, 03:21 AM

نصيحه مني لا تدخله ابد ولو 100 ريال
أول شيء احس فلوسها مامنها فايده ولابركه
وثاني شيء ماني مصدقه حكااااااااايت ان في بعضها نقيه
ورأي الخاص يقول ان الاسهم ربا فعشان كذا محد كسب من وراها خير
ارجوووووووووووو التمهل اخوي ولا تقدم على خطوه مثل هذي ودورلك رزق ثاني بعيد عن الشبهااااااااات

أبونايف2010 · #3 (**permalink**) 28-01-2009, 08:02 AM

كل المطلوب منك فتح حساب بأي بنك وفتح محفظه وبعدها تبيع وتشتري وتقدر تشتغل لو ب 500 ريال

عبدالحكيم يحي · #4 (**permalink**) 28-01-2009, 08:22 AM

اقتباس:

المشاركة الأصلية كتبت بواسطة الاياوقت

نصيحه مني لا تدخله ابد ولو 100 ريال
أول شيء احس فلوسها مامنها فايده ولابركه
وثاني شيء ماني مصدقه حكااااااااايت ان في بعضها نقيه
ورأي الخاص يقول ان الاسهم ربا فعشان كذا محد كسب من وراها خير
ارجوووووووووووو التمهل اخوي ولا تقدم على خطوه مثل هذي ودورلك رزق ثاني بعيد عن الشبهااااااااات

اعرف رجل جمع مبلغ خمسين مليون ريال بعد سنوات طويلة في التجارة وعند إرتفاع الأسهم دخل مثل بقية الناس عن طريق البنك حيث زاده البنك خمسين مليون ريال وإرتفعت في سوق الأسهم حتى وصلت الى 250
مليون ريال
وبعدها نزل السوق تأثر مثل بقية الناس
وعند إنهيار الأسواق الأمريكية خسر جميع امواله حيث وجد البنك أن المتبقي من المبلغ هو المبلغ الذي اقترضه باع البنك الأسهم حرصا على أمواله
وخرج الرجل بلا شيء

وحتى الذين سرقوا اموال الناس في سوق الأسهم ضاعت أموالهم في إنهيار السوق الأمريكي

قال تعالى: يمحق الله الربا ويربي الصدقات

والقصص كثيره جدا ومؤلمه

للأسف المحسبون على الدين من بعض المشايخ غرروا بكثير من الناس في دخول سوق الأسهم

دخول تجارة حقيقية والبحث عن المأكل الحلال خير طريق وطريق لراحة والسعادة وفي هذا
الموقع الكبير موقع بطالة توجد الكثير والكثير من الأفكار

سألت احد التجار الكبار قلت له ماهي التجارة الناجحة
قال جميع انواع التجارة ناجحة ولكن بشرط

ماهو الشرط

ان تتابع تجارتك بنفسك وتصبر

وانا اقول الحلال يحتاج الى صبر وجهد ووقت

رايق · #5 (**permalink**) 28-01-2009, 04:10 PM

احسن لك استفيدي من المبلغ بأشياء مضمونه بدال الأسهم الي ما وراها خير

محمد الطميحي · #6 (**permalink**) 28-01-2009, 05:56 PM

في نظري أن فيها النقي وغير النقي وهذا رأي كثير من مشايخنا الأفاضل ولكن يبقى دخول السوق مخاطرة سواء اليوم أو بعد اليوم
وأنصحك بالتوجه إلى نشاط آخر
وبالتوفيق

سيرياليه · #7 (**permalink**) 29-01-2009, 12:05 AM

من رأيي , تبحثين عن شغلة آخرى
وتشترين صحتك
موفقه

طائر الاشجان · #8 (**permalink**) 29-01-2009, 04:23 AM

اقتباس:

ابغى ارائكم في هذا الشي ابغى ادخل سوق الاسهم بس ماني عارفه كيف؟وهل ممكن ادخل بمال قليل يعني الف الفين؟ ابغى احد اخذ رايه ويشور علي خصوصا اني انا ابشتغل عن طريق النت ارجوكم ساعوني

ماتحتاج اي مساعده من احد ... رأس المال 1000 ريال ...... وفي طريقه حلوه ومضمونه للمبتدئين

افتح حساب في احد البنوك .. طبعا الحساب معه محفظه واطلب من البنك يربطها مع حسابك يعني يفعلها

ادخل موقع البنك من النت وافتحلك حساب تداول ..

حول فلوسك من حسابك الجاري الى حسابك في التداول ..

راقب السوق والاخبار الاقتصاديه

واذا شفت السوق اخضر والناس تكسب خلك جاهز .... لأن بعد الارتفاع نزووول وبعد النزول ارتداد

تشتري مع النزول وتبيع مع الارتداد ...

طبعا تكون عينك على شركه محدده .... مثال افتتاح الشركه ب 10 ارتفع السوق وصارت 11.50....... نزل السوق وصارت ب 9 ريال .. هنا تشتري ..

مع ارتداد السوق رجعت 11.50 .... تضغط بيع .... مكسبك 2.50 ريالين ونصف في السهم

اسهمك عددها 100 سهم راس مالهم 900 ريال

مكسبك 250 ريال و24 عموله للبنك .... يعني الصافي لك 226

الصفقه اللي بعدها تشتري براس المال والمكسب ويزيد مكسبك

وخلك على هذي الطريقه لا تخرج عنها مهما كانت المغريات .. ولا تزيد راس المال ابد ابد

1000 ريال فقط وخله يكثر لحاله

اذا كثر اشتر شركتين بدل الشركه .... يعني صار الفين ريال تشتري بالف في شركه والف في شركه ثانيه وقت نزول السوق

واذا كثر راس المال وصار 3000 ..... توزعه على ثلاث اسهم

ونفسي اعطيك سهمين تشتريهم وبتعين خير في البدايه .. بس اعتقد ان التوصيات هنا تعتبر مخالفه ..

وبالتوفيق

الزعيم العاطل · #9 (**permalink**) 29-01-2009, 05:19 AM

السلام عليكم ورحمة الله وبركاته

واللـــــه نصيــــحـــة اخــــو لاتــــدخــــلين الاســــهـــم لــــو بريــــال واحــــد

وحـــطي قصـــة شنـــار القـــحطـــاني صـــاحـــب اكبــــر مـــعــارض سيــــارات في

الريـــاض ( معــرض الاعتـــماد فــي الشـــفاء)فــي بــــالكــ ..

قصــتــه مـــاتحضـــرني لانــهــا وقـــت نـــزول الاســــهــم الاولــــى..

بــس الاكيـــد انـــه خســـر فلـــوسه وســـكر معرضــه وســـافـــر بـــرا لانـــه مــايقـــدر

يســدد النـــاس اللــــي يطلبـــــونـــه فلــــوس ..

واللــــه قصــــته مـــره حــــزينـــه ..

اذا مـــو مصــدقتنـــي ..

اكتبـــي فــي قــــوقل قصة معرض الاعتماد واقرائـــي قصـــتـــه ..

اتمنـــا انـــي افــــدتــــك ..

طائر الاشجان · #10 (**permalink**) 29-01-2009, 06:25 PM

اقتباس:

واللــــه قصــــته مـــره حــــزينـــه ..

^

والله قصتك انت الحزينه
يا اخي ابحث عن الايجابيات في الاسهم لا عن السلبيات فقط ..

الاسهم ممكن ترفعك من الف ريال الى مليون .

وممكن تنزلك من مليون الى الف ريال ... لكننا هنا نتكلم عن رأس مال قليل 1000 ريال

ماقلنا للبنت روحي بيعي بيتك وادخلي سوق الاسهم !

الف ريال بيكسبها ان شاء الله واي خساره في المستقبل راح تخسرها من مكسبها ..

والان السوق فيه فرص لدخوول والكسب بسرعه من الف ريال ..

وانا محدثك شغال من الف ريال .... الان في المحفظه تسعه وثلاثين الف ولله الحمد .. المده 4 شهور

وغيري راس ماله اكثر و خسر .... لأنه راح ورا المغريات وطمع ,

اما اللي يتبع طريقه محدده ومدروسه مستحيل يخسر ..

انت شغال بالف ريال ووصلت 5000 الاف .. تشتغل ب 1500 فقط

وصلت 10000 ريال تشتغل ب 2000 ريال فقط وصلت 15000 تشتغل ب 2500

لاتطمع وتشتري بكل فلوسك < هنا تخسر ومحد يرحمك .

انا الان شغال ب 5000 من 30000 ريال

ال تسعه الباقيه مصروفي ..

ادخل الاسهم ياصاحب الموضوع وباذن الله بتكسب وبتكون لك راس مال .. واترك عنك المشاريع الثانيه لأنها غير مجديه ومتعبه ومهلكه وفي منافسين لك .