هاذي قصيدة للشاعر الكبير رشيد الزلامي . ابياته قصيرة لكن فيها فوائد ومعاني جميلة جدا قريتها وأعجبتني وحبيت انقلها لكم:
اذا جهلت انشد ترا مابها عيب...لا تـنخدع للجهل وانت السبــايـــب
عيب الفتى ما فيه شك ولا ريب...ترك الفروض وقطع وصل القرايب
والعيب ترك ملزمات المواجيـب...وتبع الردى ومجالسة كل خــايـب
والتجربة برهان ما فيه تكذيب...اذا جهلت انشد من القوم شــايب
بيض النواصي حجته كلها شيب...من كثر ما مرت عليه المصايب
ولا يوجد شايب يعلم الغيب...الغــيــب يعـــلــم بـــه مــديــر الهبايــب
لا شك يوجد شــايب له تجاريب...ومن الفكر شاف الدهر والعجايب
قد صارع الدنيا على الخبث والطيب...فالغوص والا فوق عوص النجايب