السلام عليكم


يا غالين ,,

انا قدمت ع وظيفة في جامعة الملك سعود من الوظائف اللي كانت مطروحه في شهر رمضان وتقدمت للامتحان في شهر 11 ولم يمتحن الا انا ومعي شخص ثاني يقال ان الشروط لا تنطبق عليه

المهم اللي وضع لنا الامتحان دكاتره من كلية الهندسة وكان الامتحان تعجيزي بمعنى الكلمة وانا لما شفته توقعت انهم غلطانين فيه وانه اصلاً امتحان موجه لواحد يبي يدرس في الكلية لانه كان شامل لكل ماده درسناها وبالعكس كانت اسئله متعمقه جداً


طبعاً الوظيفه لم ولن تكن في كلية الهندسة ابداً
بالعكس في مكان يبعد الكثير عن الفئه الضاله في جامعة الملك سعود


المهم ما علينا
اغلبية المهندسين يتوظفون في وظائف مرموقه في القطاع الخاص وبرواتب عاليه
الا انا :o

احببت ان اكون الوحيد اللي يريد ان يخدم في القطاع الحكومي

مع العلم ان راتبهم اقل راتب في الدنيا

طبعاً انا واثق ان اغلب المهندسين في الجامعة هم اجانب

والمفروض اي سعودي يتقدم لوظيفة مهندس ومستوفي جميع الشروط يقبل ولا يعقد بأمتحان زي كذا


المهم ما علينا

انا قلت اكيد ان الوظيفة لي
لان الامتحان كان للمفاضله بيننا وانا الاحق


بس لما نزلت النتائج قبل امس تفاجت ان ما فيه احد نجح


لما راجعت مسوؤل المسابقات قال لي انت ما عديت الامتحان قلت يعني كم جبت انا قال مدري

قلت اجل مين اللي يدري

قال الكلية ارسلت لنا تقول ما نجح احد
قلت الكلية مهبل ع بالهم اننا للحين ندرس عندهم
الله يبتليهم في عميد يجيب اجلهم واحد واحد

قلت انتم ما قلتو لنا لازم تجيبون درجه معينه والامتحان مفاضله بيننا بس هو ما عطاني وجه وقال رح راجع كلية الهندسة

قلت انا اعرف مين اراجع


انا متاكد ان الوظيفه بتطرح مره ثانيه لان فيه شخص ما امتحن وبتعطى له يعني محجوزه له


الحين انا ناوي يوم السبت اقدم شكوى ع عميد شؤون التوظيف في الجامعه واذا ما فادني بقدم ع مدير الجامعة واذا ما فادني بقدم ع التعليم العالي واذا ما فادني بقدم ع الخدمه المدنية واذا ما فادتني بقدم ع ديوان المظالم وحقوق الانسان



وش رايكم باللي راح اسويه
وهل لهم حق انهم ما ينجحون احد ع الوظيفة بحجة اني ما عديت الامتحان مع العلم ان الامتحان لم يطلب منا ان نحصل ع درجه معينه ابداً




ابي حل تكفون قبل السبت

وانا يعلم الله اني كرهت ها الوظيفه

بس حركتهم غبنتي وناوي اجيب فيهم العيد واشهر فيهم

لانهم في حركتهم هذي معي مجرمين

ولازم نوقف اي متلاعب مثلهم مهما كان المصير



وشاكر لكم مقدماً


..

جامعه الملك سعود تشكو من فساد إداري هائل
لاتعب نفسك فالعله مستشريه
( كيف تضيع الأمانه نضيع إذا أوكلت لغير أهلها)

الله اكبر منهم كلهم وذا لك نصيب بيجيك واذا انظلمت الله يعوضك
اقدم شكوى ع عميد شؤون التوظيف في الجامعه واذا ما فادني بقدم ع مدير الجامعة واذا ما فادني بقدم ع التعليم العالي واذا ما فادني بقدم ع الخدمه المدنية واذا ما فادتني بقدم ع ديوان المظالم

ربي يعينك


يعطيك العافيه...دمتم بخير,,,

الله يكون بعونك

من أبسط الحقوق ان المقدم على الإمتحآن يعرف نتيجه

مع إن النفس تطيب أحيان
لكن إعمل اللي يريحك وترى إنه من حقك

روح اشتكي لديوان المظالم ولا تخاف اذا لك حق بتاخذه

ياخوي ليمتى وحنا نسكت تعبنا

والله انا انسرق لي وظيفة بنفس الكلام
ولا حول ولا قوة الا بالله
أخوي نحن بمملكة فيها القوي ياكل الضعيف
وشعارها(البقاء للاقوى)

الله يعينك وينصرك
وخل في بالك اذا لك حق بتاخذه
وما ضاع حق وراه مطالب