جابتني الذكرى على عيونه السود
واثرني قلت انساه دامه نساني
-
تدري وش اللي ضيق القلب ياحمود
شخصن احبه عاش في حب ثاني
-
انساه وارجع واذكره كلي مهدود
ولاجابته ذكراي ظلامن غشاني
-
القلب يحزن لا جفا ناعم العود
واشهد على شخصن احبه ونساني
-
تعطي غلا ثم تنتظر منه مردود
وتجزا بأعظم شي جزاك نكراني
-
اول احسب الخل لا غاب يعود
واثره لاغاب الخل يبدل مكاني
-
ياحمود تراني معك وماني موجود
ابي انتبه لك لكن مدري وش جاني
-
البال متشتت والضيق بدى يزود
مدري على أي مركب سرى بي زماني
-
البشر تاخذ ولا تعطي لك الفود
كلن يبي ياخذ ولا احدن عطاني
-
يبطي علي بالجفا وصرت انا مقصود
يقول خلي بالخلا راح خلاني
-
لو تجازي الناس الصد بصدود
ماتشوف بين البشر اثنين خلاني
-
تروح وترجع في ضميري موجود
مكانك اللي ماسكن فيه انساني
-
ولا مكانك في ضميري مقرود
نسيت كل ذرة داخل كياني
-
شف الليالي لو تروح منك ماتعود
ماعاد فيها رجا عد الثواني
-
لو تعتذر لي وتعطيني اعهود
اسامحك أخاف يمكن تراني
-
العام شفني فيك هايم ومشدود
العام جيت ارحل قلبي عصاني
-
واليوم في حبك ماني بمحدود
لو مارحلت عنك قلبي دعاني
-
انا خلاص الرجا مني مسدود
شف منو فينا ياصحيبي اناني




وسلامة قلوبكم الطاهره


مما راق لي ..

اعجبتني القصيدة



لكن الكاتبة ..........

صح الله السانك واختيارك قصيده رائعه بكل المقاييس تسلمين

القلب يحزن لا جفا ناعم العود
واشهد على شخصن احبه ونساني
-
تعطي غلا ثم تنتظر منه مردود
وتجزا بأعظم شي جزاك نكراني
-
اول احسب الخل لا غاب يعود
واثره لاغاب الخل يبدل مكاني
الله الله الله....طول عمرك مبدعه.. وأهديك اجمل باقة ورد ..وتسلمي يالغاليه والله يعطيك العافيه